قهوتنا على الانترنت
ابحث عن :  
النتائج 1 إلى 3 من 3
  1. كووول كنتم فين يا أخواتي لما ضاعت ملفاتي؟ ورقة ورقة دبوس دبوس زنجا زنجا

    السلام عليكم ورحمة الله
    مما لا شك فيه أن كرة الثلج المنحدرة من فوق جبل الشعب المصري والتي لم توقفها لا فرامل الفقي ولا متاريس العادلي فتناثروا من على جانبي مزبلة التاريخ وانتهى بهم المطاف في طرة لاند للألعاب المالية وليه تتسجن مرة لما ممكن تتسجن خمسة وسبعين مرة فتعددت البلاوي والزنزانة واحدة والجدير بفهلوة الشعب الشعب المصري الذي أبى إلا أن تكون ثورته متفردة فكانت في أغلب أوقاتها ثورة مصبوغة بخفة الدم المصرية فتوارى الشيب الأبيض في رؤوس المصريين تحت علم واحد جمّع قلوبهم قبل أجسادهم فصنع ماردا لم توقفه كلاب أمن الدولة"ياااااااااااه فاكرين المصطلح ده بتاع أمن الدولة والعادلي ومبارك الكلام الغريب اللي كنا بنقراه في أهرام السرايا الصفراء والقطط أم سبع أخبار" واللي يمشي هيشوف واللي هيمشي أكتر أكيد رجله هتوجعه لأن البلاوي كتير اركن عند أول كشك سجاير واضرب لك كوبايتين عصير قصب عشان تبلع الفساد.


    ولعله مما أدى إلى نجاح الثورة بعد توفيق الخالق سبحانه وتعالى هو الصيغة الأخطبوطية للثورة بمعنى أن مبارك لم يعد يدري من أين ستأتيه الضربة القادمة فكلما أمسك بذراع من أذرعة الأخطبوط وجد القلم يأتي من ذراع أخرى مما شتت تفكيره لدرجة أنه نادى على عمر سليمان يا عمر اسأل اللي الراجل اللي واقف ورا عمر سليمان اسأل بلوفر شفيق اسأل القذافي اسأل أي حد "لو مبارك حب يكلم حد هيكلم مين في شعب مصر" فسكت عمر سليمان وأطرق رأسه للوراء قائلا "الشعب والجيش إيد واحدة كلم العادلي أكيد معاه نمرة الشعب في الملف بتاع الشعب وفعلا اتصلوا بالشعب عالنوبايل فردت عليه أم المصريين "عفوا الشعب مش فاضي عنده رئيس بيخلعه كلمني بعد التعديلات الدستورية".


    ولكن للأسف تأتي الرياح محملة بالتراب وتخرج الطائرات محملة بالمليارات فقد وجدنا أن جميع الشعب قد ذهب للميدان وجميع الشعب قد استشهد وجميع الشعب قد واجه البلطجية حتى لدرجة أني أخاف أن نجد تصريحا لجمال مبارك رافعا لافتة "الشعب يريد إسقاط النظام" وظهر أنصاف الأبطال أما الكاميرات رافعين علم مصر المصنوع في الصين حتى الأحزاب الغريبة التي نسمع عنها لأول مرة كالتجمع والحزب الجمهوري الحر وحزب الجيل وعلى حزبي وداد جلبي يا بوي أو الأحزاب الصورية كالوفد ظهرت بصورة البطل المدافع عن الثورة وهو الذين تواروا خلف الحوائط وقت تساقط الشهداء ويكفي ما عرفته من أن السيد البدوي قد اشترى حزب الوفد بفلوسه بالإضافة إلى دوره المهم في بيع الدستور بدلا من دوره المفروض في كشف المستور.


