بلدنا ومش بلدنا

[مصطفى]

الواضح من العنوان انى غير راضى عن اللى بيحصل بالبلد طبعا انا بقصد اللى بيحصل بجمهورية مصر العربية وتحديدا اللى بيحصل فى الغردقة وشرم الشيخ.
اصبح الدخول الى هذة المدن اشبة بالدخول الى حصن حصين يكاد ان يصل الى الدخول بجواز سفر والا كانك داخل دولة غربية عنك
مش فى مصر ياما داخل بتصريح من امن الدولة او ليك واسطة تدخلك البلاد دى دا طبعا علشان تتفسح زى مايكون كدة رايح اسكندرية او راس البر وكل دى لية عشان حماية السياح
يا خبر ابيض!!!! السايح بقى اهم فى البلد من اهلها , وياسلام لو حصلت مشكلة بين واحد مصرى وسايح يكون السايح طبعا هو اللى على حق علشان هو اللى بيدخل للبلد العملة الصعبة وغيره.
ياجماعة اللى عايز اقولة ان فى اى بلد فى العالم ابن البلد هو اللى اولى بالمعاملة الحسنة من مواطنية وليس العكس وهو دى اللى بيحصل فى بلدنا.
ندعو من الله ان يهدينا ويصلح حالنا جمعيا.

[صاحب الليل]

اقولكـ يا مصطفى
دا احنا نستاهله علشان احنا سكتين على كده
احنا اللى رضين بكده يبقى نستاهل اكتر من كده

وفعلا دلوقتى بلدنا مبقتش بتعتنا
النهارده مش بيدخلونا علشان السياح بكره مش هيدخلونا علشان هما استعمروها
وادى الدنيا دايما ماشيه بالعكس

[بسام الصواف]

اولا احب اوضح ان الاستاذ مصطفى باين من كلامه انتمائه الواضح وحبه الشديد لمصر
امال انت عايز ايه
هما مش الاجانب هم الى بيدخلوا البلد العملة
انت كلامك ضد مصلحة الدولة
وبعدين هى مش مصر بلد الامن والامان
طب نثبت ازاى للاجانب
اننا ندوس على دماغ اهل البلد بجزمة مقاس 45 وتكون من باتا
عشان الاجنبى يعرف انه فى بلد امينة
امال ايه
اما عن دخول العردقة المحتلة
ده العادى يا درش
لازم تعدى على 4 كمين وتتقتش كمان
امال ايه هى الشرطة دى مش لازم تشتغل وتشوف فاعلية اساليبها
انت عايزنا نجرب على غيرنا
الناس تقول ايه
كمان انت لازم تكون فاهم حاجة
انت بتتفتش عشان الشرطة تشتغل ويحللوا اكل عيشهم

على راى طيف


لك الله يا مصر

بسام الصواف
الغردقة المحتلة

[sadawy]

انت كلامك ضد مصلحه الدوله

[مصطفى]

لية يا اخ سعداوى الرد دة ممكن افهم منك فين مصلحة البلد بنظرك
انها تذل اهلها ----- والا اية