قهوتنا على الانترنت
مشاهدة تغذيات RSS

فضفضة من القلب

عجبي وابداعي 3

تقييم هذا المقال
اقتباس المشاركة الأصلية كتبت بواسطة هشام اللول1 مشاهدة المشاركة



يابلد كل ساعه فيكي خناقه وعركه
وتترفع المطاوي والسيوف والسكاكين
واللي بيروح فيها هما الضعفاء المساكين
ويكون السبب شاي المسئولين
اللي عمره ما اتشرب من غير الياسمين
وعجبي

يابلد ياللي ضحكتك مرسومه علي الوشوش
اصبح الحزن في قلوبك مرشوش
من كتر الفساد اللي في كل مكان منفوش
ومن الامراض والسرطانات اجسامنا اصبحت بتبوش
ارحمينا بقي ياحكومه من استيراد كل شئ مغشوش
وعجبي

يابلد بقينا نشوف فيكي كل يوم حريقه
وتاني يوم سفينه او عباره غريقه
وتالت يوم مؤسساتنا فيها نهب وسريقه
وكل يوم تزداد مصيبه فوق مصيبه
وبعد ده كلها عاوزة تشوفي جوانا
المواطنه والانتماء والطيبه
وعجبي

يابلد انتخاباتك كلها تزوير
واللي ناجح فيكي حزب المعلم الكبير
ليه بتحسسونا اننا داقين عصافير
وانتوا مش بتنجحوا الا بالتزوير والجنزير
عاوزين ايه تاني بعد ما وصلتوا بالشعب لحد التسخير
وعجبي

ياحكومه ياللي دماغك عنديه
وتخططيكم مابيخرش الميه
وبنسبه ميه علي ميه
وصلتنا شكاوي من البنوك السويسريه
من كتر فلوسكم اللي هناك مراميه
وعجبي

ياشعب ياللي ارادتك وعزيمتك بقيت في الحضيض
اطلع من صمتك وسكوتك واصرخ وثور
دي ارضك مش ارض بور
ارضك فيها خير يوزع عليك ويفيض
ولا انت مستني الفرخه علشان تبيض
بكره هتلاقي واقفلك الغالي
يقولك من غير ضريبه عمرها ما هتبيض
وعجبي

ياسفينه الامان شد حيلك وعدي بينا
سيبنا بلدنا وناسنا واهلينا
علشان ندور علي بلد لكرامتنا تحمينا
ونخرج طاقتنا وقوتنا المدفونه فينا
ولكن يابلدي صورتك
في قلوبنا وعيونا مدفونه فينا
وعجبي


الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

جميع الحقوق محفوظة لمنتديات مصراوي كافيه 2010 ©