تخاريف واحد مبسوط حبتين الجزء الاول
بواسطة
في 1 - 4 - 2011 عند 03:54 PM (1871 المشاهدات)
[SIZE=4][COLOR=magenta]ازاى تفرح:D [/COLOR]
إشتري علبة شوكولاتة مستوردة غالية و كلها.
بص على بنت حلوة و إعرف أنها لو عرفتك كويس أكيد هتحبك.[/SIZE] [SIZE=4]
إلعب لعبة مالعبتهاش من و إنت صغير.[/SIZE] [SIZE=4]
إعرق و إنهج و حس إنك عايش.[/SIZE] [SIZE=4]
إطفي نور أودتك شغل التكييف إسمع أكثر مزيكا بتحبها و إسرح معاها.[/SIZE] [SIZE=4]
بص لأهلك و عرفهم قد إيه بتحبهم.[/SIZE] [SIZE=4]
بص للي تحتك و إعرف قيمة كل حاجة معاك.[/SIZE] [SIZE=4]
بص للي فوقيك و إعرف إن رغبتك إنك تبقى زيهم هي اللي مدية طعم لحياتك.[/SIZE] [SIZE=4]
إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..[/SIZE] [SIZE=4]
روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..[/SIZE] [SIZE=4]
في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.[/SIZE] [SIZE=4]
إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.[/SIZE] [SIZE=4]
إعرف إنك كائن مهم و في كل لحظة بتغير إتجاه التاريخ.[/SIZE] [SIZE=4]
بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”[/SIZE] [SIZE=4]
سلم على [/SIZE] [SIZE=4][URL="https://forum.masrawycafe.net/showthread.php?t=93166"] واحد [/URL] صاحبك و خدوا بالحضن.. و زود مدة الحضن ثانية زيادة.. هتقوله حاجات كثير..
بص لبنت مغرورة و إضحك من جواك.[/SIZE] [SIZE=4]
بص لبنت وحشة و عاكسها بنظراتك و إعرف إنها هترجع البيت مبسوطة.[/SIZE] [SIZE=4]
بدون سبب إبعت رسالة لأي حد بتحبه قوله حاجة حلوة.[/SIZE] [SIZE=4]
إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.[/SIZE] [SIZE=4]
إضربها جزمة.[/SIZE] [SIZE=4]
خلى اللي يكره يكره و اللي يشتم يشتم وإعرف إنهم مضيعين وقتهم.[/SIZE] [SIZE=4]
إتأكد إنك لو عارف إنك هتموت بكرة هتعمل نفس اللي بتعمله دلوقتي.[/SIZE] [SIZE=4]
حب جامد قوي حتى لو حبك مش هيستمر لحد بليل.[/SIZE] [SIZE=4]
كل أكلة حلوة قوي.. بس ماتخليهاش تشبعك.[/SIZE] [SIZE=4]
إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.[/SIZE] [SIZE=4]
ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.[/SIZE] [SIZE=4]
بطل خمرة و مخدرات.. و إتعلم إزاي تستمتع بحتى أوحش الحاجات حوليك.[/SIZE] [SIZE=4]
أكسب نفسك و حب حد بيكرهك.[/SIZE] [SIZE=4]
إكسب نفسك ثاني و حب حد بتكرهه.[/SIZE] [SIZE=4]
إكسب نفسك ثاني و إنسى حد لسه بتحبه من غير ما تكرهه.[/SIZE] [SIZE=4]
إتفرج على ماتش كورة لفرقتين ماتعرفهمش و شجع [/SIZE] [SIZE=4][URL="https://forum.masrawycafe.net/showthread.php?t=93166"] واحد [/URL] فيهم قوي.. قوي.. حتى لو كان بيلعب زي الزمالك.
إنزل شجع مع الزملكاوية لما يكسبوا.. حتى لو إنت مش زملكاوى.[/SIZE] [SIZE=4]
إقرا الكلام ده من غير ماتعلق عليه و لو مش عاجبك بطل قراية.[/SIZE] [SIZE=4]
شوف فيلم الكيف و ماتتفرجش على آخر ربع ساعة فيه.[/SIZE] [SIZE=4]
إتفرج على الناظر من أول ما بيظهر محمد سعد.[/SIZE] [SIZE=4]
لما تقابل [/SIZE] [SIZE=4][URL="https://forum.masrawycafe.net/showthread.php?t=93166"] واحد [/URL] مش فاكر إسمه و مش بتسلم عليه عادة خده بالحضن و قوله واحشني جدا يا معلم..
إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.[/SIZE] [SIZE=4]
جرب أكلة جديدة في مطعم فخم.. ثمنها يخرب بيتك.. و روح و إنت مبسوط.[/SIZE] [SIZE=4]
شد مع عربية سيات.[/SIZE] [SIZE=4]
إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.[/SIZE] [SIZE=4]
إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.[/SIZE] [SIZE=4]
إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.[/SIZE] [SIZE=4]
إفتكر قبل ما تنام كل الكلام الحلو اللي سمعت الناس بتقوله عنك.[/SIZE] [SIZE=4]
كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.[/SIZE] [SIZE=4]
كل ما حد يقولك إزيك عامل إيه؟ قوله الحمد لله [/SIZE] [SIZE=4][URL="https://forum.masrawycafe.net/showthread.php?t=93166"] مبسوط [/URL] قوي.. قولها بسرعة من غير ماتفكر و إبتسم.. لوحدك هتتبسط فعلا.
شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.[/SIZE] [SIZE=4]
فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.[/SIZE] [SIZE=4]
سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.[/SIZE] [SIZE=4]
إستحمى في نص ساعة.. خلى المية تنزل على وشك و إسمع صوتها كويس.[/SIZE] [SIZE=4]
جيب لنفسك هدية و إستنى لحد عيد ميلادك و إديها لنفسك.[/SIZE] [SIZE=4]
جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.[/SIZE] [SIZE=4]
إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.[/SIZE] [SIZE=4]
إشرب مية كثير.[/SIZE] [SIZE=4]
ماتغضبش مهما حصل.[/SIZE] [SIZE=4]
أشكر كل الناس بسبب و من غير سبب.[/SIZE] [SIZE=4]
لو حد إتريق عليك إضحك.. حتى لو من جواك بتضحك عليه.[/SIZE] [SIZE=4]
لو حد شتمك حط ده في تانك البنزين بتاعك علشان يبقى طاقة تحركك لقدام.[/SIZE] [SIZE=4]
لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.[/SIZE] [SIZE=4]
لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك [/SIZE] [SIZE=4]
بص لإمبارح.. و شوف إتعلمت منه قد إيه..[/SIZE] [SIZE=4]
خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..[/SIZE] [SIZE=4]
إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..[/SIZE] [SIZE=4]
إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.[/SIZE] [SIZE=4]
[/SIZE]