قهوتنا على الانترنت
النتائج 1 إلى 9 من 9
  1. #1
    تاريخ التسجيل
    9 - 11 - 2007
    ساكن في
    ღ♥ღ الأسكندرية ღ♥ღ
    العمر
    31
    المشاركات
    2,459
    النوع : ذكر Egypt

    افتراضي قصائد جمال بخيت





    يقول الشاعر الصحفى جمال بخيت أبن جامعة القاهرة،

    «على مدى اكثر من ثلاثين عاما كانت قصائدي واحدة لوجه الوطن واخرى لوجه الحياة.. كما كانت اغنيتي في كل ديوان من دواويني محاولة لاعلاء شأن الحب وشأن الحرية، وشأن الوطن».

    قال ذلك فى 2004عندما احتفلت اللجنة الثقافية في نقابة الصحافيين المصريين بصدور «الأعمال الشعرية الكاملة» للشاعر والصحافي المصري جمال بخيت. واختار الشاعر عنوان «لوجه الحب» لديوانه وقام بالتوقيع عليه.

    علي الحجار وأحمد الحجار والمطربتان ريهام عبد الحكيم وغادة رجب وجميعهم تغنوا بأشعار بخيت.






    الفترة الجاية لسوهارتو


    الفترة الجاية لسوهارتو
    حتى ولو ..متوا.. أو إنهارتوا
    الحاكم هو ومين غيرة
    مين يملك ف الحكم مهارته
    الفترة الجاية لسوهارتو
    ***
    الفترة الجاية دى مضمونة
    والفترة التالية دى مأمونة
    مين انتوا عشان تنتخبونا
    وتقولوا بدلتوا وغيرتوا
    الفترة الجاية لسوهارتو
    ***
    متنيل في جميع خطواتة
    وتاريخى ف جميع خطاباتة
    والشعر المنتوف .. من باطة
    أطيب م العنبر .. لطهارتة
    الفترة الجاية .. لسوهارتو
    ***
    متأنى ... مش لجل غبائه
    بالعكس..ده معروف بدهائه
    ونزاهته هو وابنائه
    معروفة وحتى ان شهرتوا
    الفترة الجاية لسوهارتو
    ***
    إزاى حنفرط وجلالته
    قاعد علشان ينهى رسالته
    ولغاية متشوفوا ريالته
    وتكونوا كشعب إتحضرتوا
    الفترة الجاية لسوهارتو







    إرجع بأه
    وفك حبل المشنقة
    وامسح همومنا باللقا
    ياجدرنا تحت التراب
    يا حلمنا فوق السحاب
    يا عمرنا طال العذاب
    فى الإنتظار
    رجعوا التتار
    لكننا أشواك بتتحدى العطش
    وجنود بتتحدى الفرار
    نسقط ساعات
    لكننا نفضل كبار
    نفتح عيون للانبهار
    متشوقة
    فارجع بأه
    وفك حبل المشنقة
    وارفع راياتك يا أبى
    قريش بتسأل عن نبى
    يهديها من بعد العمى
    خالد قتل مسيلمة
    لكن جنوده الكدابين
    عينهم فى طابا
    يتحدوا فرسان الخطابة
    ويلجموهم بالسكوت
    فى عصر بيروت الحزين
    خالد قتل مسيلمة
    لكن جنوده الكدابين
    بيفتتوا دلتاك بصبر
    وبيحفرولى فى سينا قبر
    وبيركبوا نيلى العنيد
    وبيخنقونى فى الصعيد
    بكلام نكت وبتريقه
    فارجع بأه
    دا الهزل زاد
    والباشا إيده على الزناد
    وصدقى بيصلى لفؤاد
    وبيحلفوا نرجع عبيد
    نتباع فى أسواق الكساد
    الهزل زاد
    والباشا إيده على الزناد
    والسد جوه الفوهة
    لو ينسفه تغرق بلادك كلها
    وتعود سنين الأوبئة
    تسكن ضلوعنا الضيقة
    فأرجع بأه
    الشمس سكنت كل غرب
    حلفت ما ترجع للشروق
    من أى شرق
    إن لم تكن فى الأنتظار
    إنت وسيفك -والتتار تحت القدم-
    فأقضى بصوتك على العدم
    إعدل موازين الزمان
    رتب نجومنا فى الفضا
    وأكسى وجوهنا بالرضا
    بعد الشقى
    دى الأمة لسه محتاجاك
    والأرض لسه مهيأة
    فأرجع بأه



