رساله من شهيد

[محسن البدراوى]

رساله ليكى ياأمى
رساله سيبهالك
تحت المخده بسريرى
لما تلاقيها ياأمى
يارب تكونى بخير
وبقلك فيها ياأمى
متزعليش منى
واياكى يوم تندمى
انك ولدتينى
مش قادر أعيش يأما
ف دنيا غلابه
مليانه وحوش يأما
سنوا سنانهم ديابه
لا شغل لاقى يأمى
ولا عارف افرح يوم
وحقنا منهوب
بيتسرق طوال اليوم
عشنا يأمى سنين
مقهورين م الهم
وكلاب بلدنا ياأمى
لموا اللى ما يتلم
فكرت فينا ياأمى
وقلت الجنه اهم
فمتزعليش منى
ولا يوم تقفلى بابك
ما الحزن ما يرجع
واحد من احبابك
متحزنيش وتألمى
ولا يوم تشيلى الهم
دأنا جنبك واقف
وشايف
اضمد جروحك الم
خارج ياأمى اليوم
مع بعض اصحابى
نرجم كلاب ابليس
ونقول كفايا زل
لو مت يأما شهيد
لأجل الوطن ما يعيد
صفحه من أمجاده
أياكى يوم تزعلى
وعلى دمى تتألمى
دمى فداكى انتى
دمى فدا وطنى
وموتى يكونلك عيد
أنا رايح الجنه
شامم يأمايا ريحتها
وهقف واستنى
استنى احبابى
امى واصحابى
هنعيش هناك خالدين
ولا حزن يعرف طريقنا
ولا نشيل الهم
مستنى يا أمى
تجينى وتضمى
أفرح وأنا جوارك
وأتهنى بزوارك
يأمايا يا طيبه
يا حنينه وكريمه
اياكى يوم تزعلى
ولا يجى يوم تندمى
انك تركتينى
اخرج ألبى نداء
بلدى وأوطانى
دانا طول عمرى بتمنى
اموت شهيد فانى
فانى فى حب الوطن
ولا حد عليا يزيد
مأنا كل يوم ف دعايا
مع وردى والترديد
بتمنى اموت فيها شهيد
وياما معاكى دعيت
النصر للاوطان
وازاى هيجى نصر
وانتى اللى عيزانى
اعيش هنا جنبك
سامحينى يا أمى
جنبك بشوف الحنان
وبره ناس بتموت
مأقدرش انعس وانام
ووطنا بات مسلوب
لا فقير لاقى لقمه
ولا حتى حق العيش
وبينام على الضلمه
وجسمك صار مكشوف
ازاى هنام مرتاح
وبلدنا منهوبه
وعايزينها تتورث
سرقه ومغلوبه
هبوس ايديكى يا أمى
وامسح دموع خدك
وارفع ايديا لسما
واصلى وياكى
هدعى كمان ربنا
يثبتلى ف خطاكى
وتكونى صابره ياأمى
ولا ليا شايله هموم
ادعيلى يا أمى
وادعى لشهيد مظلوم
الجنه تكون لنا دار
وربنا غفار
ساتر بلاوينا
لومتنا لليل ونهار
فى الفرشه وحدينا
ماتيجى حاجه
ف موته بشهاده
يامه ياولاده
طرحك باقى عناقيد
لو متنا ألف شهيد
فى بطنك التعويض
يا مايا عاهدينى
مايزورك يوم الوجل
ولا يخطر على بالك
بانى اعمالى
هيجى يوم تتنسى
وصفحه وطواها كتاب
يأما دى اعمالى
عند ربنا بحساب
ادعيلى بس انتى
ولا يوم راح تنسى
دا الجنه تحت خطاكى
مفتحه الابواب
يامايا ادعيلى
حبك دا نيلى
وشمسى وضحايا
قلبك فريد ياما
عارفوا بحنانك
ما كنت وليد ياما
وسهرتى لبكايا
تسقينى كاس الحنان
ولا يوم جيتى زعلتى
قلبك كما الجنه
انا عشت جواكى
وبحلم اتهنى
ف الجنه رؤياكى
والله هشفعلك
وم اليوم هستناكى


مع تحياتى
محسن البدراوى

[حرف مشتعل]

سر ياقلم واكتب من الاهات ما تشاء
فان فى القلب نار لعلك تطفاها

دمعى يهطل على فراق وليدى
وهو على الفراق مجبور

ابدعت غالينا
مودتى وسماء تمطر اقحوان

[محسن البدراوى]

سر ياقلم واكتب من الاهات ما تشاء
فان فى القلب نار لعلك تطفاها

دمعى يهطل على فراق وليدى
وهو على الفراق مجبور

ابدعت غالينا
مودتى وسماء تمطر اقحوان

الابداع دائماً وابداً لقلمك
والمشاعر لنا متناثره
نجمعها من فيض عبيرك
وجميل احساسك
سلمتى ودومتى
لكى منى كل الامانى
وبالتوفيق

[قطره ندي]

بجد مفيش كلام يعبر عن جمالها
رائع جدا جدا
كتبت فابدعت استاذ محسن

[محسن البدراوى]

بجد مفيش كلام يعبر عن جمالها
رائع جدا جدا
كتبت فابدعت استاذ محسن

ميرسى ليكى جداً ايها الملاك الساحر
ولا نقول قطرة ندى
المهم هو الاصل والاحساس
مشكوره على مرورك الجميل
لكى منى كل الامنيات
وبالتوفيق