قهوتنا على الانترنت
ابحث عن :  
النتائج 1 إلى 2 من 2
  1. #1
    تاريخ التسجيل
    17 - 10 - 2010
    ساكن في
    الشرقيه
    العمر
    41
    المشاركات
    666
    النوع : ذكر Egypt

    افتراضي الموازنه العامه للدوله ارقام و تحليلات



    من موقع وزارة الماليه .. الموازنه العامه :

    http://www.mof.gov.eg/MOFGallerySour...ement10-11.pdf


    الحقيقه في وسط الارقام الكثير اللى عماله تطلع في الجرائد .. و بما ان اغلب الصحافيين كانوا ادبي و مالهومش في الارقام .. الارقام وسعت قوى و كل واحد بقى يضرب ثلاث اصفار جنب كل رقم .. و بقى المليار هو اقل رقم بيتكلموا بيه ..

    بحاول هنا اكتب ارقام حقيقيه عشان نعرف اللى لينا و اللى علينا .. الحكومه ايرادها كام و بتصرف كام و منين .. في تفس الوقت ... مصر دخلها قد ايه ؟؟ يعنى مجموع كل ايرادات المصريين جوه و بره كام ؟؟


    عشان ما تتهوش في اللينك اللى حاطه .. افتح صفحة 50 و 82 ..

    ايرادات الدوله :

    الضرائب : مجموعها
    171 مليار جنيه ..

    فائض بترول : 20 مليار
    فائض قناة السويس : 12 مليار
    فائض باقى الهيئات الاقتصاديه : 1.5 مليار جنيه
    ارباح الشركات : 4.9 مليار جنيه
    ايرادات اخرى : 43 مليار

    المنح : 4.4 مليار

    شوية ملاحظات :

    اولاً : لاحظ ان ايرادات الحكومه بتعتمد على الضرائب بنسبه 60 % تقريباً من اجمالى الموازنه ..

    ثانياً : ارباح الشركات مخجله ( 1.5 مليار جنيه ) .. الدوله فعلاً فاشله في ادارة الشركات

    مصروفات الدوله :

    اجور العمال : 85 مليار
    مصروفات سلع و خدمات : 27 مليار
    فوائد : 71 مليار
    الدعم : 73 مليار
    مصروفات اخرى : 28 مليار
    مصروفات رأسماليه : 48 مليار
    العجز : 98 مليار

    شوية ملاحظات ..

    اولاً : العجز + فوائد الدين العام = مجموع ايرادات مصر من الضرائب .. لا تعليق .

    ثانياً : اجور العمال 85 مليار ..

    لو طبقنا موضوع الحد الادنى و الاقصى 15 ضعف ..

    معدل الراتب 85 مليار ÷ 6.2 مليون موظف = 13700 جنيه في السنه .. يعنى 1142 جنيه في الشهر على اساس ان كل موظفيين الدوله بيأخذوا زي بعض ..

    لو قلنا الفرق يكون 15 ضعف .. يبقى الحد الادنى للاجور 1142 ÷ 7 = 163 جنيه و الاعلى 2448 جنيه ...

    المشكله مش مشكلة حجم اجور .. المشكله هى مشكلة حجم عماله .. 6.2 مليون موظف يعنى موظف لكل 13 مواطن !! و ياريت في الاخر بنلاقى خدمه عدله !

    ثالثاً : فاتورة الجهاز الحكومى = 27 مليار في السنه .. يعنى 2.25 مليار في الشهر ! .. و حط عليهم زيهم "اخرى" مش عارف بالضبط عباره عن ايه !!

    رابعاً : المصروفات الرأسماليه ( الاستثمارات ) = 48 مليار جنيه ..

    ده معناه ان الحكومه لا تنفق مليم في التنميه .. بالمنطق دول غالباً بيروحوا على احلال مبانى او اجهزه حكوميه او اصول .. يعنى الدوله لا تقدم للمواطن دافع الضرائب اي شئ ..

    خامساً : بنقول للدوله اللى مستخسره فينا الدعم .. الدعم = فوائد الديون اللى عليكم بسبب عدم تنميتكم للدوله ..

    اخيراً تعالوا نعرف مجموع الناتج القومى المصري كام ؟؟

    1.181 تريليون جنيه .. و ده بيساوى اجمالى الدين المحلى !!!!


    ولاد التييييت سايبين لنا مركب غرقانه .. ما علينا !






  2. افتراضي

    انا عمال اقرا الموضوع من فوق لتحت ايمين شمال بس حاسس ان انا تايه خالص

    بالنسبه لقناة السويس صافي ايردتها السنة اللي فاتت كان 4.8 مليار دولار ما يعادل 29 مليار جنيه مصري

    وايرادات اخري مكتورب 43 مليار جنيه .. ازاي و السياحة لوحدها 78 مليار جنيه

    و لما جمعت المكتوب موصلش ترليون جنيه خالص ده يدوب بيكمل ال 250 مليار جنيه

    يريت توضيح اكتر للموضوع

    تحياتي لكـــــــــ
    ( إن لله أهلين من الناس : أهل القرآن هم أهله و خاصته )
    ( القرآن شافع مشفع و ماحل مصدق من جعله أمامه قاده الي الجنة ومن جعله خلفه ساقه الي النار )
    ( لو جمع القرآن في إهاب ما أحرقه الله بالنار )
    مين معانا

    همة تسمو للقمة

    تسجيل خروج حتي عودة الإدارة 18/07/2011

    البحث على جميع مواضيع العضو brokenheart

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©