    المصرى
    غناء: لطيـفـة
    ===

    تعرف تتكلم بلدى
    وتشم الورد البلدى
    وتعيش الحلم العصرى
    يبقى انت أكيد
    المصرى
    تعرف بالعربى تنادى
    بسم الله وبسم بلادى
    صوتك فى العالم
    يسرى
    يبقى انت أكيد
    المصرى
    المصرى حبيب متحمس
    لو حتى بدقه يغمس
    لو جاله حبيب
    يرتاح له
    لو جاله حسود
    بيخمس
    محفوظ بيغنى ياليل
    على دقة قلب زويل
    وحليم فى الهوى دوبنا
    على قد الشوق
    والميل
    ثومه ومنديلها الوردى
    غنواية جيل
    ورا جيل
    قادر على كل
    تحدى
    ايه معنى الكلم ده
    المقصود
    المصرى تمام





  2. #2
    تاريخ التسجيل
    9 - 11 - 2007
    ساكن في
    ღ♥ღ الأسكندرية ღ♥ღ
    العمر
    31
    المشاركات
    2,459
    النوع : ذكر Egypt

    افتراضي

    رفاقى الوحدة و المنفى

    و شوق الريح

    مهاجر من زمن ضايع

    لقلب جريح

    بتهزمنى انكساراتى

    و برفع اعلى راياتى

    حياتى فى زمن آتى

    يا أرض النور تحاوطينى

    فلسطينى .... فلسطينى

    بيسرى الاقصى فى دمى

    اسير و عنيد

    و بلدى , و وجهتى , و يومى

    فى هواها شهيد

    سلاحى قبضة معتلة

    و حتى النبضة محتلة

    لكن روحى ما تتخلى

    عن الجرح اللى يبقينى

    فلسطينى .... فلسطينى

    انا شاعر

    لكن قدرى اغنى بارود

    يا عشاق البراح

    امتى تكون لى حدود؟؟

    و امتى الفجر يا أمة ؟؟؟

    و أحس براحة الضمة

    يا أستشهد , يا أتسمّى

    فى ليلة بدر :حطينى

    فلسطينى فلسطينى
    فلسطينى فلسطينى



    أهلا رمضان




    إذ قالت الملائكة يامريم.. ان الله اصطفاك وطهرك واصطفاك على نساء اعالمين


    قرآن كريم وعظيم
    وآياته تنصفني
    وبحب تدعيلي
    مريم بتحكى لي
    النخل هز الجذوع
    من قبل ما المسها
    فالمهد كلمة يسوع
    مين اللى يحبسها
    وكل مسلم بقلبه
    بالعقل يدرسها
    يلاقى مهد وقيامة
    وآيات محبة وسلامة
    للناس.. تونسها
    بيت لحم عارفة الطريق
    لو مين يدنسها
    الكعبة هية الصديق
    ترجم اباليسها
    ومصر بين الضلوع
    تحرسنى واحرسها
    أجمل أدان للصلاة
    يحضن كنايسها
    ف المهد كلمة يسوع
    جبريل يقولها لمحمد
    قرآنى جليل المعاني
    بالعهد يحفظ اماني
    رب العباد اصطفاني
    ووهبنى انجيلي
    مريم بتحكى لي


    المنشد:
    مبروك عليكو النهار
    ياللى أنتو صايمينه
    مبروك عليكو الليل
    ياللى انتو قايمينه
    مبروك عليكو الشهر
    رحمة وعبادة وشفا
    وفتح بالمعرفة
    من العلى العظيم

