الدنيا لسه فيها ناس طيبه
بواسطة
في 25 - 12 - 2009 عند 11:29 PM (1481 المشاهدات)
عارفين يا جماعه لما تمشوا فى الحياه وانتم متأكدين من حاجات كتير ذى ايه هقولكم انكم عارفين ان كل اللى فى الحياه مصالح وان كل واحد من اللى حوليكم مبيفكرش غير فى نفسه وان كل واحد بيقوم الصبح يقول ناشبد الصباح مصلحتى يا مصلحتى وماشين ومتأكدين من كده وفجأه يظهر لكم حد غريب تبصوا على الوشوش اللى حوليكم تقولوا ايه ده الشخص ده غريب مش شبه اللى قدامى خالص وتركز معاه علشان هو مختلف طبعا وتركز عليه تشوفه بيعمل ايه خلاك تقول عليه مختلف وتبص تلقيه بيشارك كل اللى حواليه فى فرحهم وحزنهم ومش مستنى حاجه منهم وكل ما يحتاجه حد من غير ما يندهلو يلقيه وتلاقى فى قلبه
مفيش ولا غل ولا حقد وبيحب نجاحك ذى ما بيحب نجاحه متهيألى هتستغرب ايه ده فى حد كده اه اخيرا لقيت لسه فى ناس طيبه وبيحبوا لغيرهم اكتر من اللى بيحبوا لنفسهم متيأسوش هتلاقوا لسه فى ناس طيبين قلوبهم طيبه وبيحبوا الخير لغيرهم اما انا فا عايزه اقول للشخصيه الجميله دى
يلى مختاره اسمك على احلى اسم كل الناس بتعشقه
الارض
عايزه اقولك خلتينى احس ان الدنيا لسه بخير يارب يبارك فى عمرك وتعيشى طيبه وقلبك جميل ذى مانتى
ومتغيركيش الدنيا يارب وادعلكم انتوا كمان تلاقوا فى حياتكم حد يحبلكم الخير ذى ما بيحب لنفسه وانشاء الله هتلاقوا .