قهوتنا على الانترنت
مشاهدة تغذيات RSS

~ NORA ~

يا خالد قوم من قبرك للشاعر عبد الحميد بدوي

تقييم هذا المقال
اقتباس المشاركة الأصلية كتبت بواسطة أهلاوية وأفتخر مشاهدة المشاركة
بسم الله الرحمن الرحيم
السلام عليكم ورحمة الله وبركاته:
يا خالد قوم من قبرك

يا خالد قوم من قبرك

وقول مين موّتك ومين ضربك

وقول مين عذبك ومين قهرك

قول مين ذلّك ومين سحلك

بيقولوا الداخلية برئية من دمك


هو انت تطلع مين بسلامتك

كل يوم فية كتير زايك

ويمكن أكتر بكتير منك

ماهو ده أهم فوائد الأمن والنظام

أنها تحرق قلبنا وقلبك

أنها تقهرك في قعر بطنك

أنها تعرفك قيمتك

أنها تقصف عمرك

انها تكسر عضمك

أنها تحزن أهلك


يا خالد أطلع من قبرك


والله حتى لو طلعت

والله لو بعد الموت نطقت

ماحد هيسمعلك

هو انت لما كنت بتموت

كان مين رحمك

كان مين سمعك

ياخالد قوم من قبرك

يمكن يقوموا بعدك

يمكن يقوموا بعدك

مش انت لوحدك اللي مُت

دا احنا كلنا ميتين من قبلك

يمكن نقدروا نأخدوا حقنا وحقك

كل الناس اللي شاهدوا

محدش سمعهم طظ في كلامهم

هما ما بيسمعوش غير نفسهم

التقارير كلها جاهزة عندهم

بيقولوا انك مسجل خطر من زمان

و عليك قواضي وعليك احكام


ومشكوك في شرفك

وبِعت بلدك وغيّرت دينك وغيّرت اسمك

وقالوا كلام بعيد عنك

وكأنهم عايزين مكافأة قتلك

وكويس انهم ريحوا البشرية منك

ربنا يرحمك ياخالد وربنا لوحده

اللي يقدر يأخد حقك

تقرير الطب الشرعي اول وتاني

بيقول ان البانجو عملك احتباس حراري

آه يا ناري

هما يعنى هيغلبوا ما هما اتعودا

وكل الجرايد الحكومية بتقول انك مفتري

وحتى وانت مَيّت على الناس بتفتري

وأنت اللى خنقت نفسك بنفسك

وأنت اللي كسرت ضلوعك وكسرت الجمجمة


ومحدش فيهم جه ناحيتك ولا لمسك ولا قالك مرحبا


انت اللى طحنت نفسك بنفسك ودخلت المفرمة

وظلمت المخبرين علشان هما ناس طيبة

والواحد فيهم ايديه مطرحتين ناس متفصلة

انا عارف ان القضية مش قضية مخبرين

القضية قضية شعب كاتم

وساكت وشايل الطين

وميعرفش حقة فين

مكسور الجناح ومطاطي الجبين

معندوش ارادة طيب هو هيجيب الارادة منين

وصورة خالد قدامة عينيه عينه

القضية قضية دولة عدوها الاول هو شعبها

ودايما شيفاه حمل تقيل على قلبها

وعايزة تخلص منه ومش عارفة توديه فين ؟؟؟؟؟؟؟؟؟؟؟؟؟؟؟


الشاعر
عبد الحميد بدوي
الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية بك أستجير فمن يجير سواك
    كلمات رائعة جدا
    سلمتى اختى على اختيارك المتميز
    وربنا يرحم موتنا اجمعين ويرحم خالد ويسكنه جنه الفردوس
    تحياتى لكى اختى الكريمه وبارك ربى فيك
  2. الصورة الرمزية ~ NORA ~
    شكرا بارك الله فيك منور ماشاء الله عليك ودايما متألق على طول يارب
  3. الصورة الرمزية miss magy
    كلمات قوية بتعبر عن الغضب الكامن فى الشعب المقهور
  4. الصورة الرمزية ~ NORA ~
    شكرا الله يعطيك العافية
  5. الصورة الرمزية مصري وافتخر
    شكراً يا اهلوية
    ربنا يرحمه ونحسبه في عداد الشهداء إن شاء الله
  6. الصورة الرمزية ~ NORA ~
    العفو وربنا يرحمه اللهم آمييييييييييييين
  7. الصورة الرمزية خالد زكرى
    انا اسمى خالد مشعراف الكلام على مين بس الموضوع جامد اوى
  8. الصورة الرمزية ~ NORA ~
    حضرتك منور والموضوع بيتكلم عن شهيد الطوارئ خالد سعيد ربنا يرحمه
  9. الصورة الرمزية ashraf osman
    والله بايه اقدر اقول ان كلمات لها تاثير عجيب كانك تقرا وجوه كل المصريين شفوا برىء دون ان يدفعوا عنه وهم فى الحق خائفين ومن الظلم مقهرين ومن الطوارىء ليس له سند حماية من البطش الله يارحمن اغفر لمرحوم بواسع رحمتك وادخله فسيح جناتك
    تحياتى اشرف سيد عثمان
  10. الصورة الرمزية ~ NORA ~
    حضرتك منور وشكرا لكل اللى ردوا
جميع الحقوق محفوظة لمنتديات مصراوي كافيه 2010 ©