ّّّّتعليقات فى الجوووووونّّّّ

[ahmed saso]

# يقال إن87%من الشعب المصرى ساخطون على الحكومة المصرية ... ما تعليقك ؟
ــ ال 13% الباقيين فى بورتومارينا .



# تقرير :45% من الشعب المصرى مصابون بمرض السكرما تعليقك ؟
ــ آدى اللى خدناه من" الحلوانى " اللى بنى مصر .


# ما أهم مظاهر الفهلوة عند المصريين ؟ــ انهم يشكون فى الشحات ولا يشكون فى النصاب


# بعد اضطهاد النادى الأهلى الواضح لنادى الزمالك والمتمثل فى التنكيل به ذهابا وايابا .... ماذا تتوقع لجماهير الأخير ؟
ــ أتوقع أن نقرأ قريبا أخبارا عن زملكاوية المهجر .

# ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت .



# ما الفرق الأهم بين مصر وأمريكا ؟
ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .




# ما أهم قاعدة موجودة فى مصر ؟
ــ ان مفيش قاعدة لأى حاجة



# ما وجه الشبه بين السد العالى وقانون الطوارىء ؟
ــ الأثنان مصدر " للكهرباء!!!" .



# لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .

# أين يمكنك أن تلاحظ سوء نية المصريين ؟
ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا .

# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.

# امتى بتحس ان البلد حلوة ؟
ـ
ـ ما باحسش ان بلدنا حلوة غير لما داليدا تقول : " حلوة يا بلدى "( .... بغض النظر انها قالتها وانتحرت …)

# امتى هناكل جوافة من انتاج مزارع توشكى ؟
ــ لما نلاقى المشمش!!!!!

# ما العلاقة بين عصام الحضرى وسمن روابى ؟
ــ الطعم فلاحى وتحدى .

# هل لك أقارب استشهدوا فى الحرب ؟
ــ لأ عندى أقارب استشهدوا فى السلام ..... " السلام 98" .

# ما تعليقك على أن المصريين لا يتحدون الا لما يكون المنتخب بيلعب ؟
ــ الاستاد هو الحل !

# ما الدليل على أن مصر بلد الامان ؟
ــ الدليل ان الواحد بيتردد كتير قبل ما يدخل أى قسم شرطة



.


# ايه الكلمة اللى ما بتحبش تسمعها وانت فى أوضة العمليات ؟
ــ يا خسارة .

# ما الفرق بين الزوجة المصرية والزوجة اللبنانية ؟
ــ 0 4 كيلو جرام على الأقل .

# بماذا ستجيب كمصرى عند سؤالك عن عمرك فيما أفنيته بعد عمر طويل ؟
ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .

# من المستفيد من الزحام الذى يسيطر على شوارع القاهرة ؟
ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".
المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .

المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .

المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .


## ليه بيقدموا الساعة ساعة عندنا فى الصيف ؟
ــ علشان البلد تتقدم بينا .

## ايه اكتر حاجة بتجمعنا كمصريين ؟
ــ حبنا للكابتن ابوتريكة .



### لماذا يقال عن الشعب المصرى انه شعب فوضوى ؟ـ
ـ علشان بيكره " النظام . "

منقول

تحياتى لكم
AHMED

[المبدع]

جميل جدا تسلم الايادى

[ahmed saso]

نورتنى يا مبدع ويا رب دايما

[ك/علاء النسر]

ههههههههههههههههههههههههه ههههههههههههههههههههههه
لا بجد اجمد تعليقا

تسلم ايدك
وتقبل مرورى

[ahmed saso]

مرسى على مرورك يا باشا

[♥بـونـبـونـايـه سـكـره♥]

بكد توبيك كاااااااااااااااااااامد موووووووووووووووووووووووو وووووت
ههههههههههههههههههههههههه هههههههه
دمت متميز متألق احمد

[reko]

نايس توبيك / بس اين الحل
اللى يعرف الحل يطلب اى رقم بس ميكونش اولة 0900
تسلم ايدك

[ahmed saso]

بكد توبيك كاااااااااااااااااااامد موووووووووووووووووووووووو وووووت
ههههههههههههههههههههههههه هههههههه
دمت متميز متألق احمد

مرسى على مرورك يا بونبونايه

[ابو تريكه]

# امتى بتحس ان البلد حلوة ؟
ـ
ـ ما باحسش ان بلدنا حلوة غير لما داليدا تقول : " حلوة يا بلدى "( .... بغض النظر انها قالتها وانتحرت

ههههههههههه

ده كلام يودى ورا الشمس

[Lovely Dina]

ههههههههههههههههههههههه حلو اوي اوي اوي تسلم ايدك وتقبل مروري