قهوتنا على الانترنت
مشاهدة تغذيات RSS

فضفضة من القلب

رساله الي والي الجمهوريه ,,,,,!!!!!!!!

تقييم هذا المقال
رسالة إلي والي الجمهورية





ياوالي مصر في عصر الجمهورية
مولي علينا حكومة شويه حراميه

تركوا الحصان وركبوا سيارة 120 حصان
حتي حمار عم مسعود الغلبان نهبوا علشان تبقي سيارة 120 حصان وحمار

سرقوا بيت المال والتكية وسفروا فلوسنا للبنوك السويسرية

تركوا اللص والمرتشي والفاسد والخاين
ومسكوا الشريف والعفيف واللي بيقول كلمه حقانية

حتي العمال المتظاهرين اللي بقالهم كام يوم مستنين
كلمه منك يا والي ولا سالت فيهم وبسببك ياوالي
بنوا عشش وخيم أمام وزاره الزراعة
ومن زهقهم وخنقتهم وقرفهم قلعوا الجلابية





وبقولك ياوالي
هيجي يوم عليك وتركب حمار عم مسعود بالشقلوب
ويلفوا بيك من أسوان إلي اسكنداريه
ويبقي خليهم ينفعوك شويه الحكومة الحراميه

ووقته ينادوا عليك ويقولوا
يا أهل مصر الكرام
كل بيت في واحد مات غريق في العبارة
اومات محروق في قطار الصعيد
أو مات متسرطن بدم فاسد أو زرع فاسد أو قمح فاسد
أو مات متعذب في السجن
أو مات منتحر

بسبب الفاسداللي فوق الحمار

يأتي ياخد حقه من اللي فوق الحمار
يا حضره الوالي المحترم لقد أصبحنا جمهوريه


وشعبك لا يريدك مولاهم


وبوجه الشكر والتحية
ياوالي الجمهورية
وبقولك أنا ميه ميه
ومش عاوز أتعشي حلاوة طحنيه
علشان عارفك كريم مليون في الميه




الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية دره
    طيب اقولك ايه
    ربنا يرحمنا
    جزاك الله خيرا
  2. الصورة الرمزية آيه محمد
    شكلنا كده لو اشتركنا فى الرد هنروح فى داهيه

    بس مش مهم كلامك مظبوط ميه الميه

    واشكرك على صراحتك القويه
  3. الصورة الرمزية هشام اللول1
    اقتباس المشاركة الأصلية كتبت بواسطة اسلامى حياتى
    طيب اقولك ايه
    ربنا يرحمنا
    جزاك الله خيرا
    ولا تقولي اي حاجه
    كفايه اللي اتقال
    ربنا يرحمنا جميعا

    بارك الله فيكي وحفظك ورعاكي اسماء

  4. الصورة الرمزية هشام اللول1
    اقتباس المشاركة الأصلية كتبت بواسطة آيه محمد
    شكلنا كده لو اشتركنا فى الرد هنروح فى داهيه

    بس مش مهم كلامك مظبوط ميه الميه

    واشكرك على صراحتك القويه
    شكرا لكي اختي ايه

    هي الداهيه جايه جايه
    فوق دماغي متخافوش


    شكرا لمرورك الجميل
    بارك الله فيكي وحفظك ورعاكي
    تم تحديثها 24 - 7 - 2010 في 05:59 PM بواسطة هشام اللول1
  5. الصورة الرمزية ابوعبدة
    هو دا الكلام ولا بلاش
  6. الصورة الرمزية هشام اللول1
    اقتباس المشاركة الأصلية كتبت بواسطة ابوعبدة
    هو دا الكلام ولا بلاش
    نورت يا ابو عبدو صفحتي المتواضعه
    ونورت المنتدي
    بارك الله فيك وحفظك ورعاك
جميع الحقوق محفوظة لمنتديات مصراوي كافيه 2010 ©