الحل الوحيد : سيب مؤهلك ، وروح اتجوز احسنلك ..

[affaan]

إعـلان غبـي ،،

من حكومـة مشكـوك في أهلـيتها ،،

يحـرض الشبـاب علي تـرك التعليـم ...

في التليفزيون إعلان حكومي موجه لشباب البطالة من خريجي الجامعات يحثهم علي اللحاق بقطار العمل بدلاً من الجلوس في المقاهي.

يقدم الإعلان نصيحة غالية لهؤلاء الشباب، وهي أن يتناسوا مؤهلاتهم الجامعية، ويقبلوا علي العمل في المصانع كعمال إنتاج، بزعم أن البنت مش عاوزة من خطيبها إلا أنه يكون كسيب.

الإعلان كمان بيقول حاجات ماتتقالش في التليفزيون..
بيقول إن الحكومة متأكدة أن أحلام وطموحات أي شاب مصري مختزلة في الوصول إلي بنت يتجوزها، وأن أمل وأمنية أي بنت مصرية متحددة في شاب كسيب وأن مافيش اختلاف في الأحلام والأماني والطموحات بين الشاب والبنت اللي اتخرجوا من الجامعة وبين أي شاب وبنت حتي لو كانوا مايعرفوش يفكوا الخط.. كلهم زي بعض.. مش عاوزين من الدنيا حاجة غير إشباع الغريزة ولقمة العيش..

من وجهة نظر الحكومة مافيش أي تأثير للمستوي العلمي للفرد علي مفاهيمه واتجاهاته، ولا علي أحلامه وطموحاته، وأن اللي بتقوله الدراسات الاجتماعية عن إشباع حاجات الفرد كلام بعيد عن الواقع.. وأنه مش صحيح أن الشاب اللي قضي عمره في التعليم واتخرج من الجامعة تتساوي حاجته للمكانة الاجتماعية مع حاجاته المادية، وأنه برضه مش صحيح أن الشباب اللي ارتضوا أن يتنازلوا عن المكانة الاجتماعية المناسبة لمؤهلاتهم طواعية أو مكرهين مقابل المادة هم حالات استثنائية لا تخل بالقاعدة.

الحكومة بتقول للشباب اللي لسه بيتعلم:مافيش أمل لكم لو تخرجتم من الجامعة.. خدوها من قصيرها ودوروا علي شغل وبلاش مصاريف ومذاكرة ووجع قلب.

ومن هنا تبدأ الأسئلة ..

هل الحكومة محتاجة لتوعية ؟؟
هل محتاجة حد يقول لها إن اللي بتعمله ده غلط ؟؟
هل الشباب الجامعي في مصر لا يرضيه أن يكون عاملاً في مصنع ؟؟
علما بأن :علم الإدارة بيقول إن العامل الذي لا يشعر بالرضا عن عمله يؤثر سلباً علي الإنتاج.

أما الشارع المصري ، فيقول :
الوظيفة دي مرضية للي معاهم مؤهل فني متوسط، أما اللي معاهم مؤهلات جامعية فمشكلتهم كبيرة.. لازم تكون الوظيفة في مستوي المؤهل علشان يشعر بأنه مقبول في المجتمع، وإذا كان لابد من التنازل يبقي في حتة تانية غير مصر.. بعيد عن المجتمع والناس اللي يعرفهم ويعرفوه.


مـا رأيكـم
-أيها الشباب-
فيمـا قيـل ؟؟

[نجم النجوم]

اللي قيل وماذا فيه ؟؟
الناس كلهم بيتقدموا من حولينا
ولسة بتسألوا احنا وقفين ليه ؟؟
اللي قيل وماذا فيه ؟؟
الناس كلهم بيتقدموا من حولينا
ولسة بتسألوا احنا وقفين ليه ؟؟
والاجابة لست ادري

[طيف عابر]

