قهوتنا على الانترنت
مشاهدة تغذيات RSS

فضفضة من القلب

صررررررررررر ه ......... اسمعوني

تقييم هذا المقال

ياشعب نهرك نهر النيل وعطاشنين

ياشعب كلك رجال اعمال وفنانين وللاسف الباقي جعانين

ياشعب فيك 6 اكتوبر والشروق والعبور وغيرها ياما كتير وللاسف 5 عائلات في غرفه عايشين

ياشعب شبابك وصل التلاتين ولسه مش متجوزين

ياشعب كلك ناس طيبين وعايشين منداسين

ياشعب انت الحضاره وللاسف مش متقدمين

ياشعب كلك ارض وصحراء وللاسف الناس مدفونين

ياشعب تعليم عالي وعلماء وفي الاخر كلنا عاطلين

مش عارف احنا كده شعب ظالمين ولا مظلومين






ياشعب رئيسك حسني وللاسف عطاشنين وجعانين ومش عايشين ومش متجوزين ومنداسين واميين ومدفونين وعاطلين
وانا شايف انه كده طبعا واكيد مظلومين مش ظالمين

فين فلوس قناه السويس
فين فلوس توشكي
فين فلوس السياحه
فين فلوس الخصخصه
فين فلوس الزراعه
فين فلوس الصناعه
فين فلوس رجال الاعمال اللي بالمليارات
فين فلوس الغاز الطبيعي والبترول
اعتقد وطبعا دي ضريبه علي الهواء اللي بستنشقه
طب احب اعرف
العيب في الحكومه ولا العيب في الشعب
للاسف مسمعناش ولاعرفناش الجوع والعطش والفساد والبطاله الا في عهدك يارئيسنا (مبارك)
فين عهد جمال فين عهد انور
فعلا عهد مبارك مش عهد مبارك
فعلا عهد جمال كان فعلا جميل
فعلا عهد انور كان فعلا منور




عاوزين نعيش
بنطلب ابسط حقوقنا المياه والطعام والعمل
وبلااااااااااش فسااااااااااااد
مش عاوزين أي ترفيه مش عاوزين سيارات
ولا عاوزين بواخر ولا عبارات
ولا فيلل ولا عمارات
عاوزين نعيش وبس




والله العظيم دي مش عيشه

فهمووووووني ياعالم


الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية ايسل
    ولا نفهمك ولا تفهمنا
    تعالى نفضل زى ما احنا كده حاطين ايدينا على خدنا ونقول لا حول الله يارب والفرج من عنده
    تسلم هشام على الموضوع وربنا يستر على الضغط والسكر عندك
  2. الصورة الرمزية هشام اللول1
    لا حول ولا قوة الا بالله
    بس يا ايسل خلاااااااااص بجد
    الشعب تعب قووووووي
    وعلي راي المثل
    ((( الشعب بيكح جبس )))
    وربنا معانا ويتولنا
    شكرا لمرورك ايسل
  3. الصورة الرمزية tato3030
    والله انتا هتسجنا انا عارف
    بس دة ما يمنعش ان الموضوع جامد
  4. الصورة الرمزية هشام اللول1
    والله انتا هتسجنا انا عارف
    بس دة ما يمنعش ان الموضوع جامد
    ياعبدو سيباه علي الله
    ربنا يستره علينا
    احنا في بلد ديقراطيه
    تسلم ياعبدو

  5. الصورة الرمزية مونه
    بجد الموضوع جامد قوى ياهشام بس أحسن لنا نفضل
    كده مش فاهمين أو عاملين نفسنا مش فاهمين
    علشان منتعبش وكده كده الحال يبقى كما هو عليه لحد مايحصل تعديل فى..................... طبعا أنت عارف
  6. الصورة الرمزية هشام اللول1
    بجد الموضوع جامد قوى ياهشام بس أحسن لنا نفضل
    كده مش فاهمين أو عاملين نفسنا مش فاهمين
    علشان منتعبش وكده كده الحال يبقى كما هو عليه لحد مايحصل تعديل فى..................... طبعا أنت عارف

    شكرا لمرورك الكريم مونه

    بس خلاص بقي يامونه احنا من زمان وهما مش عاوزنه نفهم لحد ما وصلنا للي احنا فيه ده
    فقر وفساد وجوع وعطش ...... وغيرهم كتير

    والحمد الله دلوقتي الناس بدات تفهم وبدات تتكلم
    فلازم نعمل اي حاجه علشان نغير الدستور ده
    يمكن بعد كده الدوله تتغير للاحسن

    شكرا لمرورك مونه
    وبارك الله فيك وحفظك
جميع الحقوق محفوظة لمنتديات مصراوي كافيه 2010 ©