قهوتنا على الانترنت
مشاهدة تغذيات RSS

شوية رغى

عامله فيها جامده وانا؟؟؟؟؟؟؟؟

تقييم هذا المقال


مبحبش حد يشوف اى دموع فى عنيا
عشان لا اصعب عليه ولا يزعل عليا
واضحك وكان الضحكة بجد
مش محتاجة طبطبة من حد
واضحك وكان الضحكة بجد
مش محتاجة طبطبة من حد

ما انا لو بنكسر من جوايا مش عاوزة فى نظر الناس اتهد

مبحبش حد يشوف دموع فى عنيا
عشان لا اصعب عليه ولا يزعل عليا

مبحبش ابان مغلوبة ضعيفة وصورتى اصاد الناس تتهز
ولاحد يشوفنى يقول مسكينة يعينى عليها وملهاش حد

واضحك وكان الضحكة بجد
مش محتاجة طبطبة من حد

ما انا لو بنكسرمن جوايا مش عاوزة فى نظر الناس اتهز
انا لوبنكسر من جوايا مش عاوزة فى نظر الناس اتهز
مبحبش حد يشوف اى دموع فى عنيا
عشان لا اصعب عليه ولا يزعل عليا

الاغنيه بتاعت انغام بتوصفنى انا بكل حالاتى بتوصف انا ازاى وليه بخبى وليه بسكت
وقفتنى مع نفسى فعلا انا مبحبش حد يقولى معلش بتضايقنى فى اوقات كتير
ليه انا بعيط بينى وبين نفسى دموعى غالية عليا مبحبش ابان ضعيفة قدام اى حد
وقت كتير بحس انى عاملة نفسى جامدة بقوى نفسى من بره وانا من جوه لو حد قال هووووووووف هنهار من العياط

اوقات بحس انى مخنوقة وماليش حد بجد بس ببص حوليا بقوم من تانى واقول انا جامدة اوى
بتضايق لما بكشف نفسى اوى كله بيقول عليا غامضة
بس ما يعرفوش انا غامضه
ليه خليهم ما يعرفوش
سلام
الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية hero
    [CENTER][I][FONT=Microsoft Sans Serif][SIZE=5][COLOR=Black]اولا واخير دايما متفوقه على نفسك
    حتى ولو من بره خليكى مع نفسك وبلاش فعلا طبطبه من حد
    وبلاش حد يشوف دموعك غير نفسك
    دايما ممتاز فى المدونتك
    تسلمى على ايسل فعلا فضفضه من القلب
    وبجد شى رائع واكتر من رائع
    مع كل تحياتى اليك
    [/COLOR][/SIZE][/FONT][/I][/CENTER]
  2. الصورة الرمزية عفريت أفندى
    تعرفى يا ايسل أحسن حاجه ف الإنسان الغموووووووووض

    بيخلى اى حد يقابله يحتار فيه و يفكر كتير اوى ف احواله

    و كمان ممكن يتعجب من غموضه ده

    بس الغموض مش بيكون مع كل الناس

    فى ناس بيكون احسن إن الواحد يبقى غامض قدامهم

    لكن الاصدقاء و الأحباب صعب تكونى غامضه قدامهم

    اما بئه موضوع الطبطبه فانا كمان رأيى من رأيك

    مبحبش اصعب على حد و يقولى انت غلبان و مسكين و محتاج عطف او شفقه

    لازم الواحد يبان قوى حتى لو كان بيمر بمرحله صعبه جدا

    لأن الثقه بالنفس بداية التغلب على أى مشكله او ورطه

    تحيااااااااتى لفضفضتك الجميله اللى من القلب

    و تقبلى مرورى و مشاركتى

    أخوكى وليد ( مرهف الإحساس )
  3. الصورة الرمزية هشام اللول1
    موضوع جميل اختي ايسل
    وفعلا الواحد مننا لازم يبان قوووي
    ولا حد يطبطب عليا
    لان القوي في الشخصية شئ جميل

    وفعلا الموضوع احساس جميله وعالي

    وشكرا لكي علي الفضفضة
  4. الصورة الرمزية بك أستجير فمن يجير سواك
    واضحك وكان الضحكة بجد
    مش محتاجة طبطبة من حد

    فضفضه لا بجد تعرفى انى عمرى محسيت ان حد ممكن يكتب الا جوايا كده
    بجد مبحبش حد يشوف دموعى ولا انكسرى الا نفسى حتى اقرب ما ليا الا من دمى
    بحس انى غريب شوى بس انا بالاخر بشر ودمعتى قريبة وبتتعبنى وبتكسر فيا
    بجد انتى انسان جميلة اوى ربنا يبارك فيك اختى الرقيقة ويحميك ويحفظك
    بس كنت عايز اعرف حاجه اسمك بجد ايسل
    دمتى بحفظ الله ياحبيبتى



  5. الصورة الرمزية hadede
    قد لا نحتاج الى الطبطبة ولكن نحتاج الى الفضفضة
    صحيح الانسان بيحب دائما يكون قوى
    لكن وقت الشدةيحب يكون الجميع بالقرب منه
    وكذلك وقت الفرح
    بيحب يشاركه الفرحة كل المقربين منه
    دمت فى صحة وسعادة
    ايسل وبارك الله فيك
    مش محتاجة طبطبة من حد
    واضحك وكأن الضحكة بجد
    حقيقى مقطع رائع ولكن يظل كأمنية نتمناها من داخلنا وعندما نتعرض للشدائد نتمنى ان يكوب المقربين الينا بالقرب منا
    آسف للاطالة
    حفظ الله ورعاك
  6. الصورة الرمزية ايسل
    تسلم يا احمد على مرورك وكلماتك الرائعه

    ودايما منورنى
  7. الصورة الرمزية ايسل
    تسلم اخى الغالى وليد مرورك يسعدنى كثيرا

    وردودك الرائعه تسلم يارب
  8. الصورة الرمزية ايسل
    شكرا هشام لمرورك وفعلا يجب ان نكون اقوياء

    تسلم هشام
  9. الصورة الرمزية ايسل
    يارب يخليكى اختى الغاليه على قلبى ريم

    يارب دايما يكون بداخلك السعاده ويبعد عنك الهموم
    ويستى ايوه اسمى الحقيقى ايسل

    وانتى سالتى على معناه قبل كده

    معناه وجه القمر

    ويارب دايما اختى حبيبتى منورانى
  10. الصورة الرمزية ايسل
    شكرا عماد على المرور وعلى ردك الذى انار موضوعى وانت تطول فى الكلام براحتك انا اسعد واتعلم من كلماتك اخى الكبير عماد
  11. الصورة الرمزية Special Girl
    الله يا ايسل بجد كلمات حلوة
    تسلم ايدك بجد

  12. الصورة الرمزية ران
    بجدكلمات رائعة وبجد احسن حاجة فى الانسان انه ميشوفش نظرة العطف عليه لمجرد انه عاجز عن شىء واحسن حاجة بجد الغمووض المستور بشىء من الخصوصية مع الانفتاح
    تسلمى على كلماتك الجميلة

    اختك نيفين
  13. الصورة الرمزية ايسل
    يارب يخليكى يا جوجو وتنورينى دايما شكرا لك حبيبتى
  14. الصورة الرمزية ايسل
    اختى نيفين اشكرك على مرورك الجميل وردك الأجمل

    شكرا لك نيفين
جميع الحقوق محفوظة لمنتديات مصراوي كافيه 2010 ©