لا هو فعلا غريب التشجيع على الابتعاد عن التعليم بحجة المكسب والاغرب انه نوع من الضغط على الشباب للعمل وعدم تحقيق الطموح في درجة تعليم عليا وكانه البلد اى بلد تستطيع ان تنهض وتكبر دون علم ومعرفه وثقافة ابناءها
وضغط على الطبقات الفقيرة حتى تبقى في حدود الاميه والفقر
وشوى شوى رح نشوف التعليم كمان مقتصر على طبقات وفئات معينة

شكرا كتير عفان

[affaan]

اللي قيل وماذا فيه ؟؟
الناس كلهم بيتقدموا من حولينا
ولسة بتسألوا احنا وقفين ليه ؟؟
اللي قيل وماذا فيه ؟؟
الناس كلهم بيتقدموا من حولينا
ولسة بتسألوا احنا وقفين ليه ؟؟
والاجابة لست ادري

شكرا لمرورك "نجم النجوم" ..

[affaan]

لا هو فعلا غريب التشجيع على الابتعاد عن التعليم بحجة المكسب والاغرب انه نوع من الضغط على الشباب للعمل وعدم تحقيق الطموح في درجة تعليم عليا وكانه البلد اى بلد تستطيع ان تنهض وتكبر دون علم ومعرفه وثقافة ابناءها
وضغط على الطبقات الفقيرة حتى تبقى في حدود الاميه والفقر
وشوى شوى رح نشوف التعليم كمان مقتصر على طبقات وفئات معينة

شكرا كتير عفان

والله فعلا شىء عجيب وغريب ..

شكرا لمرورك ، وتفسيرك المنطقى "طيف" ..

[AhMeD El-Za3eEm]

مــوضوع طبعا رائع .. و أنا كنت أفضل اتناقش
بس فعلا بقت حاجة ( تزهق ) المشكلة ان كلمنا واحد
و أفعال (المسؤولين) واحدة يبقي ايه فايدة الكلام
اعذرني عفان علي عدم مشاركتك في الرد علي الموضوع
بس حأقول ايه و ازيد ايه .. ما هي الحكاية واضحة و مش عايزة اضافة
لا حول ولا قوة الا بالله
شكرا يا عفان علي موضوعك

[العوامى]

بصراحة التعليم مع انه بيعطل الشاب عن الجواز زى مابيقولو
علشان بيدور على العمل المناسب ليه

لكن التعليم ليه فايدة كبيرة فى توسيع أفاق الفكر والإستيعاب


فمثلاً أنا شغال كيميائى بقسم الجودة بمصنع للسيراميك

ومعايا مؤهلات متوسطة عليا بس خريجين جامعة عمالية طبعاً في فرق
بين مستوى التفكير حسب مستوى التعليم فى التعامل
وفهم الخطوات المراد مراقبتها


وكمان فى شغلى كأخصائى تحاليل فى فرق
بينى وبين الفنى اللى بيشتغل زى الورق والخطوات مابتقول ومشفاهم
التجربة ماشية ازاى


أكيد التعليم بيفرق مع الواحد فعلاً

[MoOoRa]

الحكومة بتقول للشباب اللي لسه بيتعلم:مافيش أمل لكم لو تخرجتم من الجامعة.. خدوها من قصيرها ودوروا علي شغل وبلاش مصاريف ومذاكرة ووجع قلب.

وومكن حل افضل من الجواز او الكلام ده كله

ممكن يشتغل طبال ورا رقاصة بعد الجامعه

[magdy shoaieb]

نصيحه اخويه من اخ الى اخوه لاتشاهد التلفزيون احسن لك

[affaan]

مــوضوع طبعا رائع .. و أنا كنت أفضل اتناقش

بس فعلا بقت حاجة ( تزهق ) المشكلة ان كلمنا واحد
و أفعال (المسؤولين) واحدة يبقي ايه فايدة الكلام
اعذرني عفان علي عدم مشاركتك في الرد علي الموضوع
بس حأقول ايه و ازيد ايه .. ما هي الحكاية واضحة و مش عايزة اضافة
لا حول ولا قوة الا بالله
شكرا يا عفان علي موضوعك

كفاية الكلام اللى قولته ده ..
عاذرك من غير أى شىء ..

عموما شكرا لمرورك يا زعيم ..