انا وهو ومراته تأليف د/ جيهان النمرسي الفصل الاول

[جينا]

أنا وهو ومراته


قصة من تأليف
د/جيهان النمرسى




لم تكن لديها ادنى فكرة عن تلك الرسالة التى وصلتها على الموبايل مضمون الرسالة بأعتذر عن أى ازعاج سببته ليكى وأنا عارفة أنك مالكيش ذنب فى اللى حصل لكن أرجو قبول أعتذارى وأنا متأكدة أنك أنسانة طيبة ومحترمة نظرت دنيا للموبايل وقالت ياترى مين هايرسل لى الرسالة دى وفى الوقت المتأخر دة ونظرت بالساعة وجدتها الساعة الرابعة فجرا ضغطت سماء على رقم الرسالة وحاولت الاتصال ألو الو مين معايا تسمع دنيا صوت امرأة باكية منهارة ترد عليها بخوف ورعب ألو يا مدام دنياحضرتك متعرفنيش بس ارجوكى حاولى تسمعينى بسرعة البرق تذكرت دنيا هذا الصوت هذا الصوت الذى حدثها وطلب منها أن ألا تخرب بيتها وتبتعد عن زوجها وأحتارت دنيا فى تلك المكالمة أنها على علاقة محترمة بكل أصدقائها ولم تتعدى تلك الصداقات حدودها فزوجة من ستتصل بى لأترك زوجها لها وأبتعد عنه
أن كل زوجاتهم على علاقة طيبة بى وبأتصل بهم جميعا فى المناسبات للتهنئة والاطمئنان عليهم فتنبهت دنيا للصوت الباكى وقالت لها مين حضرتك وياترى مين جوزك اللى عايزانى ابعد عنه ردت المرأة الباكية وقالت جوزك يامدام دنيا
ايوة جوزك جوزى ومتجوزين عن حب قبل وبعد الجواز ولسه لحد دلوقتى بحبه وبيحبنى طبعا مش مصدقانى فاكرة اول مكالمة ليكى منى وانت قلتى له فى واحدة بضايقنى وبتتصل بيه وبتقولى ابعدى عن جوزى احسن لك وكنتى بتهزرى معاه وبتقولى له فى راجل غيرك ومتجوز ومراته بتغيير منى وساعتها وشه اتغير وانتى افتكرتى انه بيشك فيكى وبيغيير عليكى وهو ساعتها اتنرفز وقالك وانتى بتحطى نفسك فى المواقف دى ليه ميت مرة اقولك مترديش على ارقام غريبة واى رقم يضايقك حطيه فى القايمة السودة بالموبايل
وقعدت اتصل بيكى من كام رقم وانتى تحطى ارقامى وتحجبيها زى ماتكونى رافضة اى كلام يضايقك او يحرجك ا نا متجوزة رامى من خمس سنين وعندى منه ملك بنت جميلة وطيبة وكنت مع رامى ومعاكى فى كل حياتك وكل مشاكلك وفى كل مكالمتكم طبعا حضرتك مذهولة وحاسة انك بفيلم عربى قديم لكن اقسم لك بالله دى الحقيقة
وانا هاثبت لك اول مكالمة منى ليكى ضربنى وكسر دراعى وورم وشى وانتى وقتها كنتى بتتصلى بيه لمدة نص ساعة يكنسل عليكى وبعدين قفل موبايله ولما فتحه اعتذر لك لانه كان عند مامته وهى عندها مشكلة مع اخته رانيا وانهم اتخنقوا بسبب خروج اخته الدايم وسيبان ابنها لمامتها
ومامته رافضه خروجها وتأخيرها وما كنش بيرد وبيقفل عليكى لان صوت خناققهم عالى وخاف تقلقى ولما فتح الموبايل وسمعتى صوت بنتى بتبكى عليه لاننا بنتخانق وصوت نهنهتى قالك انه اتخانق مع اخته وهانها وزعق فيها عشان كدة ابنها بيبكى ودة كان صوت بنتى وماكنتش اقدر افتح بقى ليموتنى
دنيا ترد عليها
وانا ايه اللى يثبت لى انك مش كدابه
قولك يامدام دنيا فاكرة ايام الخطوبة كنتى بتسمعى صوت طفل بيبكى على طول ودايما بينادى بابا بابا وفجأة الصوت يختفى وانتى بتسالى مين دة يقولك دة امير ابن اختى وأحمد ورانيا هنا والولد بيجرى جنبنا دة كان صوت ملك ولما لقيتى الطفل بيردد بابا
رامى أقسم لك ان امير بيقوله يابابا وانتى قلتى لا دة ابنك مش ابن اختك ردت دنيا
لها ايوة وساعتها كلمنى احمد زوج اخته رانيا وقالى دة امير ابنى بس لانى بسافر كتير وبسيبه هو ورانيا مع خاله وسته مامة رامى اتعود يقول لرامى بابا وبرضه الكلام دة مدخلش دماغى أتصلت بمامة رامى وكلمتها وسألتها هو رامى كان متجوز قبل مايخطبنى او معاه طفل من زوجة قبلى أقسمت بكتاب الله انه مش متزوج وان الطفل ابن اخته اكيد يامدام دنيا حضرتك مخدتيش بالك هى اقسمت على ان امير ابن اخته وقسمها بمحله لان فعلا امير مش ابنه ثم ان معظم مكالمات رامى مع حضرتك قدامى وماكنش حد يقدر يفتح بقه وهو بيتكلم معاكى ولما يصدر صوتى من غير قصد انتى كنتى بتفتكرينى اخته وتفتكرى بنتى ابنها أنا بخاف منه لو عملت حاجة غلط ضرب وشتيمة واهانة انتى اكيد بتتكلمى عن شخص غير رامى
