أنا نفسى أعرف اللى عنده أخت زى دى يعمل فيها ايه؟

**esra2** · 12 - 2 - 2009, 10:25 PM

أنا نفسى أعرف اللى عنده أخت زى دى يعمل فيها ايه؟
أنا عصبية و أختى غبية كل ما بتمسك حاجة تخربها يعنى مثلاً أنا قولت أن الكمبيوتر فيه فيروسات و مش نافع تتشال و هى بتفتح ملفات غريبة بتخلى النت مش شغال و ده متعتى الوحيدة كل ما أجى أعمل أى حاجه تيجى و تقول زى خيرية أحمد فى ساعة لقلبك "عرفه حركاتك دى و حركات الناس كلها أنا فأساكى" مش عارفة هى فرخة و لا ايه و كمان بنفس البرود و مستفزه أنا بيقولولى بطلى عصبية عشان صحتك و مستقبلك الرياضى و أنتوا عارفين أن مينفعش حد يدخل بطولات و هو مريض زى مثلاً مرض الضغط و هى خلاص شكلها هتجبهولى .
أنا عارفة طبعاً أن صبرى عليها ده ممكن يدخلنى الجنة بس أنا تعبت لو حد عنده حل أو أى حاجة تريحنى منها يقول عشان أنا خلاص بقيت عاملة كدة

**رهف** · 12 - 2 - 2009, 11:02 PM

ادعيلها تتجوز

**mano** · 12 - 2 - 2009, 11:24 PM

انتى طرحتى الموضوع بجد وانا هرد عليكى بجد مع انها مش من عوايدى

بسيطة جدا انتى تقوليلها انك عاوزة تتكلمى معاها على انفراد وتقوليلها الموضوع وتتكلمى معاها بجد وتطرحى الموضوع وتقوليلها انك مش كل حاجة بتعمليها او بتقوليها بتبقى هزار بس لازم تتكلمى بهدوء وبدون عصبية لان العصبية مش هتعمل حاجة خصوصا مع البنات لانهم مجانين(لا اقصد الاهانة ) بل بالعكس العصبية ممكن تزود الدنيا عقد .......المهم انت تحاولى تفهمى اختك الموضوع دة وتحاولى تقنعيها انها تتخلى عن تفكيرها بالطريقة دى ودة على حسب سنها يعنى لو اكبرمنك وعقلها كبير هتكون العملية سهلة ولكن لو كانت اصغر منك ولسة منضجتش كفاية تحاولى تفسرى الموضوع ليها على قد ما تقدرى عشان هى تفهم وكلمى بردة والدك او والدتك على الموضوع دة وشوفى هما هيعملو اية وفى النهاية اتمنى ليكى التوفيق وربنا معاكى ويصبرك ويهدى اختك وابقى قوليلى النتايج

**GOLDEN GIRL** · 12 - 2 - 2009, 11:50 PM

المشاركة الأصلية كتبت بواسطة mano

انتى طرحتى الموضوع بجد وانا هرد عليكى بجد مع انها مش من عوايدى

بسيطة جدا انتى تقوليلها انك عاوزة تتكلمى معاها على انفراد وتقوليلها الموضوع وتتكلمى معاها بجد وتطرحى الموضوع وتقوليلها انك مش كل حاجة بتعمليها او بتقوليها بتبقى هزار بس لازم تتكلمى بهدوء وبدون عصبية لان العصبية مش هتعمل حاجة خصوصا مع البنات لانهم مجانين(لا اقصد الاهانة ) بل بالعكس العصبية ممكن تزود الدنيا عقد .......المهم انت تحاولى تفهمى اختك الموضوع دة وتحاولى تقنعيها انها تتخلى عن تفكيرها بالطريقة دى ودة على حسب سنها يعنى لو اكبرمنك وعقلها كبير هتكون العملية سهلة ولكن لو كانت اصغر منك ولسة منضجتش كفاية تحاولى تفسرى الموضوع ليها على قد ما تقدرى عشان هى تفهم وكلمى بردة والدك او والدتك على الموضوع دة وشوفى هما هيعملو اية وفى النهاية اتمنى ليكى التوفيق وربنا معاكى ويصبرك ويهدى اختك وابقى قوليلى النتايج

بأيد رأي مانو برضه

**No TiMe** · 12 - 2 - 2009, 11:58 PM

اضربو بعض ههههههههههههههههههههه لا بجد انتي جبتي موضوع حساس وبيحصل كتير لو انت الكبيره عليكي الاستحمال ولو كانت هيا الكبيره فبتددل عليكي وتقبلي مررروري المتواضع دا

**esra2** · 13 - 2 - 2009, 01:41 AM

هي الكبيرة بسنتين بس عقلها قد السمسمة و يمكن أصغر أما حكاية والدى و والدتى فبابا مدلعها عشان بتجيب مجاميع دراسية أكبر منى على طول و ماما كفاية عليها أخويا الصغير و الكلام مبينفعش معها خالص

**spider2009** · 13 - 2 - 2009, 01:49 AM

اضربيها
بس كده

**MagMan** · 13 - 2 - 2009, 03:29 AM

بصي انتو من الاحسن انتو الاثنين تروحو قسم الشرطه وهناك كل واحد هياخد حقه ثالث ومتلت ...

هههههههههههههههههههههه

متزعليش بنهزر ...

**sahran77** · 13 - 2 - 2009, 04:35 AM

صدقينى لما انتو لما ان شاء الله تتجوزا هتشتاقوا للمناهده والمناكفه دى وتقولو كانت ارحم من الاولاد والبيت والمسؤليه هى دى حوا

**yara** · 13 - 2 - 2009, 04:42 AM

ايه بس يا اسراء روقى كده فى ايه دى اختك
عادى هما الاخوات لازم يختلفو ف سعات
وبما ان هى الكبيره هاتيها كده واقعدى اتفهمى معاها ومن غير عصبيه عشان غلط
وواحده واحده كده تفهمو بعض
ومش كل حاجه هنروح نقول لبابا وماما لا مع بعضكو كده هتتحل ان شاء الله
ولو ما اتحلتش زى ما محمد قالك كده تروحو قسم الشرطه والظابط هيتفاهم معاكو انتو الاتنين

(ده هزار بس اوك)
يلا فى رعاية الله
وربنا يخليكو لبعض

الموضوع: أنا نفسى أعرف اللى عنده أخت زى دى يعمل فيها ايه؟

أدوات الموضوع

أنا نفسى أعرف اللى عنده أخت زى دى يعمل فيها ايه؟

معلومات الموضوع

الأعضاء الذين يشاهدون هذا الموضوع

المواضيع المتشابهه

عندما تتكلمـ الاحاسيسـ الجميعـ يعلنـ الصمتـ ؟؟؟

شوفوا الصوره دى والى عاوز يعلق يعلق انا مليش دعوه ومش مسئول عن رد حد

لا أعرفه فلم يضيعني فكيف يضيعني اليوم وأنا أعرفه

وسع يا جدع لللاسكندرانيه يعني البحر المتوسط يعني بحري وسمعني ترحيب شحط محط يلا

الكلمات الدلالية لهذا الموضوع

ضوابط المشاركة