قهوتنا على الانترنت
ابحث عن :  
النتائج 1 إلى 5 من 5
  1. #1

    افتراضي قولى لاوباما ----- شوفوووو شباب مصر قالو ايه

    قولى لأوباما
    ***





    قولى لأوباما ألف ندامة


    دى عيونهم مليانة صرامة


    مصر شبابها طردوا كلابها


    وهيبنوها بكل كرامة


    قولى لأوباما كفاية تلامه


    نصايحكم مش راح نسمعها


    وان كان عندنا خلق جعانة


    لقمتكم مش هتشبعها


    دى السكة مشيناها معاكوا


    ولقينا أخرتها دموع


    ولا يمكن تانى نخطيها


    حتى ولو هنموت م الجوع


    قبل ما تبقى بلدكم دولة


    وترازى العالم بجنانها


    كانت مصر حضارة وقوة


    وسط العالم حافظة مكانها


    كانت ست الدنيا بجد


    ولازالت لنهاية الكون


    عمرها ما تطاطى كده لحد


    ولا تخضع ولا مرة تهون


    واللى رسمنى جوا دماغكوا


    حيوان تافهه واستهلاكى


    وحصر احلامى وامالى


    فى الكوكاكولا والكنتاكى


    وقضى العمر يبوس ف ايادى


    اونكل سام ويقول اهواه


    قولى لأوباما انه خلاص فلسع


    واحنا يا حلوة اللى خلعناه


    اللى عشان عرشه ما يتهزش


    باع اخوانه وكل جيرانه


    قال لنا ان درعكوا دراعه


    وان سنانكوا هى سنانه


    فمخفناش لكن بالعكس


    من كل قلوبنا كرهناه


    ومن اليأس عصرنا البأس


    ومسحناكوا ومسحناه


    ياوزيرة الخارجية هقولك


    حاجة بسيطة كده ومفهومه


    مهما يبان المصرى بسيط


    او نعسان وف سابع نومه


    ساعة الجد ما يشبه حد


    تلاقيه زى السبع طليق


    عارف مين الغادر طبعه


    وعارف مين هيكونله صديق


    وف افراح ونجاح الثورة


    انتم مش م المدعوين


    لا قرايب ولا كنا حبايب


    اما بجد عالم بجحين


    بينا وبينكم دم بحور


    يسرى ويجرى ف كل مكان


    بينا وبينكم ظلم وجور


    غطا على جميع الأركان


    بينا وبينكم يافا وغزه


    بغداد والقدس ولبنان


    بينا وبينكم دم الشهدا


    ياحضارة ظلم وبهتان


    وعشان كده حلقه وفى ودانك


    أوعى تسوقى علينا جنانك


    لاهيرهبنا ف يوم تهديدك


    ولا مره هيغرينا حنانك


    جيه تزور قال التحرير


    تركب فوق الثورة ف ثانية


    لا احنا مطية ولا احناحمير


    دورى يلا على ركوبه تانيه


    جيه تجسى النبض يا حلوة


    وتشوفى بكرة هيحصل ايه ؟


    اسمعى منى وريحى نفسك


    بكرة بتاعنا وملكيش فيه


    بس سؤال اخرانى يا حلوة


    هى غلاسة ولا برود ؟؟


    مش عايزينك هنا وسطينا


    لا بتهنئة ولا حتى ورود


    اصل ف مصر مثل متقال


    ورثينه عن جد جدود


    حتى اللبن الصافى الصابح


    مرفوض لو من وش قرود



    ههههههههههه

  2. #2
    تاريخ التسجيل
    26 - 9 - 2010
    ساكن في
    فى الدنيا الواسعة
    المشاركات
    246
    النوع : انثيEgypt الفريق المفضل  : الاهلي

    افتراضي

    ههههههههههههههه

    تحفة بجد جداااااااااااا

    تسلم ايدك واشكرك على خيالك الواسع وسهولة الكلمات

  3. #3

    افتراضي

    هههههههههههه
    لا بجد يجنن
    تسلمي يا قمر
    ومستنين جديدك

  4. #4

    افتراضي

    ميرسى ليكى اوى همسه
    تسلملى ردك حبيبتى

  5. #5

    افتراضي

    شكرا على مرورك
    عاشقه
    اسعدنى ردك

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. تعالوووو شوفوووو ازياء محجبات 2009
    بواسطة mouny في المنتدى بنات حوا
    مشاركات: 6
    آخر مشاركة: 1 - 4 - 2012, 11:43 PM
  2. الحقيقه وراء جدوووو
    بواسطة . رومنــــ زيزي ـــسية . في المنتدى خمسة فرفشة
    مشاركات: 2
    آخر مشاركة: 2 - 2 - 2012, 02:31 AM
  3. رحبوووو فيني
    بواسطة بنت اللنجاوي في المنتدى منتدى الترحيب و المناسبات
    مشاركات: 4
    آخر مشاركة: 17 - 1 - 2011, 11:06 PM
  4. تعالوووو شوفوووو ازياء محجبات 2009
    بواسطة m.chezoo في المنتدى بنات حوا
    مشاركات: 8
    آخر مشاركة: 26 - 1 - 2009, 06:01 PM
  5. مشاركات: 2
    آخر مشاركة: 26 - 9 - 2008, 11:45 PM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©