رامى انسان متحضر وراقى فى تفكيره عمره مازعلنى ولا اهانى وعمره مانام وهو مخاصمنى حتى لو انا اللى غلطانة بيحاول نتكلم ويعرض نقط الخلاف ونتناقش لحد مانتفق والغلطان يعتذر ايوة يامدام دنيا سمعت كلامكم كتير وكنت بحسدك على معاملته معاكى وكنت بقول ياريت تشوفى معاملته معايا شكلها ايه وانتى تلعنى اليوم اللى قابلتيه فيه
طيب وسكتى سنة كاملة ليه؟
ليه ماتكلمتيش قبل كدة ؟
وايه اللى خلاكى تتكلمى اليومين دول؟
بصراحة يامدام دنيا زهقت وحسيت انك لازم تعرفيه على حققته
وياترى ايه حقيقته وياترى الحقيقة اللى هاتقوليها حقيقة ولا كذب اقولك يامدام خليكى معايا انا من يومين بعد ماضربنى بسبب مكالمتى ليكى
قصدك بعد مكالماتك وتشهيرك بي وشتيمتك فيه ولعيلتي
ومحاولتك لتلويث سمعتي
اسفة يامدام دنيا انا بدافع عن بيتى وجوزى
انا هاثبتلك انا كلمت اخته وقلت لها وحلفتها بأبنها تقابلك وتقولك انه متجوز ومخلف وهى قابلتك وكلمتك صح
دنيا
لا طبعا مش صح هى فعلا قابلتنى لكن عشان تأكد لى انى مديش ودنى للتليفونات لانها بتزعل رامى واحاول اخفف من صداقاتى شوية وياريت تبقى فى حدود العمل بس وبلاش الصداقات العائلية
منى
مش ممكن يامدام دنيا يعنى هى ماكلمتكيش عنى طيب خليكى معايا هاطلبها وادخلك على المكالمة عشان تتأكدى بنفسك
يرن جرس التليفون
واسمع صوت رانيا نائم وكسلان ايه يامنى انتى لسه منمتيش حرام عليكى الساعة خامسة الفجر لا يارانيا منمتش هايجلى نوم ازاى واخوكى ضاربنى وسايب البيت والبنت عيانة وبتبكى
رانيا هو انتى قابلتى دنيا بجد ولا بتضحكى عليه
رانيا
لا يابنتى قابلتها طيب قلتى لها ان رامى متجوزنى طبعا يابنتى وحياة ابنى حتى دنيا قصادى طلبت واتصلت با أحمد بن خالى وقالت له قول لرامى مش عايزة اشوف وشه الكداب الخاين
يعنى عرفت كل حاجة ايوة طبعا قوليلى يارانيا نعم ياستى هو انتى شفتى دنيا اه طبعا
هى حلوة يارانيا
لا يابنتى لا حلوة ولا حاجة بس انتى عارفة الناس اللى اغنياء دول فلوسهم بتحليهم الكوافير والمكياج واللبس الغالى
وانتى فكرك رامى متجوزها ليه ماهو عشان فلوسها وعلى فكرة انا عيطلها وقلت لها ابنى بالمستشفى ومتخنأة مع احمد ومسافر ومبعتش فلوس واخدت منها اللى فيه القسمة دى ناس مش عارفة تودى فلوسها فين
عامة سيبينى انام وبكرة اكلمك واياكى تقولى لرامى انى روحت لها
طيب يارانيا انا مش هاقول مايمكن هى تقوله
لا ياعبيطة هى فاكرة ان دة خير وانا اخت جوزها لايمكن تجرح مشاعره وتبين له انها بتدى اخته فلوس
وأمك يارانيا ازاى تخبى على دنيا ان اخوكى متجوز ايه يامنى انتى عايزاها تخسر رامى الحبيب اللى على الحجر انتى عبيطة
من امتى امى بتقدر تزعل رامى وبعدين هى شايفة سما حنينة وسخيه عليها مش زيك قرفانة فى حياتنا ونكدية وعامله فضايح لابنها في كل حته وفى كل العيلة مسبتيش حد غير رامي متجوز عليه رامي بيضربنى رامى بتاع ستات زهقت منك ومن مشاكلك
يالا سيبينى عاوزة انام مع السلامة يامنى
مع السلامة ياراني اسمعتى يامدام دنيا
مدام دنيا
أرجوكى ردى انتى مبترديش ليه؟؟؟؟؟؟؟؟؟؟؟؟؟؟


والى اللقاء فى الجزء الثانى
انا وهو ومراته


جيهان النمرسى

[محمد أبراهيم]

الجمت لغتنا بمراره حرفك
الذي بدى وكآنه طير جريح ينزف ويكابر من اجل التحليق
قد خلفت لنا مفردات تكفينا لآن نحلق بتلك الساحابات الماطره
وندور بتكوين فكر لآنثى قد آنتحب السطر من شده المها
آنتِ ياذات القلب الكبير الذي حمل
قسوة الزمان
وذرفت دموع الفرحه بابتسامه كبيره
ملئتنا لكي نشاهد جرحها الذي ابتسم
لولفها
كم كانت كلماتك قتيله تتساقط باوراقها
على خريفنا الذي حزن لحزنك
ايتها الرائعه
هناك نحيب في خاطرتك
وكاني اسمعه
لا بأس عليك
فانت كبيره كقلمك
كنت في منتهى الروعه والاحساس
تحياتي