    المغني:
    يامريم العذراء.. فى موكب الاسراء
    طوبى لمن أحيا.. حرية الانسان
    ترتيل مع تراتيل.. ف الذكر والأنجيل
    للناس محبة ونور.. والمجد للرحمن
    قومى اطعمى الاحباب.. دا الرزق فى المحراب
    والخير على الاعتاب والوعد فى القرآن
    من بعد الاستشهاد.. ف القدس لينا ميعاد
    وف هجرة أو ف ميلاد.. يعلا جرس وأدان
    فتح المسيح نافذة.. على دنيا متعكزة
    يشفيها بالمعجزة.. من زحمة الاحزان
    وأما محمد سري.. على أرض متعطرة
    بسيرتك الطاهرة.. عمرها بالايمان

    المؤدي:
    القدس تاج الشوك
    على جبين عيسي
    مين اللى يدى الامان
    لشهيد وقديسة
    إسال طريق الآلام
    عن عدل قلب الامام
    حلف المتيم عمر
    ما يصلى ف كنيسة
    وصلاته براها
    تبدأ بآل عمران
    أما الختام طه
    يهف طيف مريم
    يسجد ويقراها
    مسرى نبينا كان
    ف الحب.. مسراها

  3. #3

    افتراضي

    مشكوووووووووور ليك يابرنس

  4. #4
    تاريخ التسجيل
    9 - 11 - 2007
    ساكن في
    ღ♥ღ الأسكندرية ღ♥ღ
    العمر
    31
    المشاركات
    2,459
    النوع : ذكر Egypt

    افتراضي

    شكرا علي المرور
    لاتعتمد على الصديق فهو نادر
    ولاتعتمد على الحبيب فهو غادر
    ولكن
    اعتمد على الله فهو قاااااااااادر


    البحث على جميع مواضيع العضو mido3d

  5. #5

    افتراضي رد: قصائد جمال بخيت


  6. #6
    تاريخ التسجيل
    9 - 11 - 2007
    ساكن في
    ღ♥ღ الأسكندرية ღ♥ღ
    العمر
    31
    المشاركات
    2,459
    النوع : ذكر Egypt

    افتراضي رد: قصائد جمال بخيت

    شكرا علي المرور
    لاتعتمد على الصديق فهو نادر
    ولاتعتمد على الحبيب فهو غادر
    ولكن
    اعتمد على الله فهو قاااااااااادر


    البحث على جميع مواضيع العضو mido3d

  7. افتراضي

    تسلم يا مان علي الموضوع ده بس نفسي تجبلي القصيده الاخيره بتاعه مش باقي مني

  8. #8

    افتراضي

    تعبك مشكور وذنبك مغفور وانا عم لف ودور لشوف القصيدة من تم الساحر والمسحور ونا مش باقي مني يللي سمعتها ودور عليها واولك اسعلنا فيها وكون لك مسرور

  9. افتراضي

    اختيار رائع لكلمات رائعة للشاعر جمال بخيت

    شكرا لك

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ارجو التثبيت : عند تغسيل هذا الميت وجدوا على كتفه وشم؟؟؟؟
    بواسطة الاميره ايه في المنتدى الاسلامي العام
    مشاركات: 16
    آخر مشاركة: 13 - 11 - 2010, 03:54 PM
  2. لقيت الفانوس مرة ودعكته طلعلى عفريت
    بواسطة ميدو2 في المنتدى خمسة فرفشة
    مشاركات: 9
    آخر مشاركة: 12 - 11 - 2010, 02:14 PM
  3. ياجداعان عايز رايكم بسرعه ياريت ياريت ياجداعان بجد مهم جدا ؟
    بواسطة hero في المنتدى منتدى الترحيب و المناسبات
    مشاركات: 10
    آخر مشاركة: 12 - 10 - 2010, 10:03 PM
  4. أنا جيت وبالحب عالباب دقيت هستنى كتير عالباب ؟؟
    بواسطة amase في المنتدى منتدى الترحيب و المناسبات
    مشاركات: 14
    آخر مشاركة: 5 - 5 - 2010, 01:01 PM
  5. الموسوعه الاسلاميه الضخمه ياريت يتم تثبيت
    بواسطة بنت الوادي في المنتدى الاسلامي العام
    مشاركات: 4
    آخر مشاركة: 21 - 11 - 2008, 01:46 PM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©