تحياتى /سيف الفارس
احمم .. طيب انتو عارفيين مقدمات الفزلكات الغريبة و اتعودتوا عليها
امركم لله اقروا و قولولى رايكم دام فضلكم
***************************
كل قصص الحب حلوة
وانت فيهم احلى حاجة
وانت مش كامل مكمل
بس فيك من كل حاجة
انت مش قمر الليالى
بس يكفى تبقى قمرى
وانت مش شمس النهار
ان غبت ماتطلعشى شمسى
حتى منتش نيل بلادى
بس معطشى الا لييك
وان روونى بنبع صافى
مرتويش غير من اديك
وان زعلت و قلت افوتك
بوصلتى تشاور عليك
وان حلفت انى اتقل
اصلا انسى التقل ليه
كل خطط الهجر فاشله
كل مادا شاددنى ليك
قولى طيب انت زيى
حالى حالك و الا ايه
يسهر النوم فوق جفونى
يطلع النهار عليه
ويقولولى الزاد نحفتى
ارد يعنى الزاد دا ايه
ايه لزووم الزاد وميه
لو فيوم مجتش فيه
لو مبصتش فى عيونك
قول لزوم العين دى ايه
لو ميوصلنيش سلامك
لو مياخدنيش كلامك
لو مشاركشى الظنون
و النكت و الا الهموم
لو مش انت يا حبيبي
الحياة لازمتها ايه ؟
تحياتى /سيف الفارس
الذين يشاهدون الموضوع الآن: 1 (0 من الأعضاء و 1 زائر)