قهوتنا على الانترنت
ابحث عن :  
النتائج 1 إلى 5 من 5
  1. #1
    تاريخ التسجيل
    13 - 6 - 2009
    ساكن في
    بين السطور
    المشاركات
    3,102
    مقالات المدونة
    1
    النوع : ذكر Egypt الفريق المفضل  : الاهلي

    تمام قصيدة جحا قصيدة سياسية جدا للشاعر هشام الجخ (قمة الإبداع)

    جحا

    شعور سخيف
    إنك تحس بإن وطنك
    شيء ضعيف
    صوتك ضعيف
    رأيك ضعيف
    إنك تبيع قلبك وجسمك
    وإنك تبيع قلمك وإسمك
    ما يجيبوش حق الرغيف
    سألوا جحا عن سر ضحكه
    قالك أصل اتنين وشبكو
    اللى كان من تحت ميت واللى كان من فوق كفيف
    دا شعور سخيف
    وشعور سخيف
    إنك تكون رمز الشحاتة
    تبنى مبنى للشحاتة
    تعمل وزراة للشحاتة
    يا ساقية دورى عدى فوقى ودوسى
    نصبوا عليا وشحتونى فلوسى
    ربطونى فيكى .. حتى ما اتغميت
    هما اللى فرحوا ووحدى أنا اتغميت
    أنا اللى صاحب البيت عايش بدون لازمة
    ولما مرة شكيت إدونى بالجزمة
    مش لاقي تطفح اديك
    هاتولنا وجيبولنا وادونا ودونا
    هنجيب منين نديك
    مش لاقي تطفح اديك
    طافح يا بلدي غدايا
    ولوعتي غدايا
    وادي الأحبه التقو واتجمعوا عدايا
    أنا اللى زارعك دهب بتأكلينى سباخ
    إن كان دة تقل ودلع بزيادة دلعك باخ
    لا شفت فيكى هنا ولا شفت فيكى ترف
    كل اللى فيكى قرف
    كرامتنا متهانة
    واللقمة بإهانة
    بتخلفينا ليه لما انتى كارهانا

    يعنى ايه تبقى إنتى هبة النيل يا بوبه
    وكل يوم المية تقطع
    يعنى ايه لما اشتكى غلو الفاتورة
    يقولو تشكى بس تدفع
    لما قش الرز ثروة بتتحرق
    وأما نفط الأمة ثروة بتتسرق
    وأما جلادك على ولادك بيبطش
    وأما علمك ما يلاقيش يآكل فيطفش
    يعنى ايه نرفع ايدينا بالسلام لجل الغزاة
    ويعنى ايه لما ابقى ماشى فى حالى اتشد اشتباه
    يعنى ايه لما اتحبس أربع سنين حبس احتياطى
    حبس اعتباطي
    يعنى ايه مش حاسة بالعمر وغلاوته
    بتصبى مر العمر ليه
    دا انا كنت ح اوهب لك حلاوته
    أنا عمرى ما أتأمرت ولا حطيت شروطى
    ومكان ما ترسى مركبك بابنى شطوطى
    أنا كنت جيشك لما مماليلك باعوكى
    وكنت يوسف لما عشتى سنين عجاف
    وضلوعى دى اللى فى معركة قادش حموكى
    وشفايفى دى اللى ما بطلتش فى يوم هتاف
    دة انا كل شبر فى أرضك اتمرمغت فيه
    وكل يوم عشتيه أنا اتعذبت بيه
    بتكرهّينى عيونك السودة وأيامى اللى فاتت
    مانتيش حبيبيتى من النهاردة حبيبنتى ماتت
    مع صوت أدانك جرس فى الشدة صاحينلك
    من امتى كانوا الحرس هما اللى باقينلك
    بعتينى علشانهم وعنيكى معصوبة
    ياهلترى خاينة ولا زيى مغصوبة
    كل الكلام اتقال والشعر بقي ماسخ
    والصبر علو جبال والظلم شىء راسخ
    وطن وغرقان فى النطاعة
    كل شىء ريحته نطاعة
    علمونا بالعصاية ورضعونا الخوف رضاعة
    علمونا فى المدارس يعنى ايه كلمة قيام
    علمونا نخاف من الناظر فيتمنع الكلام
    علمونا ازاى نخاف وازاى نكش
    بس نسيوا يعلمونا الاحترام
    فمتزعلوش لما ابقى مش باسمع كلامكم وماتزعلوش لما ابقى خارج ع النظام
    مستنى ايه من طفل ربوه بالزعاق
    غير المشاكل والخناق
    كل اللى بيقولك بحبك دول نفاق
    أنا لما قلت لك بحبك كان نفاق
    الحب يعنى اتنين بيدوا
    مش ايد بتبنى وستميت تيت تيت يهدو
    الحب حالة الحب مش شعر وقوالة
    الحب يعنى براح فى قلب العاشقين للمعشوقين
    يعنى الغلابة يناموا فى الليل دفيانين الحب
    يعنى جواب لكل المسجونين
    هما ليه بقوا مسجونين
    يعنى أعيش علشان هدف علشان رسالة
    يعنى احس بقيمتى فيكى إنى مش عايش عوالة
    يعنى لما اعرق تكافئينى بعدالة
    الحب حالة
    الحب مش شعر وقوالة
    الحب حاجة ما تتوجدش فى وسط ناس بتجيب غداها من صناديق الزبالة
    الحب جواكي استحاله
    بارت مراعينا والبئر قد جفَ
    والجوع يكوينا والصبر ما كّفى
    والقلب لا يهدا والجرح لا يشفى
    ولأننا طوع زنا لهم خفا
    جاءوا بموكبهم واشتغلت الزفة
    الدفة مظبوطة وأصلا مافيش دفة
    والكفة مش مايلة علشان مافيش كفة
    و جحا اللى جاى بالليل لساه بيتخفى شايف ديدان الغيط سارحة ومارحماشى
    من جبنه شاف الدود سابه وراح ماشى
    ولا اتكسف من الناس ولا حس على طوله
    الناس عشمها كبير جريوا بيشكوله
    ضحك جحا ضحكة مواشى ..
    مادام بعيد عن طينى ... ماشى
    الدود قاعد لك يا جحا ولابد فى طينك
    بعد اما يمص فى دمانا مش هيحلاله الا طينك
    احنا اهلك احنا رجالتك أمانك
    إحنا وقت الشدة سندك إحنا زادك
    يا جحا احمى ولادك لو كنت عايز تحمى طينك
    سوف أرحل ربما يلقانى من ارجو لقاه
    هامشى ويا الشحاتين وابكى على حلمى اللى تاه
    بس مش هاشحت رغيف هاشحت وطن لله

