قهوتنا على الانترنت
ابحث عن :  
النتائج 1 إلى 7 من 7
  1. #1
    تاريخ التسجيل
    8 - 6 - 2010
    ساكن في
    سراااااااااااابــــــــ
    المشاركات
    4,445
    النوع : انثيEgypt الفريق المفضل  : الاهلي

    تشجيع تعالى انسى الهم واضحك معانا

    السلام عليكم ورحمه الله وبركاته

    تعالى انسى الهم واضحك معانا
    جيبالكم شويه نكت انما ايه لووووووووووووووووووووز
    يلا بينا نفك التكشيره و نضحك شويه
    1
    2
    3
    اضرب


    مرة واحد امريكي وواحد اسباني وواحد صعيدي اتفقوا مين
    بجيب اكبر تمساح راح الامريكي جاب واحد كبير وراح
    الاسباني جاب واحد اكبر وراح الصعيدي و ما رجعش راحوا
    يدوروا عليه لقوه شايل تمساح صغير و بيغني له بابا فين ؟؟



    صعيدى أخذ شهادة دكتوراه فقال لزوجته والله ماخبرشى ليه
    الناس بيضحكوا على الصعايدة أدينى جبت الدكتوراه. فقالت
    له زوجته: دق على الخشب عشان العين. فدق على
    الخشب. فقالت الزوجه مين على الباب؟ فقال الزوج: خليكي
    انا حاشوف مين


    >مرة بدوي قال لأبوه: عايز آخذ نوكيا قال له:على جثتى
    حتاخد بنت عمك


    >بدوى اول مرة يشوف فلبيني قال يا بخته هذا شبعان نوم


    اتنين صعايدة بيلعبوا شطرنج الملك مات مشلول



    >مرة صعيدي طلعله عفريت علاء الدين وقال له شبيك لبيك
    خدامك بين ايديك قال له
    عايز كوبري من الصعيد الى نيويورك
    قال له مستحيل شوف طلب غيره قاله طيب خلي الصعايدة يفهموا
    فكر شويه وقال له عايز الكوبري اتجاه واحد ولا اتجاهين ؟


    مره واحد صعيدى سافر مصر إتسرقت المحفظه بتاعته بلغ عنها
    فقال له الظابط حاضر حجيبهالك من تحت الأرض طلع الصعيدى
    بره لقى الناس بتحفر لخط المترو فقال لهم الهمه يارجاله هى
    سوده وفيها سوسته


    . واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

    • مرة مدرس رياضة اتجوز مدرسة رياضة خلفوا ولد متساوى الساقين

    • ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

    • هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

    • زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

    • واحد أحول راح يجيب أبوه من المطار باس الشنطة وشال أبوه

    • مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة

    • تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

    • مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

    • سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

    اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى


    • محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

    واحد ندل فتح مصنع بيبسي كتب على كل علبة : رج جيدا قبل الفتح

    • بلديات فتح محل انابيب غاز .. فجّر اسطوانتين فى وسط البلد .. دعاية

    • واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر

    ثعبان نظره ضعيف يوم ما حب واحده..... طلعت خرطوم

    • بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

    • بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

    • واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور

    • واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى


    واحد بلدياتنا دخل الجيش بيسأل زميله إنت من دشنا...فقاله: لأ رد بلدياتنا: يبجى إنت من ديش العدو... و راح طاخه عيارين


    واحد بلدياتنا شال جرس الباب وركب فيبريشن


    واحد بلدياتنا وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم

    فيل ضخم كل يوم يمر على مملكة النمل يهدها، النمل اتفق عليه قالوا : حنستخبى له فوق الشجر و أول ما يعدى نقفز عليه و نقرصه لحد ما نقضى عليه المهم الفيل مر راح النمل قفز عليه الفيل حس بيهم راح خابط زلومته شمال وقع نصهم و راح خابط يمين وقع النص التانى و مفضلش غير نمله واحده فكل النمل واقف تحت يهتف لها اخنقه يا فوزى


    مرة واحد بلدياتنا اشتري تاكسي وماشي بيه ومبسوط واحد واقفه وقاله تاكسي يااسطي قال له ايوة تاكسي وكمل مشي


    تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!!


