حنينى للذكريات ... أهرب شوية من الجو الخنيق دا.

[A7med elsayed]

فى ظل الصراعات الحالية واللحظات القاسية التى يمر بها الشارع المصري
قولت أهرب من الجو دا وأروح لذكرياتى شوية

من اروع اللحظات التى تمر على الانسان هى حنينه لذكرياته
عندما يتذكر طفولته البريئة عندما كانت الحياة اجمل وامتع
حياة خالية من المسئوليات , قائمة على الحب والبراءة و كان القاموس لا يحتوى على الكره او الحقد او الحسد او غيرها من المفردات الشيطانية التى ستدخل حياته فيما بعد
يا حنين يا ذكريات , يا سنين احلى الحاجات
نبكى العمر اللى جاى ولا العمر اللى فات ؟
لو كان بأدينا كنا وقفنا سنين زمانا
بيضيع العمر منا وتعيش الذكريات

النسيان نعمة جميلة أوى بس وانا مشكلتى إنى بنسى بسرعة بس ذكرياتى الجميلة مش بنساها أبدا...
من وقت للآخر ألتفت لذكرياتى ألأقى إليها نظرة

أتذكر عندما تلقفت اذنى اول اغنية علقت فى ذهنى واخذت ارددها طيلة الوقت
أتذكر عندما نزلت الى الشارع اول مرة وذهبت عند جدتى لوحديورجعت البيت فخورا بما فعلته واحكى لكل من اقابله والفرحة ملئ عيونى
أتذكر اول يوم لى فى المدرسة وانا اتفحص وجوه التلاميذ برهبة وانظر الى المدرسين كأنهم من عالم اخر

1. استطيع ان اتذكر بقوة رائحة تجليد الكتب التى لا تمحى من ذاكرتى , ورائحة الجوافة التى تفعم الشوارع والتى تتزامن دائما مع بداية الدراسة

أتذكر دائما صوت الشيخ محمد رفعت وهو يرتل القرآن فى السابعة صباحا
ههههه وانا امى تصحينى ومش عايز اقوم طسي استنى 5 دقايق بس

اتذكر اولاد وبنات الجيران , عندما كانت البراءة هى الاصل عندما نجتمع وعندما نفترق , عندما نلعب سويا وعندما نتشاجر ايضا
كنا فى عالم الحق والخير والجمال
كانت الضحكة تخرج من القلب دون ان يخنقها هم او حزن



تذكر ايضا بداية المراهقة والانفتاح على الحياة بشكل اكبر
وبداية الالتفات للكائنات الاخرى التى تعيش معنا ( البنات ) والنظر اليهم بصورة مختلفة

أتذكر أيام الثانوية وبداية الشعور بالرجولة
عندما تصبح لك فجأة فتاة احلام تفكر فيها طول الوقت وانت تستمع الى اغنية ( الحب الحقيقى بيعيش يا حبيبى ) لمحمد فؤاد
وعندما يزيد الوجد والشوق لا نجد افضل من اغنية ( خليك فاكرنى ) لعمرو دياب


انها فترة ( السرحان ) اثناء المذاكرة , وبداية كتابة الاشعار وكلمات الحب على الورق الذى سيفضحك عاجلا ام اجلا
تذهب الى الدرس و ( تسبل ) للبنات محاولا ان تبدو مثل ( عمر الشريف ) لكن فى النهاية من الممكن ان تبدو مثل ( اسماعيل ياسين ) دون ان تشعر
ترجع البيت وتنام على السرير متخيلا نفسك فى اكثر الاوضاع الرومانسية التى تتمناها

من أهم مميزات الفترة دى
إنك تكتشف فجأة انه بأمكانك ان تذهب البحر لاول مرة دون اهلك او رقيب عليك
ذاهب مع اصدقائك وكل منكم مسئول عن نفسه , تستمتع بالمياه دون ان تجد احدهم يشير لك من الخارج بأن لا تذهب بعيدا او ان وقت الغذاء قد حان وعليك الخروج !
يالها من متعة حقيقية تشعر معها برجولتك واعتمادك على نفسك

إنها اجمل سنين العمر
عندما كانت المسئولية تتلخص فقط فى المذاكرة قبل الامتحان
غير ذلك ... حياة مفتوحة جميلة مليئة بالذكريات الحلوة

عندما يضيق الحال وتتأزم الحياة
نحتاج الى لحظات من النوستلاجيا حتى نعرف كم كانت الحياة جميلة مليئة بالمتع والاحلام الرائعة
هذه بعض الخواطر التى تجول بذهنى باستمرار

فترة الجامعة دى عايزة دفتر كبير جدا عشان أكتب بقى مش وقته ..
يالله أشوفكم على خير ربنا يبارك فيكم

[بك أستجير فمن يجير سواك]

هلا وغلا
ازيك يااخى يارب تكون بخير
بجد كلمات رائعه جدا
الذكريات
ياااه بجد كلماتك سرقتنى لى لذكره اتمنى العوده
وعدم الرجوع لى الواقع ده بس بجد شكرا على كلماتك
الطيبة ولا حرمنا الله من حضورك بس نتمنى الزياده
تحياتى وتقديرى
فى حفظ الله

[شهد الحب]

بجد توبيك جميل جدااااااااا

تسلم الايادى

[دره]

طيب بالله عليك يعنى
حد متميز كده فى سرد الواقع بطريقه متشوقه
ميكتبلناش ونكون من قرائه
بجد يا احمد متميز جدا فى كتاباتك وعرضك للموضوع
فعلا الزكريات دى اهم ما فينا
انا الحمد لله عمرى منسيت زكرياتى من وانا لسه فى اول عمرى
ممكن فاكره حجات من وانا 3 سنين
ازاى بقى؟؟
سبحان الله
بس امتع الاوقات لما برجع للزمن
واكون فى احلى لحظاتى مع الزكريات
تسلم يارب يا احمد عالموضوع
منتظرين مزيدك