رد مع اقتباس
_جماعه بلدياتنا لعبو استغمايه فى عام 1960 ولم يظهر منهم احد حتى الان
_تلاته مساطيل كانو ماشيين فى شارع قدام جامع يوم الجمعه فسمعو الاذان واحد منهم قال لازم نتوب ونصلى يلا ندخلو الجامع قالولو ازاى احنا مساطيل مش هينفع قلهم لو قعدنا نقول كدا مش هنتوب ابدا ودخلو الجامع ولم ياتى الامام فصعد احدهم المنبر والقى خطبة الجمعه وكان كل الموجودين بالمسجد منتبهين جدا للخطبه ومذهولين
بعد انقضاء الصلاه خرجو ا من المسجد فبيقلهم ايه رايكم فى الخطبه بتاعتى ردو عليه انها خطبه رائعه بس انت وقعت فى تلت غلطات قلهم ايه
قالولو الاولى مفيش نبى اسمه خميس
التانيه امام الجامع بعد الخطبه مبينزلش يتزحلق على دربزين المنبر
التالته سيدنا عمر مماتش فى حادث موتوسيكل
وتخيلو انتو باقى الخطبه كانت ازاى
_مبارك : عارف يا ابليس ياخويا, انا عاوز اعمل في الشعب المصري
حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك
_واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا
عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين
_مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين
كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟
_*إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ
_بعد ثورة مصر وتونس يوم الجمعة ، القذافي قرر إلغاء صلاة الجمعة في ليبيا !
_الرئيس مبارك قال إنا خسارة في المصريين وتنحي وقرر إنه يرشح نفسه لرئاسة تونس، مما دفع ملايين التونسيين إلى المطالبة بعودة زين العابدين بن علي."
_مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين علي السعودية والمسيحيين علي أمريكا واقفل وهات المفتاح وتعالي !
ارجو ان تنول اعجابكم
_
_
قهوتنا على الانترنت
سلمت الأيآآآآآآآدي