    واحد بلدياتنا عداه العيب خد اللي وراه*
    مرة أتنين صحاب راحوا للحلاق واحد حلق والتاني غويشه*
    واحد اصلع خلف ولد سماه شعراوى *
    مرة واحد اكل رز معمر ضرب في وشه*
    مرة واحد راح الجهاديه طلع من الجهة التانيه*
    فرخة استحمت بهد اند شولدر باضد بيضة من غير اشرة*
    مرة أتنين قرع أتخانقوا على مشط *
    مرة مدرس كيمياء خلف عيل سماه سامى اكسيد الكربون*
    مرة أتنان بلدياتنا حبوا يسرقوا بنك سرقوا بنك الدم *


    مرة واحد بلدياتناوقع فى حفرة نزلولوا حبل طلع مخنوق*
    واحد احول امه ماتت دفن ابوة *
    مره واحد بيحب يمشى ويمشى مبيحبوش*
    واحد بلدينا حط حجرين للراديو المذيع انسطل*
    مره كان في قط بيجري وراء قطه اعد يجري وراها لحد ما خبطتها عربيه قال لها احسن ابقي خالي الشرف ينفعك*
    مرة واحد بلدياتنا جات طوبة في صدرة بص وراة *


    مره واحد احول بيعاكس واحده حوله بيقولها والله انتوا الاتنين احلى من بعض انتو الاتنين زى الامر فاتعصبت وقالت :جرىايه ياشله قليله الادب


    واحد بلديتنادخل على واحدصحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبكده غالبنى عشرين دور


    مرة واحد كان نفسه يعمل حاجة الناس تفتكره بيها
    ففكر انه يغلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده
    قرر انه يعرضها على الاطفال
    فقابل ولد وسأله اسمك ايه ؟ قال محمد...
    قال الراجل ايه دى ...
    قال الولد :دى نملة وفعصها باصبعه....
    الراجل اتجنن وقعد فى المستشفى سنين كتيره...
    المهم علم نملة تانية الباليه....
    وقال المرة دى نعرضها على الشباب بيفهم أكتر
    فراح لشاب و سأله اسمك ايه قال :محمد
    قال الراجل :ايه دى قال الشاب: قلتلك من عشرين سنة ان دى نملة وبرضه فعصها باصبعه


    واحد بلدياتناغنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسودقاعده تقولى نوبليز نوبليزنوبليز (no please)


    نشر رجل سطر فى اعلانات مبوبه:مطلوب زوجه و تانى يوم جاله ميت جواب فيهم نفس الرد:تاخد بتاعتى؟


    مراهق قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشانأبويا مايخدش باله فصاح القهوجي وقال وعندك واحد بيره فى فنجان شاي وصلحووووووووووووو


    مره واحد ابنه بلع فتاحة فكلم الدكتور و قال له ابنى بلع فتاحة فقاله الدكتور اقلبه لحد مأجى و بعدين الرجل كلم الدكتور و قالهماتجيش أنا لاقيت فتاحه تانيه


    كان فيه قرية كلها أغبياء وكان فيها حفرة كل الناس بتوقع فيها وبتتعورالعمدة جمع أذكى 3 فى القرية عشان يحلوا المشكلة أول واحد … إحنا نبنى مستشفى بجانب الحفرة الى يقع يدخل يتعالج العمدة …. أنت غبي آوى تانى واحد ….. إحنا نجيب إسعاف بجانب الحفرة الى يقع الإسعاف تشيلة للمستشفى العمدة …… أنت اغبى منة الثالث ……. يا حضرة العمدة إحنا نردم الحفرة دى ونعمل واحدة ثانية جنب المستشفى


    مرة واحد راح للدكتور قال له يا دكتور لما احط ايدى على عينى ما بشوفش حاجة الدكتور عملة عملية خرملة ايدة


    راجل متجوز عنده دولاب فى البيت ممنوع أى حد يفتحه غيره مراته حيقتلها الفضول عاوزه تعرف الدولاب فيه ايه؟ لكنالرجل مش مديها أى فرصة، المهم فضلت طوال عشرين سنه منتظره الفرصه لحد ما فى يوم نسى يقفل الدولاب و نزل ففتحتهفلقيت عشرين ألف جنيه و بيضتين فجريت على جوزها وسألته عن سر الموضوع ده و أصرت انها تعرف فقالها اقولك بستوعدينى انك تسامحينى، قالت أوعدك، فقالها الصراحه انا كنت كل ما أخونك أجيب بيضة و أحطها فى الدولاب، فالست قالت فىنفسها مرتين خيانه فى عشرين سنه ماشى سامحتك بس العشرين ألف جيه دول بتوع إيه قال لها ابدا أنا كنت كل ما اكمل كرتونه أبيعها


    واحد بخيل ابوه مات فراح يعمل نعى فى الجرنان
    فقالهم :أقل حاجه عندكم ايه
    قالوا له : سطر واحد خمس كلمات،
    قالهم : اكتبوا رزق ينعى ولده،
    قالوا له : لسه ، فاضل كده كلمتين
    قال لهم : و يصلح راديوها
    ت









