لقاء مع عضو *من السحور للسحور *

**طيف عابر** · 3 - 9 - 2008, 04:24 PM

كيف الاحوال ؟؟؟

**لقاء مع عضو في رمضان **
برنامج يومي نتعرف فيه على بعض ونتعرف على عادات وتقاليد بعض وكيف بنقضي يومنا في رمضان

ممكن نستفيد من بعض كمان

وكبداية هيكون معنا

العضو المتألق عبده

العضو المتألق تريكة

العضوة المتألقة --يارا

ولسه في كمان

انتظرونا

**أحمد عمر** · 3 - 9 - 2008, 04:41 PM

انا اسمي مكتوب ..لأ .طيب

طيب احجز لي يوم

**طيف عابر** · 3 - 9 - 2008, 04:46 PM

اللقاء الاول مع عضو تعودنا منه على النقد الساخر والنكتة والطرفة الجميله
انسان بيدخل بيرسم بسمة على وشنا بشكل رائع وهاديء وجميل

اكيد عرفتوه

العضو هو
عبده

االسلام عليكم
-----
وعليكم السلام

ممكن نتعرف عليك كما تحب ان نعرفك ؟؟ بمعنى ماذا تحب ان نعرف عن عبده

الهوية الشخصية ( اختياري يعني ممكن تجاوب وممكن لا حسب رغبتك )

اجاوب طبعا وانا اقدر ارفضلك طلب

الاسم:محمد عبد المقصود
السن : 22 سنه
الوظيفه : مهندس برمجيات

الجنسيه : اكيد زى ما انتو شايفين موضويعى يبقى اكيد مصرى

كيف الاحوال وكيف رمضان معاك السنة ؟؟

زى الفل وكله تمام
بس انا مشكلتى كلها فى العطش
هاموووت

هل رمضان بالنسبة لكِ شهر مميز ؟ ولماذا؟؟

طبعا والا مايبقاش رمضان
كفايه الاحساس نفسه ان ده شهر كريم الواحد تحسى ان اى حاجه غلط كان بيعملها ييجى بس انه يفكر فيها تلاقى الواحد لوحده كده يقولك لا ياعم ده احنا فى رمضان وتلاقى الواحد اوتوماتيك يحافظ على الفروض فى مواعيدها وعلى صلاة التراويح
وكمان حاجه مهمه انه بيجمع كل البيت فى وقت معين(الا هو الفطار طبعا) ودى حاجه نادرا ما بتحصل مش عندى بس بس فى كل البيوت اللى اولادهم ما شاء الله كبار او حتى صغيرين
وحاجات كتيييييييير

كيف يقضي عبده يومه في رمضان ؟؟

انا ياستى بقوم الصبح انزل الشغل الساعه 9 اخلص على 3 او 3:30 اروح البيت على 4 او 4:30
اغير واصلى العصر واقعد اقرا شوية قران وبعد كده على حسب لو فى البيت(بتاع العيله) هانام لحد المغرب لو فى شقتى طبعا هابدا اشوف حاجه افطر بيها (اصل بينى وبينك انا مش قاعد معاهم فى البيت علشان شغلى هما فى بلد وانا شغلى فى بلد فقاعد لوحدى وبسافر اخر الاسبوع اقضيه معاهم)
وبعد الفطار بتفرج على التليفزيون لحد العشا وانزل اصلى العشا والتراويح واجى قعد شويه قدام التليفزيون وبعد كده انام

هل تحرص على قراءة القرآن في رمضان فقط ام دائماً؟؟

والله (ليه الاحراج ده) فى رمضان بقرا كتير فى غير رمضان بسمع كتير

اين وصلت في القراءة ؟؟اي جزء
الجزء الثالث

ما شاء الله ممتاز والله يعينك ويزيدك

هل تختلف عادات تناول الطعام في بيتكم في رمضان عن باقي الاشهر

طبعا مش فى بيتنا بس ده فى كل البيوت
والمشكله الاكبر فعليا انه محدش بياكل كتير

هل تحرص على السحور ؟

لا عادى لو فى سحور قبل ما انام خير لو مش جاهز او انا نمت مش بقوم علشان اتسحر

ماذا تتناولون عادة على السحور

ففول وجبنه وسلطه(انا بتكلم عن نفسى بس هم فى البيت بياكل حاجات كتيره )

