لية الشباب بيعملوا كدة

[ELBRNSISA ESRAA]

يا جماعة الموضوع دا مهم جدا لان يخص البنات والشباب ان لية معظم الشباب ولحظوا انى مش قلت كل انهم بيمشوا مع البنات لمجرد التسلية فقط لية انا مرة قرأت فى احد المنتديات ان بنت كانت بتحب شاب جدا وكانت مخلصالة لدرجة مش معقولة لدرجة انها مش حبت ولا عرفت حد غيرة وكان بيكلمها فى التليفون وكا بيظهر لها انة بيحبها وفى يوم لقت انة ماشى مع بنت تانية البنت جلها صدمة وندمت انها عرفتة اساسا ومش عايزة تعرف حد تانى من الصدمة اللى حصلتلها ممكن بقى الشباب تدخل وتقولى لية كدا لية مشاعر البنت سهلة اوى عندكو كدة بتمشى مع بنت واتنين وتلاتة ولا بيهمكو لو سمحتوا بقى انا بقى عايزة الشباب يدخلو ويقلوا لية بيعملو كدة مع ان ممكن البنت تكون اول مرة بتحب بجد لو سمحتوا وانا مش عايزة مبررات BY .ELBRNSISA ESRAA

[دره]

بصى يا احلى برنسيسه الحب اصلا مش كلام فى التليفون ولا مقابلات ولا خيانه للاهل الحب اسمى من كده بكتير وطالما البنت قررت تحب بالطريقه دى وتخون اهلها ليه بقى متتوقعش ان اللى حبته يخونها ودا مش تبرير للشباب والولد اللى بيجرح بنت بردو هييجى اليوم اللى اخته او بنته تتجرح فيه ولان الحب اللى بالطريقه دى حرام فكل حاجه فيه مش برضا ربنا فتتوقعى اى شئ من الطرفين واتمنى مكونش طولت عليكى

[سعيد الفيشاوى]

مش هقولك اكتر من اللى قالتو اسماء

انتو اللى بتدو الشباب الفرصه دى
يمكن بمشاعركن الحساسه شويه
يمكن بحب التجربه شويه
ب.........
ومره فى مره تتكرر الخروجات
وبقى حب
وبعد يومين تقابليه مع واحده تانيه وتالته و...........
يبقى فى الاول والاخر انتن السبب
وهذا بتساهلكن فى التعامل مع الشباب

[مونه]

جزاكى الله خيرا إسراء على هذا الموضوع
ولكن إسمحيلى الغلط فينا مش فيهم
وبعدين أنتى قولتى فى أول الموضوع
الولد بيمشى مع البنت مش بيحب البنت
وكلمه بيمشى دى قد أيه كلمه مستفزه
وإحنا اللى بنبدأ الموضوع من الأول وبنسمح بيه
معليش ما فيش بنت بتعمل حاجه غصب عنها
مهما كان وتقول غصب عنى سورى (بحبه)
ده كله كلام فاضى وغلط ولازم نسأل نفسنا قبل
ما نسألهم والغلط لازم نهايته تكون غلط
أسفه على كتر الرغى الكتير ده بس بجد نفسى
نفوق ونحافظ على نفسنا وحياؤنا أكتر شويه

[A7med elsayed]

من بين جموع البشر
شفتك اجمل واحلى قمر

من اول نظرة شفتك فيها

حسيت انك حكاية قلبي أريها


أقول لنفسى هكلمها

ولما اشوفها اهرب منها

مش عارف .. فى ايه

هو انا باعمل كده ليه

مش عارف ارفع عينى عليها

ده سحر بقى معمول ليها

أحلى حاجة شفتها فيكي

لما تبصي مكسوفة بعنيكي

يابنتي انتى بحيائك كسفتيني

وحاجات كتير اوى علمتيني

ياسلام عليكي ياغالية

بحيائك خليتي نفسك عالية

حفظتى نفسك بحيائك

وبعدتى عنك اعدائك

خليتي نفسك واحدة عارفة قيمتها

مش اى حد بكلمة يوديها كده ويجيبها

ديه احلى صفة فى البنت الحياء

ديه كانت صفة زوجات الانبياء
تعرفي ليه حبيتك كتير

عشان لقيتك بحياء كبير
ومش هارضى بيكي غير شريكة

فى عش الكناريا مليكة

كم احزن عندما ارى الحياء قد انطفئ فى عيون بناتنا
فالانثى بلا حياء
كالزهرة بلا رحيق

[ELBRNSISA ESRAA]

ميرسى يا جماعة على الردود دى وميرسى يا سوما على النصيحة يا قمر انتا وميرسى لكل اللى شركوا

[mody00]

من بين جموع البشر
شفتك اجمل واحلى قمر

من اول نظرة شفتك فيها

حسيت انك حكاية قلبي أريها


أقول لنفسى هكلمها

ولما اشوفها اهرب منها

مش عارف .. فى ايه

هو انا باعمل كده ليه

مش عارف ارفع عينى عليها

ده سحر بقى معمول ليها

أحلى حاجة شفتها فيكي

لما تبصي مكسوفة بعنيكي

يابنتي انتى بحيائك كسفتيني

وحاجات كتير اوى علمتيني

ياسلام عليكي ياغالية

بحيائك خليتي نفسك عالية

حفظتى نفسك بحيائك

وبعدتى عنك اعدائك

خليتي نفسك واحدة عارفة قيمتها

مش اى حد بكلمة يوديها كده ويجيبها

ديه احلى صفة فى البنت الحياء

ديه كانت صفة زوجات الانبياء
تعرفي ليه حبيتك كتير

عشان لقيتك بحياء كبير
ومش هارضى بيكي غير شريكة

فى عش الكناريا مليكة

كم احزن عندما ارى الحياء قد انطفئ فى عيون بناتنا
فالانثى بلا حياء
كالزهرة بلا رحيق

[ELBRNSISA ESRAA]

ابة الشعر دا تحفة

[ED GIEN]

مش حلك كتير ولا ارغى

البنت هى اللى بتدى فرصه للشاب انه يلعب بمشاعرها
ويحس ان مشاعرها تافهه ..........

بطريقتها واسلوبها ......

مش حقول اكتر من كده