تعملى فرح ولا شهر عسل ؟؟؟؟

[ED GIEN]

( :: السلام عليكم ورحمه الله وبركاته :: )

انهاردة الموضوع زى ما باين من العنوان ::::

سؤالنا للبنات وبرضه للشباب يعنى

تعمل فرح ولا شهر عسل ؟؟؟؟؟ وكل واحد يقول ليه

يعنى لو تختارى الفرح تقولى ليه ؟؟؟ ولو تختار شهر العسل تقول ليه ؟؟؟

انا طبعا حقول رأيى اللى طبعا زى منتو عارفين دايما بيكون صح

كل واحد وعلى حسب امكانياته ، بس انا شايف ان الفرح دة ليله فى العمر
وكل قرايبك بيستنو اليوم دة وبرضه انت وانتى حتتبسطو فى اليوم دة

اما شهر العسل ممكن يتعمل اى يوم تانى .........

وبعدين لو احنا الاتنين بنحب بعض
حنعيش حياتنا كلها عسل مش شهر واحد

بس هو شهر العسل عشان بيبقا الاتنين لوحدهم طبعا ورومانسيه وكدة

صح ولا ايه ؟؟؟؟؟

عاوز اشوف رأيكم وتفاعلكم معايا ......

ويارب اشوف تفاعل مش زى كل مرة

[نور الحرف]

أنا أول من يرد عليك
الفرح أعتقد اصبح موضة قديمة يعنى أدفع ألاف الجنيهات علشان إيه (والله مش بُخل )
وممكن يكون ناقصنى بعض أدوات فى الجهاز ( يبقى أكمله احسن )
ثانيا شهر العسل فى الزمن اللى إحنا فيه ده أصبح بطر وإفتراء
هى فُسحة واحدة أنا وهى بعد عقد القران ودمتم
وإذا كان معاك أى مبلغ زيادة هناك أوجه كثيرة لصرفها
( شارك فى بناء مسجد أو مستشفى (السرطان مثلا )
أو تبرع به لأطفال غزة
وصدقنى هاتكون أسعد من إنك تعمل فرح أو تقضى شهر عسل
وربنا يتمم بخير ويرزقك الذرية الصالحة
المهم هدوء وراحة البال

[ED GIEN]

بجد كلام جميل وانا يشرفنى انك اول واحدة تردى عليا

عقبال الباقى ...... على العموم هى وجهه نظر

ومشكورة على المرور

[HoBa HoBa]

لو الامكانيات تسمح اني اعمل فرح وشهر عسل .. يبقي اشطة اوى اكيد

بس لو الامكانيات تسمح بحاجة واحدة منهم .. أكيد شهر العسل ,,, لان دلوقتي تكاليف اقل فرح بتبقي مكلفة اوى

وللاسف الفرح مش يبقي الاسطوري يعني .. بيبق علي اد حاله اوى .. والناس هتتكلم وتقول ( ايه الفرح ده !! ده اكل يقدموه ؟؟

ده الشربات طعمه وحش ) والكلام اللي بالكوا فيه ده

يبقي وعلي ايه بقي . لا انا اعمل شهر عسل احسن اتبسط

وبعدين شهر العسل بيبقي له طعم تاني .. لانه مش مصيف عادي .. ده اول شهر في الجواز وله اكيد فرحة تانية

معايا في الرأي ولا ايه ؟؟؟

[ED GIEN]

بصراحه انا قليل جدا لما حد يقنعنى ....... بس انتى اقنعتينى بوجه نظرك كلامك صح فعلا

مشكورة على المرور

[HoBa HoBa]

طب الحمد الله انى اقنعتك
بس فعلا هو ده اللى بيحصل
وبجد توبيك جميل جداااااااا

[ED GIEN]

ها يا جماعه فين البنات ..... محدش عاوز يسيب رأيه

طب الشباب فكرو كدة

[دره]

انا مع ماما نور فى رايها

[رهيف الاحساس]

( :: السلام عليكم ورحمه الله وبركاته :: )

انهاردة الموضوع زى ما باين من العنوان ::::

سؤالنا للبنات وبرضه للشباب يعنى

تعمل فرح ولا شهر عسل ؟؟؟؟؟ وكل واحد يقول ليه

يعنى لو تختارى الفرح تقولى ليه ؟؟؟ ولو تختار شهر العسل تقول ليه ؟؟؟

انا طبعا حقول رأيى اللى طبعا زى منتو عارفين دايما بيكون صح

كل واحد وعلى حسب امكانياته ، بس انا شايف ان الفرح دة ليله فى العمر
وكل قرايبك بيستنو اليوم دة وبرضه انت وانتى حتتبسطو فى اليوم دة

اما شهر العسل ممكن يتعمل اى يوم تانى .........

وبعدين لو احنا الاتنين بنحب بعض
حنعيش حياتنا كلها عسل مش شهر واحد

بس هو شهر العسل عشان بيبقا الاتنين لوحدهم طبعا ورومانسيه وكدة

صح ولا ايه ؟؟؟؟؟

عاوز اشوف رأيكم وتفاعلكم معايا ......

ويارب اشوف تفاعل مش زى كل مرة

انا وعن نفسي ههههههههه
راحت عليه لا عسل ولا فرح
بس انصح اولادي وبنتي يعملو عسل بس مو شعر اسبوع
وانصح البنات اللي هنا وعلى قرب زواج ان لا يعملو فرح
الفرح بصراحه حسب ما شفته لو عند الناس الهاي مصاريف مالها داعي
والناس اللي على قد حالهم يتسلفو ويصير فيه حاجات منكره وتغضب رب العباد وفاهمني قصدي وفى الاخرلما الراس يتمخمخ ويتعمر عينكم ما تشوف الا الكراسي الطائره والشومات
يصير لا فرح ولاعسل منختصرها من اولها ونعمل عسل ونعيش فى عسل

[لولو كاتى]

انا عن رأيى طبعا اختار الفرح لأنه هو يووم عمرى ماهعمله تانى لكن شهر العسل ممكن يتعمل فى اى وقت