قهوتنا على الانترنت
ابحث عن :  
النتائج 1 إلى 9 من 9
  1. #1
    تاريخ التسجيل
    23 - 3 - 2009
    ساكن في
    عالم الورود
    المشاركات
    368
    النوع : انثيEgypt

    كووول @.. تعالوا نشوف حوار بين حفيدة وجدها سنة 2050 ..@





    إلي كل أعضاء منتدي مصراوي كافيه الحلوين
    بقدم لكم اليوم حوار بين حفيدة وجدها سنة 2050
    وده أول موضوع ليا هنا بتمني يعجبكم
    اترككم مع الحوار
    اتفضلوا


    الحفيدة: جدو تامر إزيك .. حلو البدي اللي انت لابسه ده . بس ده
    موضة قديمة قوي يا جدو

    الجد : يا بنتي أنا راجل دقة قديمة وبالبس زي ما جيلنا اتعود
    وحسب التقاليد القديمة بتاعتنا






    الحفيدة : أيوه بس مش حاسس إنك مخنوق وانت لابسه؟


    الجد : أبداً ده هو ده اللبس المحتشم اللي مفروض الكل يلبسه
    ويحافظ عليه .. فين أيام زمان لما كنا نلبس البدي اللي مبين البطن
    والظهربس، مع البنطلون السترتش الجلد والجوانتي الجلد... كانت حاجة
    آخر روشنة






    الحفيدة : ياه يا جدو .. ده انتوا كان ليكم تقاليد غريبة خالص

    الجد : وهو انتي فاكرة إن أيامكم دي أيام؟ يا بنتي أيامكو دي ما
    يعلم بيها إلا ربنا .. فين أيام سنة 2002م ، هو الواحد فينا كان
    يستجري يشرب سيجارة البانجو ولا يسحب له سطر بودرة قدام أبوه؟ طب ده
    الدنيا كانت تتقلب ساعتها وما تتعدلش .. أمال إيه .. كان فيه حاجة
    اسمها أخلاق






    الحفيدة : معقول يا جدو؟ للدرجة دي؟؟

    الجد : أمال انتي فاكرة إيه .. وبعدين كانت الست من دول ما تلبسش
    اللبس الخليع بتاع اليومين دول .. يعني الجيبة كان لا يقل طولها عن
    شبر ونص .. وكانوا الستات يلبسوا فوقيها بلوزة باستمرار ..مش زي دلوقتي






    الحفيدة : يا خبر .. وإيه كمان ياجدو

    الجد : ح أقول لك إيه ولا إيه .. يعني خدي عندك مثلاً .. زمان كنا
    نسمع الطرب الأصيل لمطربين حقيقيين زي مصطفى قمر ، وعمرو دياب ،
    وكانت الأغنية مدتها أكثر من دقيقتين متواصلين من الطرب الأصيل
    والسريعة الروشة اللي تعمر النافوخ بصحيح كانوا مطربين روشين طحن
    وكله كوم والست كوم تاني






    الحفيدة : ومين الست دي يا جدو


    الجد : في حد مايعرفش الست...نانسي عجرم طبعا






    الحفيدة : وبعدين


    الجد : وبعدين كنا نسمع على حاجة اسمها اسطوانات ليزر ، ودي صحيح
    انقرضت ، بس
    كان ليها طعم عن دلوقتي ، يا سلام لما كنا نحطها في الووكمان ونعلقه
    في حزام البنطلون ونمشي في الشارع كده ،، كانت أيام جميلة





    الحفيدة : حكاويك ممتعة قوي يا جدو .. ثانية واحدة بس لما أصحي
    سوسو صاحبي
    لأنه بايت معايا في الأودة من امبارح ..
    (بعد عدة دقائق) هيه يا جدو .. وبعدين


    الجد
    : أحلى أيام بقى كانت أيام الدراسة ، الفصل كان على أيامنا
    رايق وعدد التلاميذ فيه ما يزيدش عن ستين سبعين تلميذ ، وكنا ساعتها
    بنعرف نفهم الدرس كويس مش زي دلوقتي ، وكانت الشوارع أيامها فاضية
    لأن مصر كلها كان تعدادها 70 مليون مش أكثر ، تخيلي بقى الروقان
    اللي كنا فيه؟





    الحفيدة : 70 مليون بس؟

    الجد : أمال إيه .. علشان كده كانت كل حاجة رخيصة ، يعني مثلاً
    كيلو اللحمة يوم ما يضربه الدم كان يبقى بخمسة وعشرين جنيه أو بخمسة
    وتلاتين جنيه ، وكان أتخن جوز جزمة بمتين وخمسين جنيه ، وكان الواحد
    يقدر يشتري شقة تمليك بـ 350 الف جنيه بس .. وكان الدولار بستة جنيه
    بس تخيلي بقى؟







    الحفيدة : ما هو علشان كده كان الجواز على أيامكم كان سهل خالص


    الجد : أمال .. ده احنا الواحد مننا كان بمجرد ما يوصل سن 35 سنة
    يبتدي يفكر في الجواز على طول ، وما كانش عندنا الأفكار الغريبة
    اللي بتعملوها دلوقتي زي إن البنت تقعد مع الولد كام سنه قبل الجواز
    علشان يتعرفوا على بعض أكثر زيك انتي وسوسو صاحبك ، أنا شخصياً شايف
    إن ده وضع مش لطيف ، ده احنا يا بنتي على أيامنا كان لا يمكن البنت
    تتأخر بره البيت عن الساعة أربعة صباحاً ، طب ده باباها كان ممكن
    ساعتها يخاصمها








    الحفيدة : ده انتوا كنتوا متزمتين خالص ياجدو!!


