وصفات خبيرة التجميل منى رزف للشعر ,, مفيده اوى

[HoBa HoBa]

وصفات خبيرة التجميل منى رزق للشعر
للشعر الجاف(بلسم طبيعى)
1/4 فنجان عشب بابونج+1/4 فنجان زيت زيتون نضعهم فى زجاجة فى البلكونة فى الشمس 15 يوم
وكل يوم نرجها وده هيعطينا فى الاخر زيت البابونج وده غالى يوضع على الشعر 10 دقايق
قبل الغسيل ثم يسرح الشعر ولانسرح من الفروة لا من الشعر نفسه
------------------------------------
للشعر الدهنى:
1/3 كوب شامبو اطفال+1/3 كوب ليمون ونغسل بيه الشعر بس لا ندلك الفروة
لان ذلك يحفز الغدد انها تفرز دهون ويبقى ما عملناش حاجة لكن يفرك الشعر نفسه ويشطف جيدا
------------------------------------------
للشعر الجاف:
(بلسم البقدونس)
فنجان بقدونس+كوب ماء ونغليهم لمدة 1/3 ساعة ثم يترك ليبرد ويصفى ثم نضيف
معلقة جلسرين و تقلب جيدا و لا يشطف
-------------------------
بالنسبة للشعر المصبوغ:
مغلى 3 معاليق بابونج ويشطف به الشعر او يوضع بعد شطف الشعر ولا يغسل
او زيت البابونج(اللى عملناه قبل كده)
---------------------------------
لتتقيل الشعر وتطويله:
كل يوم و لمدة شهر ندهن الشعر بزيت جوز هند(من العطار) وياريت نغرق الشعر بيه
وده بالليل و ندلكه و نسرحه و بعدين نضع بونيه وننام بيه و الصبح يشطف جيدا بالشامبو
--------------------------------
للمحجبات اللى بيعانوا من ان المنطقة الامامية منحولة شوية :
زيت جوز هند +بياض بيضة(لو الشعر عادى)او صفار بيضة(لو الشعر جاف)+معلقة عسل+معلقة زيت زيتون
تدليك للفروة واسيبه ساععتين مرتين فى الاسبوع
--------------------------------
للقشرة:
كأس خل تفاح+كأس ماء +نعناع ونغليهم ونعمله اسبراى وندلك الفروة باطراف الاصابع
حتى يجف و يشطف
------------------------------
منقول

[نيمو]

ميرسى كتير يا هوبا بجد تقبلى مرورى مواضيعك اكتر من متميزة

[HoBa HoBa]

ميرسى يا نيمو على المجاملة الرقيقة
انا مواضعى متميزة
امال انتى تبقى ايه