دى حبه نكت عن المساطيل""المحششين يعنى""
وعلى فكره دول عليهم حبه ذكاء ماشاء الله
المهم هخليكم مع النكت ويارب تضحكم
1-مره واحد مسطول امه بتصحيه وبتقوله قوم يابنى الشمس طلعت قالها دخليها وقفلى الباب وراكى
2-محشش قالو له ايه رأيك في الزواج المبكر قال يعني الساعه كام كده
3-مره واحد سكران ماشي في الشارع لقى واحد عنده حسنة فوق عينه قالو ياخي عين دي ولا غين
4-مرة اتنين مساطيل قاعدين قدام مراية فى واحد قال متيجى نسلم على الناس الى قاعدة هناك دى، المهم راحو يسلموا فالتانى قاله اقعد اقعد اهم جايين يسلمو علينا
5-مره واحد مسطول رجع بيتهم متأخر، اخته فتحتله قالها كنت فين ياجزمه لحد دلوقتي
6- تهنئة محشش: بمناسبة عيد الام المبارك أهنئكم برمضان جعله الله عليكم زواجا سعيدا وكريسمس خير وكل عام وانتم بخير بمناسبة السنة الجاية مع تحيات جمعية مرضى الزهايمر
7-مرة واحد مسطول قابل واحد قاله الساعة كام قاله خمسة وخمسة فرد عليه المسطول وقاله ما تعرفشى تقول عشرة وخلاص
8-مرة واحد محشش لقي كنز قال: كويس فاضل الخريطة!!
9-اتنين مساطيل ماشين في الشارع واحد وقع في البلاعة التاني راح إستناه عند الحنفية
10-نمله ماتت على الشط فبيسألو مسطول تعتقد ليه ماتت؟ قال ضحايا تايتنك
الذين يشاهدون الموضوع الآن: 1 (0 من الأعضاء و 1 زائر)