قهوتنا على الانترنت
النتائج 1 إلى 4 من 4
  1. #1
    تاريخ التسجيل
    8 - 6 - 2010
    ساكن في
    سراااااااااااابــــــــ
    المشاركات
    4,445
    النوع : انثيEgypt الفريق المفضل  : الاهلي

    حوار امتحان فى تخيلات سيد ابو حفيظه

    السلام عليكم ورحمه الله

    كيفكم يا عمالقه ؟؟؟؟؟؟

    ................

    وزارة هنديك بالشبشب

    امتحان الدور الأول للصف العاشر الابتدائي

    للعام المنيل بنيلة الى احنا فية

    أختبار اللغة العربية

    -----------------------

    ان شاء الله هنشوفك السنة الجاية يا باشا


    وقت الاجابة : خلص نفسك و اجري

    =====

    اسم الطالب : ناسي البطاقة في البيت

    نوع الطلب : علمي علمك

    عدد الطلبات : طلب واحد شاي

    عنوان المنزل (( في حالة الانتحار او الوفاة )) : اول ناصيه على ايدك اليمين

    تليفون المنزل : اتنين صفر و اربعه خضر

    ============


    هذا الامتحان برعاية بيبسي كولا

    دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))


    ==========

    ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).


    ملاحظة: عجلة الجاذبية 9.8 ( في حالة انك حبيت تنط من الشباك )

    يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))

    ==========


    السؤال الأول (20 درجة)

    ============
    قال ريكو في أغنية (( خلي الشعب يعيش )) مايلي :

    راحت عليكي الدنيا .. وراح زمن الشهادات

    و بقيتي يا دنيا ماشية عالسقفة و عالصاجات

    هزيها براحة براحة .. تفضلي على طول مرتاحة

    هزيها بشويش بشويش .. خلي الشعب يعيش


    ===============

    الأسئله
    =================
    1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات)


    2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 درجات)

    3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 درجات)

    4- استخرج من البيت الثالث صورتين فوريتين مبينا نوع الكاميرا (3 درجات)

    ============


    مساحة خالية للإعلان- ت : واحد اتنين .. الجيش العربي فين

    ===========

    السؤال الثاني ( 8 درجات)

    ===============


    1- تم نقل السوق المالي إلى سوق السمك ؟ (درجتان)

    2- إقبال الناس الى شراء نوكيا 9990 و عدم شراء نوكيا 9900 ؟ (درجتان)

    3- إغلاق شبكة الأخبار Pnn بعد زواج شارون ستون ؟ (درجتان)

    4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (درجتان)

    ==============


    *** أخي الممتحن أقلب الصفحة: والله لتندم عالساعة اللي دخلت فيها المدرسة ***

    =========


    السؤال الثالث –اختياري- (5 درجات)
    اكتب الاسم المستوفى من السؤال

    ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
    ( ورد ذكر اسم هذا الرجل في اكثر من مسلسل تليفزيوني )؟ (5 درجات)

    =================


    فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))

    ==================

    السؤال الرابع (8 درجات)
    ============
    ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :

    " احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله

    جنبك حياتي دي اجمل حياة "
    الأسئلة
    =================

    1-ماذا كان يريد ان يقول عمرو دياب للمزه؟ (4 درجااات)


    2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (درجتان)

    3- ما اسم صبي الخياط بتاع ام الموديل اللي كانت مع عمرو في الكليب ؟ (درجتان)

    ==================


    السؤال الخامس (20 درجة)
    =================

    موضوع تعبير

    قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
    أكتب نبذه عن حياة ابو حسن زعبولا
    (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة
    (( زوجته الاولى )) (20 درجة)


    ===================

    بيبسي كولا
    المشروب الرسمي لهذا الامتحان


    =================

    *** أخي الممتحن أقلب الصفحة أحسنلك (( اصلك مش عارف اللي فيها )) ***

    =================


    السؤال السادس ( 19 درجة)

    ======================

    اجب عن أربعة فقط من الأسئلة التالية
    ===================

    1- من برأيك أقوى وأفضل بوكيمون - هل هو – بيكاتشو ؟؟؟ (5 درجات)

    2 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
    في كأس العالم الأخيرة . (4 درجات)

    ===========
    عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً


    ===============

    سؤال المساعدة ( لرفع الدرجات ) ( 20 درجة)
    و ملهوش لازمة اساساً

    ===================


    أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية

    ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء

    =================


    انتهت الاسئلة و نلقاكم في امتحان الدور التاني ان شاء الله

    ربنا يعينكم علينا

    مع تحيات بيبسي كولا الراعي الرسمي للأمتحان


    هههههههههههههههههه

    منقول






    تسجيل خروج نهائى
    8/7/2011
    ربنا يوفق الجميع











    البحث على جميع مواضيع العضو &!! Who's care&

  2. #2
    تاريخ التسجيل
    7 - 7 - 2010
    ساكن في
    ورا مصنع الكراسي اليلاستيك الي بتتكسر
    المشاركات
    186
    النوع : ذكر Egypt الفريق المفضل  : الاهلي

    افتراضي

    هههههههههههههههههه انا لسه عامله امبارح بس مشكوووووووووووره برضه

  3. #3
    تاريخ التسجيل
    30 - 5 - 2010
    ساكن في
    اسكندريه ....
    المشاركات
    1,519
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    هههههههههههههههههههه

    يا محاسن الصدف

    منور يا ميدو باشا

    هو فعلا ميدو كان لسه عامله

    بس طبعا ده ميمنعش اننا نقولك مشكوره على التوبيك الجميل
    ومجهودك


    الدنيا مسأله حسابيه ::
    خذ من اليوم ... (( عبره )) ومن الامس ... (( خبره ))
    اطرح منها التعب والشقاء ... واجمع الحب والوفاء
    واتـــــــــرك البــــــــاقــــى لــــرب السمــــــــاء


    البحث على جميع مواضيع العضو ED GIEN

  4. #4
    تاريخ التسجيل
    30 - 4 - 2009
    ساكن في
    هناهــو
    المشاركات
    14,292
    مقالات المدونة
    20
    النوع : انثيEgypt الفريق المفضل  : الاهلي

    افتراضي

    للأسف ياقمر التوبيك متكرر

    و ته لينك الموضوع الاولانى

    http://forum.masrawycafe.net/thread...A3%D9%8A%D9%83

    عمتا يتم اغلاق الموضوع ياقمر

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©