أكتب مواقف حصلت أثناء دراستك

[esra2]

يا جماعة أنا مش عارفة ميين عنده دراسة و مين لأ بس أنا بداية من يوم الحد هتبتدى الدراسة و مشاركاتى هتقل معلش أحنا لعبنا سوا بس لازم الواحد يشوف دراسته قولوا أنتوا مبسوطين ولا زيى و أى موقف حصل أثناء الدراسة ياللا فكروا.

[mano]

شكلك لسة فى ثانوية عامة يا سوسو عشان هتبدأى الحد (ما انا بقيت خبرة بقى فى الحاجات دى)
ثانيا انا بردة هبدأ دراسة يوم السبت يعنى كلنا فى الهوا سوا
طبعا اثناء الثانوية العامة كان ليا انا واصحابى مواقف غاية فى الكوميديا عشان كنا منفضين وكنا بنذاكر بردة ومواقف كتيرة اوىخصوصا مع البنات عشان كدة هاقولك موقف حصل معايا فى الجامعة مش فى الثانوى(انا كنت فى سيكشن رسم هندسى وكان فى بنت زى القمر ومالهاش حل جات وقعدت جمبى وبعد شوية بدانا الرسم وعشان انا كنت متدرب من فترة على الرسم فكنت برسم صح وبسرعة جدا فلقيتها بتقولى لو سمحت ممكن تشرحلى ازاى اعمل معين الدايرة فقلتلها وانا ببتسم ابتسامة بلهاء اكيد طبعا وشرحتلها ازاى والمهم بقينا اصحاب فبعد السيكشن لاقيت المهندس المعيد اللى كان معانا فى المدرج بيقولى هى كانت عاوزة منك اية قلتة على الموضوع قالى طيب ممكن تعرفنى عليها فانا اتخضيت من الطلب ونفضتلة ومن ساعتها وهو مش طايق اهلى بس المهم رخمت علية وخلاص)
وعلى فكرة والله العظيم البنت دى اسمها اسراء

[spider2009]

شكرا ع التوبيك الرائع ده يا سوسو
واللي فكرني بموقف ظريف حصلي في كلية الشرطة
وانا في سنة تالتة كلية
كان بيعلمونا ملاكمة
وطبعا في نهاية الفرقة
بيختاروا اتنين
بينزلوا قصاد بعض فيت
وحظي الوحش نزلت قصاد واحد واخد بطولا ت في الملاكمة
وانا طبعا ما عرفش حاجة في الملاكمة
ويومها ياااااااه
ع اللي حصل اتخرشمت وحياتك
مناخيري نزلت دم
دا مافيش حته في جسمي مش كانت زرقة
ههههههههههههههههه
يومها المدرب قالي انت واخد صفر
قلتله اخد صفر بس كفاية كده حرام عليك هاموت
الحقوني علشان خاطري انهي الماتش
هههههههههههههههههههه

[برنسيسة الكافيه]

ههههههههه
توبك حلو خالص
والردود حلوة برضو
بس انا صار معي موقف كنت بال2 ثانوي و كان فيه مدرس بشتغل البنات يعني بيزعق ويصرخ ودايما عصبي وهو مدرس عربي وانتو بتعرفو القواعد بيوم, عصَب على بنت حلت خطأ بالقواعد ((النحو)) وعصب وصار يغلط وتنرفز وخلاني انا اشرح الدرس والمصيبة انو ما كنت محضرة الدرس وكان عندي صداع ,,وكانت نزلة برد جامدة اوي, لما شفتو عصب وحكالي قومي اشرحي... قمت فورا لاني (((خايفة))) ارتبكت وما عرفت اعمل شي
طلعت من الفصل ورحت غرفة المدرسين وجبت مية ((كباية ماء)) واعطيتها للمدرس وبهدووووووووووء تاااااام قلت اتفضل ولما شرب المية عمل ريلاكس
وقام



رن الجرس واطلعت انا منها
وما عرفت اوقف على رجلي من الخووووووووووف


عمري ما رح انسا الموقف
هههههههههههه

[esra2]

ايه يا جماعة هو أنتوا مبتعملوش حاجة و منكدين ولا ايه؟