اخبار الاعتصامات و الاضراب فى مصر
اخر اخبار الاعتصام و الاضراب فى مصر
تم القبض على الاستاذ/احمد ميلاد النائب الاول لحزب الغد بالبحيرة و د/عادل العطار منسق حركة كفاية بالبحيرة و امرت النيابة بحبسهم 15 يوما على ذمة التحقيق
الاسكندرية تم القبض على عدد من اعضاء حزب الغد و تم الافراج عنهم ماعدا اثنين هم احمد عراقى نصار و قطب حسنين و امرت النيابة العامة بتحويلهم لنيابة امن الدولة العليا
القاهرة تم القبض على 28 عضو بالغد و امرت النيابة بحبسهم 15 يوما و من بين من تم القبض عليهم ضمن اعضاء غد القاهرة اسراء احمد راشد التى انشات جروب اضراب 6 ابريل على موقع الفيس بوك
سيتم عرض لصور الاضراب قريبا و حسبى الله و نعم الوكيل و العزة و الكرامة لشعب مصر
رد: اخبار الاعتصامات و الاضراب فى مصر
يا حرام والله حزنت مشان اخى احمد ميلاد واخى احمد نصار
ابقى طمنا عنهم والله يا اخى احمد
رد: اخبار الاعتصامات و الاضراب فى مصر
بالتاكيد كان فيه اشخاص اخرين تم القبض عليهم و لكن تم الافراج عنهم امس منهم يحيى ابو شعرة حسام يونس (اعضاء الغد) م/جمال منيب الامين العام المساعد للحزب الناصرى
رد: اخبار الاعتصامات و الاضراب فى مصر
ربنا يعينهم ....
أهو الشجاع اليومين دول بيعاملوه كدة ....
ربنا ينصرهم ، ويكون الإضراب بفايدة ....
رد: اخبار الاعتصامات و الاضراب فى مصر
لا حول ولا قوة الا بالله
الله يفك سجنهم ويخرجوا بالسلامة
خبر مؤسف فعلا
مشكور احمد للتغطية للخبر وتسلم يا رب
وفعلا يا ريت نطمن عليهم
رد: اخبار الاعتصامات و الاضراب فى مصر
الحمد لله على كل شئ و عموما هما اترحلوا هنا لسجن برج العرب و القاهرة مازالوا فى معسكر الدراسة و اظن حايتم ترحيلهم الى سجن المزرعة بطره ربنا معاهم و يارب تكون بهدلتهم دى بس على الاقل بنتيجة
رد: اخبار الاعتصامات و الاضراب فى مصر
اولاً بالغ الاسف علي الخبر المؤسف بتاع الاستاذ احمد ميلاد العضو اللي معانا هنا
ثانيا يا اخ تيتي
بما انك راجل سياسي يعني وكدة
انا امنية حياتي اعرف
مين هو صاحب فكرة الاضراب
وصاحب فكرة الاضراب او الاعتصام او المظاهرات
تحت اي مسمي
مين هو؟
وكان بيعمل ايه اول امبارح؟؟؟
وبداية هي فكرة ممتازة
بس لسة مصر مش وصلت للمرحلة دي في الديمقراطية
وبعد اذنك يعني يا معلم بلاش حكاية العزة والكرامة دي
اصل مش احمد باشا عرابي معانا في الكافيه:D
وتشكر يا جميل ع المتابعة الاخبارية دي
رد: اخبار الاعتصامات و الاضراب فى مصر
الف لا بأس ع استاذ احمد وان شاء الله يرجع لينا بالسلامه
هو وكل من شارك ف اضراب تمنينا جميعا يخرج بمظهر مشرف
انا مش عارف خرج ازاى صراحه بس اكيد خرج بشكل كويس وروح ومشاركه واقبال كبير
شكرا احمد:)
رد: اخبار الاعتصامات و الاضراب فى مصر
بعد اليوم الى قضيتة بين جدران قسم شرطة دمنهور وبعد الضرب الى والاهانه للرجال محترمين زي استاذ احمد ميلاد او الدكتور جمال العطار والباش مهندس منيب الى كاد ان يموت من شدد الضرب .
وبعد ما حدث من غياب 100% من مدارس الدقهليه عن مدارسهم يوم الاحد وبعد 40% تضرر للمصالح الحكوميه من الضراب اعتقد ان المجموعه الى محبوسه او الى خرجت نجحوا بالفعل مع كل شعب مصر في الاضراب وفي تحريك الشعب .
والحمد الله
وفضل جهاد كلمة حق لدي سلطان جائر
رد: اخبار الاعتصامات و الاضراب فى مصر
برده محدش رد عليا وقالي مين هي الجماعة اللي او الشخص اللي اخترعت فكرة الاضراب
وكان ايه نشاطهم في اليوم ده