انا حرة......... حرة ازاى يعنى
يعنى ايه انا حره؟
او انا حر؟
ايه هوا مصطلح الحريه اللى انت عارفه؟
او تعرف ايه عن الحريه
انا بصراحه اعرف عنها اليومين دول او على الموضه
بقت قلت أدب
اه وربنا
يعنى الواحد ماشى فى امان الله كده و تلاقى بنت لابسه لبس ولادى و حظاظه كمان و عملالى فيها الاميره تفيده و مأنكشه فى ايديها الواد (سديكها)
البوى فريند يعنى
و هيا اساسا ماكملتش الــ12 سنه
و تيجى تسألها ايه اللى انتى عاملاه ده
ترد عليك بكل جراءه و تقول
((انــــا حره))
اصل دى حريتى الشخصيه و محبش حد ابداا ابداا انو يتدخل
بعد ازنك بقا يا عمو
و تروح ماشيه عادى ولا كأن الكلام كان بيتقالها
يعنى ايه حريه شخصيه ؟؟!
الحريه من وجهة نظرى البسيطه
هى...
حرية الرأى
حرية الاسلوب
حرية الكلام
حرية التعامل
مش حرية الهبل
ده كده اسمه عدم حياء
انتى او انتا حر
اوك
و بعدين
!!
اخرج الســــاعه3 الفجر.. انا حره
البس اللى انا عايزاه.. انا حره
اروح المكان اللى انا عايزاه . اصل انا حره
اتكلم زى مانا عايزه .. انا حره برضو
محدش ليه كلمه عليا
ايه ده؟
دى كده بلطجه
يا جمـــــــــاعه
ايه هيا الحريه؟؟
هيا دى
يعنى انا لما اقول انا حره
ابقا بلطجيه و اى حد يتكلم يبقا معايا مطوه و اقوله وانتا مالك انا حره
عايزه اعرف ايه هوا معنى الحريه اللى بجد
مش الحريه دى