    أنا لا أريدك أن تبكي
    ولا أريد عيناك تصافحان أمامي البكاء
    فأنا
    وإن مات فيك الهوى
    لا أريد أن يموت فيك الكبرياء

    البحث على جميع مواضيع العضو thesniper_12007

  2. #2
    تاريخ التسجيل
    13 - 6 - 2009
    ساكن في
    بين السطور
    المشاركات
    3,102
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    فين الردود يا اخواننا

    أنا لا أريدك أن تبكي
    ولا أريد عيناك تصافحان أمامي البكاء
    فأنا
    وإن مات فيك الهوى
    لا أريد أن يموت فيك الكبرياء

    البحث على جميع مواضيع العضو thesniper_12007

  3. #3
    تاريخ التسجيل
    6 - 5 - 2010
    ساكن في
    مدينتى
    المشاركات
    5,279
    مقالات المدونة
    3
    النوع : انثيEgypt الفريق المفضل  : الاهلي

    افتراضي

    لا اله الا الله
    انا متخيلتش انها حلوه كده
    عارف كلمتها ابكتنى
    بجد حزنتنى اكتر مانا حزينه
    مكنتش اتخيل انى الاقى حد يوصف كلامكتير نفسى اقوله
    مش عارفه اقولك ايه
    جزاك الله خيرا انك خليتتنى بكيت
    ولا جزاك الله خيرا على كلام وجعنى
    انا مش بضايقك
    بس ده احساسى
    بجد اتخنقت من كتر مانا فعلا ممكن اكون مش بحب بلدى
    انا اسفه يا اكرام على الهرتله اللى كاتباها


    ابتسم وتامل
    ترى الدنيا حافله بالامانى






    البحث على جميع مواضيع العضو دره

  4. #4
    تاريخ التسجيل
    13 - 6 - 2009
    ساكن في
    بين السطور
    المشاركات
    3,102
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    اقتباس المشاركة الأصلية كتبت بواسطة اسلامى حياتى مشاهدة المشاركة
    لا اله الا الله
    اقتباس المشاركة الأصلية كتبت بواسطة اسلامى حياتى مشاهدة المشاركة
    انا متخيلتش انها حلوه كده
    عارف كلمتها ابكتنى
    بجد حزنتنى اكتر مانا حزينه
    مكنتش اتخيل انى الاقى حد يوصف كلامكتير نفسى اقوله
    مش عارفه اقولك ايه
    جزاك الله خيرا انك خليتتنى بكيت
    ولا جزاك الله خيرا على كلام وجعنى
    انا مش بضايقك
    بس ده احساسى
    بجد اتخنقت من كتر مانا فعلا ممكن اكون مش بحب بلدى
    انا اسفه يا اكرام على الهرتله اللى كاتباها
    يا اسماء بداية لا أسف لأني لا احب هذه الكلمة وبعدين احنا هنا بنفضفض وبنتنفس مع بعض فارجوكي اعتبريني اخوكي الكبير دا هشام الجخ شاعر فوق ممتاز والأكثر من كدا شعرة في الغالب سياسي ويا سلام لو نزلتيهم من على اليوتيوب وسمعتيهم صوت حاجه كدا فوق الوصف تعابير وجهه بتشرح كلمات القصيدة

    أشكرك على مرورك الطيب الكريم
    تقبلي تحياتي
    لك خالص ودي وتقديري واحترامي
    التعديل الأخير تم بواسطة thesniper_12007 ; 21 - 8 - 2010 الساعة 08:14 AM

    أنا لا أريدك أن تبكي
    ولا أريد عيناك تصافحان أمامي البكاء
    فأنا
    وإن مات فيك الهوى
    لا أريد أن يموت فيك الكبرياء

    البحث على جميع مواضيع العضو thesniper_12007

  5. #5
    تاريخ التسجيل
    13 - 6 - 2009
    ساكن في
    بين السطور
    المشاركات
    3,102
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    فين الردود

    أنا لا أريدك أن تبكي
    ولا أريد عيناك تصافحان أمامي البكاء
    فأنا
    وإن مات فيك الهوى
    لا أريد أن يموت فيك الكبرياء

    البحث على جميع مواضيع العضو thesniper_12007

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. سيبدأ غداً...الأربعاء 16 فبراير...صيام الثلاث...أيام البيض!!!
    بواسطة العفو والعافيه في المنتدى مصراوي كافيه
    مشاركات: 2
    آخر مشاركة: 15 - 2 - 2011, 07:46 PM
  2. سياسة الدولة اصابتني بانفصام في الشخصية
    بواسطة Princess maya في المنتدى المنتدى السياسى العام
    مشاركات: 3
    آخر مشاركة: 11 - 12 - 2008, 04:17 PM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©