في شأن فكر الاعضاء

[عاصم مهدلي]

بسم الله الرحمن الرحيم
لقد تعرض الاخ احمد عمر في مقال سابق لشرح مستفيض في شأن المنتدى ولكني هنا اركز على فكرة التكتلات مابين بعض الاعضاء مما يؤدي الى توحدهم في الهجوم والتهجم والتهكم والسب على عضو ما قد اثار موضوعا قد لايتفقون معه في شأنه
وقد نرى بل اكاد اجزم ان المناخ العام يوحي بوجود ابواق تروج لافكار جماعة ما وبالأكراه وتتعدى حدود مناقشتهم من الرد الموضوعي على نقاط العرض او التعليق الى محاولة لارهاب فكري
وللأسف ردود هذه التكتلات بعيدة تماما عن المنطقية وهم يعلمون ذلك تماما ولكن هناك محركات دفع شديدة القوة تدفعهم ..واراهم يرددون ما قد اعلنه البعض من القيادات السياسية المشكوك في ولاءها للدين الاسلامي بواقعه الحقيقي لا التحريفي كذا تأكيدهم الدائم على ان هؤلاء القادة هم القيمة والمثل
انا ضد فكرة الحجر على رأي ولكني ضد التكتل لترويج فكر مسموم كرها
وعلى ادارة المنتدى اتخاذ الموقف المناسب تجاه هذه التكتلات الغير مرغوب في منهجها
واستمرارهم والسماح لهم بالاستمرار تعني وتؤدي وتشجع على فكرة الانسحاب فأن كان احد مدخلات المنتدى شق اقتصادي فلا بأس وهذا حق
ولكن وبهذه الطريقة سوف يفقد المنتدى عدة ميزات
1 خسارة في تحقيق هدف طالما رجوناه وهو التقارب بين الافكار العربية
2 احباط قد يصيب البعض من ان الفكر المعتدل من الواجب القضاء عليه وما علي اصحابه الا التسليم
3 قد تطرح فكرة الانسحاب من المنتدى وبهذا قد لا يتحقق للمنتدى احد من اهدافه الا وهو الربح
ولهذا فمن والواجب على السادة القائمين على ادارة المنتدى من وقفة حازمة ضد هذه التكتلات القميئة ولي رأي اخير
في بعض الاحيان يساورني شك ما في ان السيد المشرف على منتدى ما يقوم بتحييد لنفسه ورأيه عن عمد .. اشك في صحة نواياه
شكرا

[Serag Magdy]

باشا
اولا
انت توشكر ع الموضوع ده
اللي من شأنه انه يقضي ع التكتلات اللي محدش شايفها الا انت
ثانياً
ياريت يا باشا علشان القيل والقال تقول انت تقصد مين
وتوضح يعني
علشان كدة واحد زي حالاتي مش عارف انت بتتكلم عن مين اساساً
ثالثا
لو سمحت بلاش الكلام الكبير اللي انت بتقوله ده
فكر مسموم - التكتلات القميئة - ابواق تروج لمش عارف ايه
ايه يا عم الكلام الكبير اوي ده؟؟؟
هو انت هنا شايف ان في حد هنا من اسرائيل؟؟؟
ولا بندعو للبوذية كديانة؟؟؟

رابعاً بقي وده الاهم
من وجهة نظري انا مش شايف اي علاقة بين الموضوع اللي انت كاتبه وبين القسم المكتوب فيه
لو دي شكوي - والشكوي لغير الله مذلة - يبقي فيه قسم مخصص لشكاوي الاعضاء
ولو ده موضوع عام يبقي فيه قسم عام يتحط فيه
انما انا مش شايف اي علاقة بالموضوع بتاعك بالسياسة

يا عاصم باشا انت من الاعضاء اللي الواحد بيكن لهم كل احترام وتقدير
بس يمكن فيه حاجات كتير انت متكونش واخد بالك منها
او فاهمها غلط
وده مش عيب

عموماً يارب الاقي رد ليك علي تعليقي ده
وتسلم يا معلم

[عاصم مهدلي]

شكرا اخي الكريم سراج على صياغتك التهكمية
ولك كل سنتيمتر في المنتدى افعل كل ما يحلو لك وسوف اتذكرك بكل الخير
والسلام عليكم ورحمة الله وبركاته

[Serag Magdy]

شكرا اخي الكريم سراج على صياغتك التهكمية
ولك كل سنتيمتر في المنتدى افعل كل ما يحلو لك وسوف اتذكرك بكل الخير
والسلام عليكم ورحمة الله وبركاته

باشا
اولا انا والله ما رديت باي صيغة تهكمية زي مانت بتقول
ده انا حتي مش حاطط ايموشن واحد
ثانياً برده انت دخلت وطلعت ومجاوبتش علي اي حاجة
انا منتظر ردك
ثالثا
المنتدي ده يا عم عاصم مش ل شخص واحد فقط يفعل فيه ما يريد علشان تقول لك كل سنتيمتر فيه
تسلم

[Mr.Karsa]

طيب من غير كلام كتير

اي موضوع بيتعمل في المنتدي حتى في قسم الالعاب بيكون ليه هدف

انما الموضوع ده مش شايف ليه اي هدف

الا اذا كنت عاوز تعمل بلبله فكريه في المنتدي

فين يا باشا التكتلات دي؟

وفين الجماعه اللي معاليك بتقول عليها بتتوحد في الهجوم والتهجم والتهكم؟

طيب فين الفكر المسموم اللي سموك بتقول عليه؟

طيب بلاش ده كله

فين المشرف اللي بينحاذ برأيه وعن عمد ولمين وهيعمل كده ليه؟

مع احترامي لفخامتك وليكن ما يكون

عاوز تتهم حد يبقى تقول فلان بالاسم

ويكون في قسم محدد للكلام ده وهو الشكاوي والاقتراحات

على ما اظن مش هنكهربك لما تقول فلان عمل كذا من وجهة نظرك

انما تدخل تقول جماعه وتكتلات ومشرف وفكر مسموم

وفي قسم عام كده

يبقى كده موضوعك ملوش غير هدف واحد بس

وهو انك مش لاقي حاجه تعملها فــ قولت اما اعمل ظيطه