هل تساعد في البيت واعداد الطعام في رمضان وهل يؤثر هذا على عباداتك ؟

بعمل السلطه

كتر خيرك لا والله عامل

هل تقدمون اصناف عديدة على الافطار ام نوع واحد وما هي الانواع التي يجب ان تكون على المائدة يومياً؟

يابنتى ده مش عندنا بس الاصناف العديده ده عند كل البشر بس انا عندى طبقين اساسيين لازم يكونو موجودين الشوربه(بحب شوربة لسان عصفور) والسلطه

ما رأيك بان يكون رمضان بداية لمقاطعة المنتجات الدنماركية او الاجنبيه بشكل عام
هل برأيك نستطيع المقاطعة كليا لتلك المنتجات يوماً ما

معرفش انا اساسا مش بشترى حاجات من الحاجات دى (يعنى مقاطع من عند ربنا)

طيب والله برافو عليك
نصيحة لاخوانك اعضاء الكافيه

اانتهزو فرصة رمضان لانها مش بتتعوض

سؤال بتحب توجهيه و لمن

حد زعلان منى فى الكلفيه وبوجه لكل اعضاء الكافيه

شاركنا بحكمة او حديث

الحقيقة : هي الشئ الوحيد الذي ( لا ) يصدقه الناس !!!

حكمة رائعه جدا

وطبعا علشان كله بينفض لحاجات كتيره فى رمضان ومش مصدقين(او سليبنها لظروفها ومش حاطين فى دماغهم) انه ممكن ييجى رمضان الجاى وهو مش موجود (وعلى فكره انا مش بستثنى نفسى من الموضوع ده بس بحاول اتغير)

شكرا كتير ا على قبولك الدعوة وكل رمضان وانت بالف خير واتمنى ينعاد عليك بالصحة والعافية

وانت طيبه ياجميل واتمنى ان السته الجايه تيجى عليك وانت فى خير وسلام وتحققى كل اللى انت بتتمنيه

حقيقي كتير كان لقاء ممتع مع عبده تماما كما توقعت ولو اي عضو بيحب يوجه اي سؤال ل عبده ممكن تسألوه من هلأ لبكرة

بشكرك كمان مرة عبده وكل عام وانت بالف خير

اللقاء القادم مع..........

**لؤلؤة** · 3 - 9 - 2008, 04:54 PM

سُرِي يا طيف رسالتك وصلتني لكن للأسف زي ما انتي عارفة انا عضوة جديدة ومشاركاتي موصلتش 150 فمينفعش ابعت رسالة خاصة

.....

**TiMo0oR** · 3 - 9 - 2008, 05:35 PM

فكره حلوه يا طيف

و تسلم ايدك على البرنامج الجامد ده

**ساندرا** · 3 - 9 - 2008, 05:49 PM

راح اسئل اخى عبدو كم سؤال واتمنى يئدر يجاوبهم

هل عندك خوات بنات
هل بيلبسو حجاب
شو رايك بالنقاب
لو خواتك البنات حبو يشاركو بمنتديات بتخليهم ولا بتمنعهم
شو المواضيع الي بتحبها
ناوى تداوم عالصلاة والقران بعد رمضان
وبس وشكرا كتير والله يجزيك الخير القاء معك كان حلو كتير

امتن دور اخى احمد عمر لانو عندى الو كم سؤال

**Rosy magic** · 3 - 9 - 2008, 06:15 PM

فكرة حلوة طيوفة

وربنا يوفقك

**همسة ولاء** · 3 - 9 - 2008, 07:30 PM

فكرة حلو تسلمي يا ام الافكار

بلاش تجي نحيتي اطخكك

بمزح معك طبعا
معلش يا ساندي دورك جاي

وربي يوفقك طيوف

**أحمد عمر** · 3 - 9 - 2008, 08:47 PM

امتن دور اخى احمد عمر لانو عندى الو كم سؤال

بعد العيد تعيشى بئه

**Treka** · 3 - 9 - 2008, 09:26 PM

ميرسى طيف على الفكرة الروعة دى وتسلم ايديكى بجد روعة اللقاء وعبدو شخص روعة فعلاً وزوقك وراقى واخلاق وبصراحة شخص زى العسل

الموضوع: لقاء مع عضو من السحور للسحور

أدوات الموضوع