شوية رغى
بواسطة
في 30 - 12 - 2009 عند 05:25 PM (1572 المشاهدات)
هحكيلكوا حكايه من كام سنه كده كنت انا واخويا اللى اكبر منى لسه عيال اخويا ده
بعيد عنكم مبيبطلش رغى وانا مببطلش سكات وبعدين انا الغلبانه الوحيده قدامه يمسك ودنى وينزل رغى ويحكيلى حاجات والله انا كنت معاه فيها طب بيحكهالى ليه بس اخويا هعمل ايه يعنى بحبه لازم اسمعه وبعدين بابا خد اجازه اسبوع وقعد معانا وطبعا قاعدين كلنا معاه كان بيعلمنا الشطرنج وصاحبنا مسك ودن بابا وهاتك يارغى وبابا كان قاعد يبصله ويبصلى مكنتش عارفه ليه بس عرفت لما قاله انت يابنى مبتعرفش تسكت ساعتها زياد سكت بس انا حسيت ان انا الى اتكسفت ووشى احمر وبعدين بصلى وقالى وانتى ما بتعرفيش تتكلمى رحت بصاله انا وزيادلقيته بيقولنا اسمعوااللى بيتكلم كتير مع الوقت محدش هيسمعواواللى بيسكت كتير الناس بتبقى مش شيفاه هقولكم ازاى عندنا شوكولاته ولبان لومصنع الشكولاته عمل الف واحده بس والناس كتير بتحبهاهيخلى الواحده بكام طبعا هيبعها غاليه ومصنع اللبان بيعمل لبان كتير هتتباع بكام طبعا ببلاش هو ده اللى بقول عليه السكوت والرغى زى الشوكولاته واللبان فتعلموا الوقت اللى تتكلمو فيه والوقت اللى تسكوتوا فيه
واخر حاجه انتوا عارفين ان البحر مليان سمك اشمعنى فى سمك بيصطاده الصياد وفى سمك لأ علشان صنارة الصياد بتشبك فى السمكه اللى فتحه بقها
ومن ساعتها يا اصحابى زياد برضه بيرغى وانا برضه ساكته وسلام