معقوله انت كده!!!!!!!!!!!!!!!!!!!!؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
السلام عليكم ورحمة الله وبركاته
بصوا الناس قالت ايه!!!!!!!!!!!!!!!!!!!!!!
عايزاكم تقروا كويس وتقولولى هو بجد الكلام ده صح ولا اشاعات مغرضه:-/:-/:-/:-/
ندخل فى الموضوع على طول
دمه خفيف، لسانه طويل، حشرى، ابن نكتة، ابن بلد، عاطفى، متدين، كذاب، «محوراتى»، عصبى، دمه حامى، حنون، تسهل قيادته، راضى بقليله، مسالم، «زييط»، «أقرع ونزهى»، هجاص، ما بيشتكيش لحد ما يطق من جنابه، بيصبر على جار السو، الباب اللى تجيله منه الريح بيسده علشان يستريح، لو مالوش كبير بيشتريله كبير، لو شاف حد مالوش ضهر بيضربه على بطنه، لو له عند الكلب حاجة بيقوله يا سيدى، اللى يتجوز امه يبقى عمه، بيشغل قرآن وهو شغال ويكروت الشغل، ما بيركعهاش ويقول إن ربك رب قلوب، بيسمع أغانى «زبالة» طول اليوم وآخر الليل يشتمها ويقول فين زمن الفن الجميل، ما بيقراش بس بيفتى فى كل حاجة، على كل لون «ياباطيسته»، عنيد وعنّدى، صبور لدرجة تخض، لو جاله الطوفان بياخد ابنه تحت رجليه، رغاى، يتريق على نفسه لو ما لاقاش حد يتريق عليه، بغزاله، يقتل القتيل ويمشى فى جنازته، حمّال أسية، عينه زايغة، يعبى الشمس فى قزايز، يبيع الهوا، دمعته قريبة وقلبه رهيف، بيحب الفرفشة، لما يضحك من قلبه يقول اللهم أجعله خير، بينسى بسرعة، يوديك البحر ويجيبك عطشان، نفسه حلوة، اللى فى جيبه مش ليه، ما بيتعلمش من أخطائه، مش مذاكر تاريخ، بيسرق ومش عايز حد يسرقه، كلمة تجمعه وعصاية تجّريه، فاضى وبيعمل قاضى، يشتم ويجرى، بيجى فى الهايفة ويتصدر، يعمل كل حاجة أحسن من الكتاب ما بيقول بس يبوظ التفنيشة، بيحب الزحمة بس بيشتكى منها، بياخد حقه بدراعه، يكدب الكدبة ويصدقها، عارف كل حاجة ومدكن، زى القطط بيحب خناقّه، بياكل وينكر، يبات مظلوم ولا يباتش ظالم، يدعى على ابنه ويكره اللى يقول آمين، تسمع كلامه تصدقه تشوف أموره تستعجب، النيل رواه والخير والسرطان والكوليرا والمجارى وفيروس سى والبلهارسيا ومخلفات المصانع جواه، اعتقد انكم مش محتاجين تعرفوا الكلام ده كله على مين
لو سألتك انت مصرى تقولى ايه;);););)
سلامممممممممممممممم