خـــلـــطـــبـــيـــطـــه

**xXx SHaDY xXx** · 1 - 4 - 2009, 11:58 PM

اعلان هام
شركه(أنست يا نور العين) للتأمين عليك ضد الحسد والعين اللى تفلق الحجر
تقوم بصرف الاحجبه لعملائها الكرام مع خلطه من الفاسوخه وعين العفريت
ويمكن ترقيك اذا لزم الامر او اذا لزم التنويه من عين اللى شافوك وما ضربكشى على قفاك
.................................................. .................................................. ..................
اتنشلت منى محفظتى ومفيهاش الا اسمى وعنوانى وحجاب يحمينى من السرقه
ارجو من اللى يلاقيها يجبهالى عشان عايز اروح بيتنا وناسى مكانه لان العنوان داخل المحفظه....انا موجود على رصيف نمره خمسه حاليا واسمى مش فاكره لانه برضه مكتوب فى ورقه داخل المحفظه
.................................................. ..................................................
مكتبه( الجهل نورن) لصاحبها الاستاذ عادل طشاش المدغمش تقدم احدث المؤلفات فى شتى المجالات ومن الكتب النفسيه كتاب( خلاصه الابريز فى علم البريبيز) وكتاب( الاسلوب السائد فى الاكل على الموائد) وكتاب( من فضلك اهرشلى فى كوعى وامسحلى دموعى)
وكتاب( عرق النسا فى مداعبات المسا) وكتاب( سر الكوز المقلوب اللى بيوجع القلوب)
وكتاب( صراع تحت اللحاف مش بيأكل عيش حاف) وكتاب( بربور على الحيطه من فضلك بلاش زيطه) وكتاب( عايزه بوسه لو مش موافق دى تبقى حوسه) وكتاب( تعالى يا حبيبتى نسرق ونجرى ونهرب فى القطر المجرى) وكتاب( بحب اشم عفانه رجلى بس اوع من ريحتها تجرى)
كل هذه الكتب النادره من تأليف الكاتب الكبير والحائز على جائزه نوفل
الاستاذ/ عادل سهران الملخلخ
.................................................. .................................................. ..
اجتماعيات
يزور القاهره الان الوجيه اللبنانى السيد/( عدس اصفر) وبصحبته رجل الاعمال(عدس ابو جبه)
للعلاج من نوبات العطس المتواليه وقد استضافهما السيد/ رز مفلفل تمهيدا لتكون المسأله(كشرى)عموما(حله) البركه
.................................................. ........................................
من اخبار سوق الخضار تم زواج الاخ (بدجان اسود) بالانسه( طماطم) بحضور المأذون (فلفل افندى) مع تمنياتنا لهما فى (مسقعه الزوجيه)
.................................................. .................................................. ......
دعت الست نحمده الدكر الى(مفتقه بارتى) فى حوش الخرابه الصفيح فى زقاق الامل المضىء
وقد لبت الدعوه كل من(عطيات حاشيه محشى) وعنيات جنيات وزينات جنح وما شاء الله
الست كايده العزال حيث لغوصن نفسهم بمفتقه نحمده الدكر ولهتوا المفته لهت
وجلسن باقى الوقت فى تقطيع فراوى الصديقات والنميمه عليهن بكل فخر
وقد تخلف بعض السيدات عن هذه العزومه نظرا لانشغالهن بالنميمه الكبرى على الست نحمدو الدكر وضيوفها الفجعانين
.................................................. .............................................
السكه الحديد
قطار مصر_الاسكندريه ..العادى لما بيلاقى نفسه متأخر على ميعاده بيركب القطار المجرى
.................................................. ..............................................
احد الطلاب ركب القطار القادم من بلده الى القاهره لكى يلحق امتحانات الكليه وعندما وصل القطار لقى زملائه قد تخرجوا واتوظفوا كمان معلش هاردلك
.................................................. .................................................. .....................
دخل احد المسافرين بالقطار الى مكتب ناظر المحطه وقاله من فضلك القطار اللى واقف هناك ده مش رايح فين؟
.................................................. .................................................. ................
شعر احد سواقين القطار انه امضى فى الخدمه عشر سنين وانه لسه فى الدرجه السادسه فترك سواقه القطار وراح قعد فى الدرجه الثانيه لانه انظلم فى المصلحه
.................................................. .........................
اذاعت الاذاعه الداخليه للسكه الحديد بالقاهره النبأ التالى:
بشرى للركاب لا تقلقوا القطار الذاهب الى دمياط بدأ يتحرك الان من اسوان نرجو عدم الهدوء