تحيا جمهورية ايجيبت العربية

[masman]

تحيا جمهورية ايجيبت العربية

بغض النظر عن مكانه الواحد الاجتماعيه سواء كان هاي كلاس و في بقه معلقه دهب او من الشعب المصري اللي طالع عينه ايه اللي يخلي الواحد ميتكلمش عربي او ميكتبش عربي ؟
مشكله في المخ مثلا ؟ ولا مش قادر يكتب عربي...بيحس بالتخلف و الرجعيه؟
هل هي مشكله هويه و لا مشكله انتماء و لا ايه بالضبط ؟
أذا كنا مش قادرين نتكلم لغتنا الاصليه البلد دي هتقوم لها قومه أزاي؟طبعا نسبه اللي بيحبو يتكلمو أنجليزى او يكتبو أنجليزى مش كبيره اوي بس في تزايد مستمر و كمان في تزايد مستمر في عدد المجلات الانجليزيه اللي بتخاطب الشباب طب يا جماعه ليه كده؟؟العربي عملكو ايه؟ ده أحنا نفتخر ان أحنا بنتكلم عربي ... لغه القران الكريم

و طبعا موضه منتشره من زمان أن كل واحد يدخله كلمه انجليزي كده في وسط كلامه علي اساس انه يبين انه واد جامد و معدي

خد عندك بقي الحاجات الصغيره
لما الناس كانت بتسمي عيالها كانو بيسمو مني, رشا,ساره,ندي,مريم,ايناس,دين� �
اما دلوقت بيسمو: ماري,شاهيناز,مارينا,باكينا� � حتي الاسامي مبقتش عربي
عارفين عم عبده البقال اللي عالناصيه؟ مبقاش بقال صحيح المحل مترين في متر بس جاب يافطه كبيره عليها أعلان بيبسي و مكتوب: "سوبر ماركت" عبده حتي عم عبده بقي روش و مبقاش بقال خلاص
تعالو بقي للعيال الصغيره في بعض المناطق ياما و انت ماشى في المعادي تلاقي عيال صغيره ماشيه بتكلم بعضها انجليزي و تبص عليهم تقول يمكن امريكان و لا حاجه وتلاقيهم مصريين.
طب في ايه الحكايه مش عارف حتي العيال الصغيره من اللي بيشوفوه في بيتهم أو في مدرستهم من تجاهل اللغه العربيه علموهم يتقربو من الانجليزي اكتر تقريبا زي ما حد من الفلاسفه دول قال: انا افكر اذا انا موجود .. في بقي واحد مصري عبقري قال:انا اتكلم انجليزي اذا انا جدع
انا مش ضد الانجليزى بس من جوايا عربي و مصري في الصميم اللي بيحطو الانجليزي أو كلمات منه في وسط كلامهم ممكن يكونو ساعات ناس كويسه و دماغها حلوه بس أنا عاوز اعرف ليه؟؟ ما انت بتعرف تتكلم عربي كويس .. طبعا في سبب لبعض الظواهر دى .. حاليا التقدم العلمي و التكنولوجي .. مش هقول الحضاري أكيد .. عند الغرب .. ففي ناس بتحاول تتمسح فيهم .. ال يعني لو اتكلمو انجليزي شويه هتنزل عليهم البركه و هيبقو مثقفين ممكن يكون رأيي صح أو غلط بس دي وجهه نظري.
علي كل حال سواء غلط او صح سؤال بريء: احنا مش كفايه احتلينا فكريا و كمان هنحتل لغويا ؟؟؟مبقاش فاضل غير ان احنا نحتل عسكريا .
خلي بالكو يا جماعه بعد شويه هتلاقو ولادكو بيحيوا العلم بكل قوه "تحيا جمهوريه أيجيبت العربيه"

[MoOoRa]

تسلم يا برنس

بس انا حليت السؤال بتاعك ممكن تروح هناك

[dr_manoon]

شكرا ياماسسسسسسسسسسسسسسسسسسسسس سسس كتيرررررررر

[BA7IBAK YA BOY!]

اممممممممم

انت قولت تحيا الجمهوريه ايجيبت العربيه

تسلم يا عثل علي التوبيك الجامد ده

[مسلمـ]

وكأن الموضوع لا يتحدث عن قضيه وكأنه لا يحوي أي أفكار


للأسف الردود محزنه



ـــــــــــــــــــــــــ ـ


شوف يا محمود يا أخويا

بصراحة شديده تلخيص الكلام في القضيه اللي انت طارحها


(( عقدة الخواجة ))

إحنا بنحب أي حاجه جايه من هناك

أي كلام

أي لبس

أي أغاني

أفلام

صور

ثقافات

نظم سياسية

نشاطات إجتماعيه

أكل

أفكار - حتى لو كانت شاذه -

عقائد - حتى لو كانت كفرية -


ودي عند شريحة عريضة من الشعوب العربية مش في مصر بس

وأنظر إن شئت لقطر والكويت وإنت تعرف إن البلاد دي بقت هي وأمريكا ( حته واحد )


الموضوع يرجع في الأصل لعدم الإحساس بالإعتزاز بالوطن - الدين - اللغة

ودا يرجع كله لخلل تربوي يتحمله كاملاً الأب والأم

ومن ثم المجتمع اللي الفساد بقه فيه أصل أصيل

تحياتي لفكرتك الجميله

[طيف عابر]

صراحة موضوع يحتاج وقفه لانه انتشر بشكل كبير في كل الدول العربيه للاسف وبشكل كبير حتى الاطفال ---بعرف طفل عمره سنة ونص اطلبه شيء بيقلك اوك او يس بدل نعم --

شيء فعلا انتشر وبين كل الطبقات وكانه بداية محزنة لاحلال كلمات مكان اللغة العربيه وكل شيء بدأ يتحول للنمط الغربي

وتعليق مسلم رائع وغطى كل الجوانب

بارك الله فيك ماسمان