    ووسط الكلام الكثير المتناثر هنا وهناك لاحظت نغمة غبية مفادها أنه يجب تأجيل كل الانتخابات المحليات والشعب والرئاسة وحتى انتخابات مركز شباب الحبانية بحجة أن الأحزاب غير جاهزة للانتخابات وأنه في حالة وجود انتخابات الآن سيتم إهداء الانتخابات للأخوان المسلمين بحجة أنهم الفصيل الوحيد المنظم والجاهز لخوض الانتخابات سمّعني صلاة النبي يعني هل هذا هو ذنب الأخوان أنه مجموعة منظمة ومترابطة وسط أمواج رهيبة حاولت ولا تزال تحاول النيل من الأخوان وباقي الأحزاب على ما تفرج مجرد مجموعة طرابيش قاعدين عالقهوة بيوزعوا على بعض مرتبات الحكومة عليهم باعتبارهم حزب معارض والغريب إني سمعت تعليق غريب لأحدى صديقات أختي المتزوجة في إحدى محافظات الدلتا عندما فاز مرشح الأخوان في انتخابات مجلس الشعب 2005 فقالت صديقة أختي وهي مذعورة يادي النيلة أهو مرشح الأخوان كسب الانتخابات وهيخلي الستات يلبسوا النقاب إجباري ضحكت على كلماتها التي طبعا تصدر دون ثقافة جيدة ولكني فوجئت بنفس الكلمة من مذيعة مشهورة "بثينة رشوان" حيث قالت تبقى مصيبة لو الأخوان مسكوا البلد أول حاجة هيعملوها هيلبسوني الحجاب وأنا مش عاوزة"؟؟؟؟ وفعلا اللي على رأسه بطحة يغير عليها عشان ما تعملش خرج تحب تغير الدستور ولا تنام خفيف ولا أقول لك اشرب لك كوباية عصير قصب تاني وخش نام عشان عندنا مظاهرات للأقباط بكرة .
    فعلا ناس ليها ميكروفونات وناس ليها ملفات

  2. #2
    تاريخ التسجيل
    5 - 10 - 2010
    ساكن في
    اطلال المشاعر
    العمر
    38
    المشاركات
    1,320
    مقالات المدونة
    2
    النوع : انثيEgypt الفريق المفضل  : الاهلي

    افتراضي

    ربنا يستر بجد احنا بقينا عاملين زى اللى فى الغربال
    من كتر الحركة وقوتها قربنا نقع مبقيناش عارفين مين صح ومين غلط ضاعت الثقة والمصداقية
    وكل شوية تطلع اشاعات جديدة لحد ما الواحد راسه بقت قاااااااااااااااااااااااا ااااااااااااااااااد كدة
    وبصراحة انا مش شايفة ان فى حد يستاهل انه يكون رئيس الجمهورية
    محدش جدير بيها بس ربنا يقومنا من كل ده بسرعة وعلى خير وكل اللى كنا بنتمناه يتحقق
    هو اكيد مش هيتحقق بسرعة البرق زى ماكتير فاكرين بس المهم اننا نحس بالتغير ده ونساعد فيه ونصبر
    شكرا لموضوعك ده ومازلت عند رأيى ان أسلوبك ملىء بنوع من السخرية على الاوضاع ونوع من الكوميديا اللى بعتبرها حاجة كويسة وميزة لمواضيعك
    اسفة طولت عليك

    لنفترق قليلا.. لخيرِ هذا الحُبِّ يا حبيبي

    وخيرنا.. لنفترق قليلا

    لأنني أريدُ أن تزيدَ في محبتي

    أريدُ أن تكرهني قليلا

    البحث على جميع مواضيع العضو العاشقة المجروحة

  3. #3
    تاريخ التسجيل
    24 - 7 - 2009
    ساكن في
    في سكة الي يروح مايرجعش
    العمر
    38
    المشاركات
    263
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    وفعلا اتصلوا بالشعب عالنوبايل فردت عليه أم المصريين "عفوا الشعب مش فاضي عنده رئيس بيخلعه كلمني بعد التعديلات الدستورية


    تسلم ايدك علي هذا الموضوع

    بس بجد ربنا يستر علي حال مصر لان فلول النظام السابق وامن الدولة وماادراك ما امن الدولة اعتقد انها بعد القلم الي خدتو علي قفاها مش هتسكت واديها ابتدت بالفتنة الطائفية ربنا يستر عليكي يا بلد

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. همسات نبعت في نفوس اطفال
    بواسطة احمد بيسو في المنتدى صور
    مشاركات: 9
    آخر مشاركة: 7 - 6 - 2009, 07:56 PM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©