    تسجيل خروج نهائى
    8/7/2011
    ربنا يوفق الجميع











    البحث على جميع مواضيع العضو &!! Who's care&

  2. #2
    تاريخ التسجيل
    4 - 9 - 2009
    ساكن في
    *******
    المشاركات
    4,824
    مقالات المدونة
    2
    النوع : ذكر Egypt الفريق المفضل  : الاهلي

    افتراضي

    هههههههههههههه
    ههههههههههههه
    ههههههه
    طيف عابر و لحظات عندها يتوقف الزمن معلنا حروف اسمك

    البحث على جميع مواضيع العضو Ali Pharouq Najar

  3. #3
    تاريخ التسجيل
    23 - 9 - 2008
    ساكن في
    محامى والمحاماة حياتى
    المشاركات
    732
    النوع : ذكر Egypt

    افتراضي

    والله يا توته انك طلعتى شريره بجد
    كل دى نكت
    لا وكلها فى الجون
    بصراحة شوية نكت من الاخر
    ربنا يكرمك اسعدتينا يا توته الشريرة

  4. #4

    افتراضي


    واحد بخيل ابوه مات فراح يعمل نعى فى الجرنان
    فقالهم :أقل حاجه عندكم ايه
    قالوا له : سطر واحد خمس كلمات،
    قالهم : اكتبوا رزق ينعى ولده،
    قالوا له : لسه ، فاضل كده كلمتين
    قال لهم : و يصلح راديوها
    ت

    هههههههههههههههههه

    حلوين اوووى
    ومما زادنى فخراً و تيهاً *** وكدت بأخمصى أطأ الثريا
    دخولى تحت قولك يا عبادى ** و أن صيرت أحمداً لى نبياً


    البحث على جميع مواضيع العضو ابو تريكه

  5. #5
    تاريخ التسجيل
    8 - 6 - 2010
    ساكن في
    سراااااااااااابــــــــ
    المشاركات
    4,445
    النوع : انثيEgypt الفريق المفضل  : الاهلي

    افتراضي

    شكراااااااااااا ليكم
    انتو لسه شفتوا حاجه
    ههههههههههههههههههه




    تسجيل خروج نهائى
    8/7/2011
    ربنا يوفق الجميع











    البحث على جميع مواضيع العضو &!! Who's care&

  6. #6
    تاريخ التسجيل
    30 - 5 - 2010
    ساكن في
    اسكندريه ....
    المشاركات
    1,519
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    ههههههههههههههههههههههههه هههههههههههههههههههه

    بجد مواضيعك كلها جميله اوى اوى

    والنكت كلها تحفه

    ميرسى يا جميل على الموضوع


    الدنيا مسأله حسابيه ::
    خذ من اليوم ... (( عبره )) ومن الامس ... (( خبره ))
    اطرح منها التعب والشقاء ... واجمع الحب والوفاء
    واتـــــــــرك البــــــــاقــــى لــــرب السمــــــــاء


    البحث على جميع مواضيع العضو ED GIEN

  7. #7
    تاريخ التسجيل
    21 - 12 - 2009
    ساكن في
    في عالم العجايب
    المشاركات
    1,317
    مقالات المدونة
    4
    النوع : انثيEgypt

    افتراضي

    هههههههه ههههههههه هههههههه
    تسلمي يا قمرايه علي النكت الجامده دي
    ويارب تفضلي ممتعانه كده بنكت جديده


    اللهم اقذف في قلبي رجاءك و اقطع رجائي عمن سواك حتي لا ارجو غيرك يارب اللهم انى اسألك من الخير كله عاجله واجله ما علمت منه ومالم اعلم واعوذ بك من الشر كله عاجله واجله ماعلمت منه ومالم اعلم واسالك ان تجعل كل قضاء قضيته لى خير يارب العالمين
    البحث على جميع مواضيع العضو هبةالله

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 43
    آخر مشاركة: 27 - 2 - 2012, 07:30 PM
  2. ضاعت منك اسطوانه التعريف مش مهم عاوز تحدث التعريفات اللى على جهازك تعالى معايا
    بواسطة scorpion في المنتدى منتدى صيانة الكمبيوتر و برامجه وشروحات الصيانة
    مشاركات: 28
    آخر مشاركة: 29 - 9 - 2011, 10:57 PM
  3. عايزه تعرفى أو عايز تعرف إسم شريك حياتك ..تعالوا
    بواسطة ~eyo~ في المنتدى خمسة فرفشة
    مشاركات: 7
    آخر مشاركة: 20 - 4 - 2011, 10:02 PM
  4. عايزه تعرفى أو عايز تعرف إسم شريك حياتك ..تعالوا
    بواسطة ~eyo~ في المنتدى مصراوي كافيه
    مشاركات: 3
    آخر مشاركة: 25 - 3 - 2011, 11:34 AM
  5. مشاركات: 9
    آخر مشاركة: 1 - 3 - 2011, 12:00 AM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©