انا كلمتي .. مش ممكن تنزل الارض ابدا

[علي مدكور]

السلام عليكم
الموضوع باين من عنوانه
في نقطة حبيت اتكلم فيها ,،
لما بتاخد قرار في حياتك او قرار عموماً ممكن ترجع فيه
وممكن تتناقش في القرار ده مع حد ..

شخصياً : في قرارات معينه بآخدها لوحدي وممكن انفذها بس لو حد اقنعني ان الموضوع ده غلط بحاول ارجع في القرار

مستني ردودكم

[Young DeviL]

انا احيانا بكون عنيده جدا وبنفذ اللي في دماغي مهما كان (طبعا في حدود) انما في ناس قريبين مني بحب اسمع منهم

ولو اقتنعت ممكن اغير رأيي ولو مقتنعتش برده بعمل اللي في دماغي

بس في قرارات مباخدش فيها رأي حد وبنفذ اللي انا شايفاه صح وبس

[Mr.Karsa]

خلاااااااص تنزل المرادي

.. ,, ..

بس ده بيعتمد على القرار نفسه

يعني في قرارات ممكن استشير فيها اللي ادرى مني وعارفين اكتر مني

وقرارات لازم اخدها انا بنفسي

وده مش معناه اني مقبلش النصيحه من حد لو انا مسألتوش

بس بردو الواحد اتلعم انه لازم يكون ليه شخصيه ويعتمد على نفسه في بعض المواقف

[ηάdά]

طبعا حسب القرار فى قرارت مثلا مصيريه مينفعش اتراجع فيها لو اخدتها وخاصا انى بفكر بعمق قبل اتخاذ اى قرار
بس برضه فى مواضيع بيبقى لازم انى استشير حد اكبر منى واكثر خبره فيها

وفى جميع الأحوال بحكم عقلى وضميرى قبل اتخاذ اى قرار


وميرسى اوى على التوبيك المميز جدا

[طيف عابر]

اكيد الانسان لازم يكون مرن وياخد ويعطي مع الناس
ويتبادل وجهات النظر والا بكون في نهاية الامر وحده عامل مملكة لوحده ومعندوش حد معه


اي حد بياخد قرار مش لازم يجزم انه صح
ومش غلط لو اخد رأي ناس تانيه ممكن اصغر منه وممكن اكبر منه المهم ثقة وحاسس انهم بحبوه فعلا وخايفين على مصلحته ونصيحتهم هتكون نابعه من محبتهم له

عني طبعا بتراجع في قراري لو اكتشفت اني تسرعت فيه

اتمنى اكون وصلت للمطلوب

good luck Ali

[انتهينا]

مفيش انسان عارف كل حاجه ومفيش انسان مش عارف اي حاجه

يعني مفيش حد مش محتاج مشورة من الناس عشان كمية العلم الفظيعه الي عنده .. ومفيش حد مش بيقدم نصايح ، مهما كان

انا عن نفسي قبل اي قرار باخده بكون محتاج لناس تأيدني او تعارضني ...

وطبعا مش ببقى لعبة الناس تحركني مهما كانوا بشوف من وجهة نظري في الاخر انا اقتنعت برأي مين ولو مقتنعتش برأي حد بعمل الي في دماغي مهما كان ..

ومحدش يسألني عن اي حاجه انا قلتها عشان بصراحه انا مش فاهم اي حاجه

good luck

[طلة القمر]

في قرارات معينه بآخدها لوحدي وممكن انفذها بس لو حد اقنعني ان الموضوع ده غلط بحاول ارجع في القرار

موضوع متميز لازم نقتنع اننا مش فى الدنيا لوحدنا ولازم نشور بعض وناخذ بالراى الافضل حتى لو كان لغيرنا ومش عيب اننا نتراجع عن قرار اخذناه لكن العيب اننا نتمادى فيه

[mona roshdi]

موضوع فى غايى الروعة
شوف ياعلى ...

فى مثل جدودنا بيرددوة والى الآن (((جنة من غير ناس ماتنداس))
الانسان مش ممكن يعيش وحدة وأى قرار بيتخذة بيعود على اللى حولية كمان
ولذلك انا شخصيا عندما اتخذ اى قرار يخصنى شخصيا أفضل أخد رأى اقرب الناس ألى واللى رأيهم بيكون صائب ...ومش مهم ولا يشطرط السن ...اصغر أو أكبر المهم حسن التصرف والفكر السديد
وقال الرسول الكريم علية أفضل الصلوات(( رأيكم شورى بينكم)
وأن حصل واعطيت قرار وكان خطأ ممكن برجع فية لو اللى حوليا بيشوفو أن دة مش صح،،، ومش ضعف والله او عدم أرادة فى أتخاذ القرار السليم
ولكن شيئ نفسى بداخلى يجعلنى أشرك من حولي من احباء مقربين فى قراراتى
ولك منى الف شكر على الموضوع

[العفو والعافيه]

بسم الله الرحمن الرحيم
استاذى المحترم
سؤالك جميل ويبحث عن اجابه بداخل كلا منا لكن الواجب ان يتمتع الانسان بالعقل والمرونه معا صفتان متلازمتان لا يمكن ان توجد احدهما دون الاخرى
لانى كيف لى اخذ قرار بدون دراسه وعقل وارتياح وتأهب لسماع نجاحه او فشله بدون مرونه تسمح لى بانه لو فشل ابحث سبب فشله واحاول تقيمه مره اخرى
لكى ينجح وانا شخصيا مرنه اصححه لو خطأ بقدر استطاعتى.

[Ahmad Misk]

الحمدلله

عمري ما كنت بالتعصب ده

بمشي ورا الصح ماهما كان

وبسمعه من أي حد

حتى ولو مخالفني

وبرحب بالنقد

وبمشي في الدنيا بمقولة

رأي غيري صواب يحتمل الخطأ ورأيي خطأ يحتمل الصواب

لكن على شرط

ان النصيحه او المناقشه تكون بهدوء ومن غير تعصب

والا ببدأ اتنرفز للأسف

تسلم يا علي على الموضوع