    الجد : يا بنتي إحنا اتربينا على الأخلاق والفضيلة والعادات
    والتقاليد .. يعني كان الواحد مننا زمان لما يدخل الأسانسير ويلاقي
    جاره في الأسانسير ممكن يفكر يصبح عليه ، ومش بعيد كان يسأله عن
    أحواله ... وكانوا أهل الفن محتشمين جداً وكانوا دايماً يطلعوا
    بالمايوهات البيكيني ، والمذيعات كانوا يقعدوا جنب الضيف مش على
    ركبته زي دلوقتي... هيـ يـ يـ يـ ـه الله يرحم دي أيام






    الحفيدة : رايح فين يا جدو


    الجد : أصلي كنت موصي الجزار على اتنين كيلو لحمة وأعطيته ثلاثة
    آلاف جنيه عربون وعايز أروح أطمن إذا كانت اللحمة وصلت ولا لأ ..





    يارب يعجبكم

    لكم مني أرق تحياتي



    مصرية شقية


    التعديل الأخير تم بواسطة مصرية شقية ; 5 - 4 - 2009 الساعة 11:16 AM

  2. #2

    افتراضي

    تعسلم ايدك موضوع كتير حلو تقبلى مرورى اخوكى فــــــــــــ بلاــــــــارس جواد

  3. #3

    افتراضي

    واللة موضوع جميل تسلم ايدك


    عيد وحب هذي الليلة الناس معايدين
    لو انت وياي الليلة العيد بعيديــن

    البحث على جميع مواضيع العضو متعب

  4. افتراضي

    للاسف مكرر .....والله انا عارف ان الناس بتكرهنى لما بقول الجملة دى لكن هعمل اية ما باليد حيلة
    https://forum.masrawycafe.net/showthread.php?t=28008

  5. #5
    تاريخ التسجيل
    23 - 3 - 2009
    ساكن في
    عالم الورود
    المشاركات
    368
    النوع : انثيEgypt

    افتراضي

    ميرسي لكل اللي نور الموضوع
    لكم مني أرق تحياتي

    مصرية شقية








  6. #6
    تاريخ التسجيل
    20 - 2 - 2009
    ساكن في
    المحلة الكبرى
    المشاركات
    374
    النوع : ذكر Egypt

    افتراضي

    تسلم ايدك الموضوع جامد

  7. #7

    افتراضي

    ههههههههههههههههههههههه بجد موضوع رائع يا شقيه موضوع حلو اوى تسلم ايدك

  8. #8
    تاريخ التسجيل
    23 - 3 - 2009
    ساكن في
    عالم الورود
    المشاركات
    368
    النوع : انثيEgypt

    افتراضي

    اقتباس المشاركة الأصلية كتبت بواسطة جنرال الحب مشاهدة المشاركة
    تسلم ايدك الموضوع جامد


    ميرسي ليك يا جنرال
    نورتني










  9. #9
    تاريخ التسجيل
    23 - 3 - 2009
    ساكن في
    عالم الورود
    المشاركات
    368
    النوع : انثيEgypt

    افتراضي

    اقتباس المشاركة الأصلية كتبت بواسطة emy_angel مشاهدة المشاركة
    ههههههههههههههههههههههه بجد موضوع رائع يا شقيه موضوع حلو اوى تسلم ايدك


    ميرسي ليكي إنتي يا قمر
    نورتي










 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. •°¤*(¯`°(s)(حوار مع مواتن عام 2050) )(s)°´¯)*¤°•
    بواسطة ♥بـونـبـونـايـه سـكـره♥ في المنتدى خمسة فرفشة
    مشاركات: 16
    آخر مشاركة: 20 - 2 - 2010, 03:38 PM
  2. رسالة من 2050
    بواسطة قطقوطة في المنتدى مصراوي كافيه
    مشاركات: 6
    آخر مشاركة: 19 - 2 - 2010, 03:56 AM
  3. مصر عام 2050
    بواسطة ElGhAtEs في المنتدى خمسة فرفشة
    مشاركات: 8
    آخر مشاركة: 21 - 7 - 2009, 09:50 PM
  4. حوار مع مواطن سنه 2050 جامد جدا
    بواسطة x×x 7o0odA x×x في المنتدى خمسة فرفشة
    مشاركات: 26
    آخر مشاركة: 18 - 10 - 2008, 01:50 PM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©