اصل الزمن خيخه
ضارب ف تلبيخه
لا نافع معاه الشيخ
ولانافعه معاه شيخه
شم النسيم عدى
كان نفسى ف فسيخه
ويمكن جزازه ببس
او شق بطيخه
البلطجيه كتار
ضربوا الزمن سنجه
ولما سال الدم
مسحوا له بسفنجه
والزمن بقه مر
بقه طعم نارنجه
شم النسيم عدى
كان نفسى ف الرنجه
وبعدها احبس
بشوب كبير مانجه
والبس على السنجه
يا ساكنين طره
اساتذه المنظره
الاقيش معاك يا تره
حسبت كام جنيه
اعمل بيها منظره
واسدد شهور كتير
على راسى متاخره
يمكن بعدها تتصلح
نفسى الى متكسره
اى كام جنيه
تعمل لكم مفخره
وتغطوا بيها
على نصبكم والمسخره
شم النسيم عدى
وانا راسى متديره
نفسى حتى فى كبر
وكوبايه عصير
ومسكره