كلمتين

[محسن البدراوى]

كلمتين قبل السفر
لازم منى تسمعيهم
كنت مشتاق انى اقولهم
كلمتين حاسه بيهم ولا اقولهم
كانت البدايه بينا كلمه
كلمه بيضه ف كلمتين
كلمة الحب العنيده
سرحت فيها سنين طويله
وعشت ياما م السعاده
عشت جنه ونور زياده
كنت فوق كل البشر
فوق خدودك
كنت كلمة حب شارده
سارحه طارحه بين ورودك
كنت رايه
او علامه
كنت ليكى الابتسامه
كنت لص
او انانى
كنت ليكى شخص تانى
يجمع الفرحه بأهاته
وبكل شوق يهديهالك
يطلع البرج العلالى
من بروجك
ينتحر على ضى عودك
كنت كلمه نفسى اقولها
حاسه بيها ولا اقولها
وكلمه تانيه جيت اقولها
قبل ما ارحل
دى النهايه
كلمه عمرى ما حلمت بيها
م البدايه
كلمه اسيه
ف كلمتين
كلمه تقتل السنين
تطرح الشوك ف الحنايا
وتصب ملح ف الحشايا
مش منايا
انى اغدر
ولا ارحل
ولا اقتل بسمه زايفه
بين رموشك
بس انتى اختارتى منى
النهايه
من عمايلك جيت بقلك
دى النهايه
كلمه مش محتاجه منى
اى خوف
اصلى حبك كانلى خوف
كنت خايف يوم تضيعى
كنتى شمسى سنين ربيعى
كنت بحلم بيكى دايماً
ورده شامخه وسط غابه
كنت خايف
أه عليكى م الديابه
كنت شايفك نجمه تايهه
وضى لامع
فى سما ملاينه موت
م التوابع
كنت خايف أه عليكى
كنت ف سكوتى بقلك
خلى بالك
يعلى صوتى بنبره خايفه
أنصحك
وافرد جناحى وافرحك
كنت ليكى كل حاجه
كنت كلمة حب جامعه كل معنى
مستحيل كنت اعبر بالكلام
والبلاغه مش هتقدر ع الهيام
هى كلمة حب منى والسلام
قولتهالك من زمان

[قطره ندي]

رائع رائع
استاذ محسن بكل ما تحمله الكلمه
من معني
دام لنا قلمك الراقي

[رضا محمود]

الله الله الله..
إيه الاحساس العالي ده..
بص بقى ياأستاذ محسن..أنا من إحساسي بالقصيدة تخيلت نفسي حبيبتك(ولامؤاخذة طبعاً) وعاوز أرد وأقولك...

ياحبيبي عاوزة اقولك..كلمتين قبل الوداع..
ياحبيبي قلبي حبّك..والحياه بعدك ضياع..
لو صحيح قلبك بايعني..لو خلاص ناوي الرحيل..
الدموع هتكون طريقي..للهروب م الذكريات..
لو هتبعد عن عيوني..أو تقول ننسى اللّي فات..

تحيااااتي...
أخوك....رضا

[اميره بلا وطن]

قولها تانى عشان تكون سمعاها منك

قولها رغم انك بتنطق غصب عنك

استحاله الحب يقبل بالنهايه

واستحاله تكون قدرت تهد ويا الحب سنك


الشاعر الصاعد الواعد
محسن البدراوى
تألق فى كل مره
واعجاب بالصور والتعبيرات
لك منى كل تحية وتقدير

[حرف مشتعل]

عندما يبكى القمر

تتناثر دموعه شهبا

تسافر من وطن السماء

الى غربه الارض

كتاب حزين

حرف انين

دام شذى حرفك

[آية الرحمن]

الى تجبر يوم حبيبها انو يوصل للنهاية
عمرها ما تحس بيه او تحس بكلمة قالها
قولها تانى بأعلى صوت قولها رغم الكلمة موت
قولها تانى هو ممكن القلب يضعف بس قولها
هو ممكن الحب يهمس بش قولها
الى تهدم حب عمر وسنين طويله
الى تنسى عشرة حب فى يوم ليلة
الى تغدر قلب حب فى الف ليلة
تستحق كتير كلام تستحق اقسى غرام
تستحق تموت بخنقة الكلام

الرائع محسن البدراوى
كلمات رائعة بها احساس
يأخذ القلوب معة الى عالم اخر
عالم لا يتمنى الحب ان يصل الية
ولكننا للاسف دائما نصل الية
اتمنى ان تقبل هذة الكلمات البسيطة
كردا على كلماتك واتمنى ان تنال اعجابك
سلمت يمناك وسلم نبض قلمك وقلبك اخى

[محسن البدراوى]

رائع رائع
استاذ محسن بكل ما تحمله الكلمه
من معني
دام لنا قلمك الراقي

مشكوره اختى الكريمه
عطرتى صفحتى المتواضعه بطلتك
دومتى بكل الخير والسعاده
لكى منى اطيب الامنيات
وبالتوفيق

[اسيرة الاحزان]

ماشاء الله عليك
بجد كلمات روعه
تقبل مرورى

[محسن البدراوى]

الله الله الله..
إيه الاحساس العالي ده..
بص بقى ياأستاذ محسن..أنا من إحساسي بالقصيدة تخيلت نفسي حبيبتك(ولامؤاخذة طبعاً) وعاوز أرد وأقولك...

ياحبيبي عاوزة اقولك..كلمتين قبل الوداع..
ياحبيبي قلبي حبّك..والحياه بعدك ضياع..
لو صحيح قلبك بايعني..لو خلاص ناوي الرحيل..
الدموع هتكون طريقي..للهروب م الذكريات..
لو هتبعد عن عيوني..أو تقول ننسى اللّي فات..

تحيااااتي...
أخوك....رضا

ولو مؤاخذه برضوا لو حبيبتى قالتلى الكلام ده
هقولها

كنتى اه فى يوم حبيبتى
كنتى غنوه ورحتى غبتى
كنتى ليا كل حاجه
بس انت عشتى دايما فى سعاده
ونسيتينى
غبتى عنى سنين طويله وزاد حنينى
كل ايامى وسنين تحت رجلك بدوسيها
راجعه ليا بالف ورده وتبوسيها
مانتى قلتى انت حبك ليا كان
كان زمان
دلوقتى جايه تقولى حبك فى الكيان
لا خلاص الموده والحنان
منى ماتت
وف قبور الشهدا عادت
يافته حلوه فيا ماتت
كان زمان حبك انتى كان زمان
قصه حلوه
وكان ياما كان

مشكور اخى العزير على ردك البديع
ادام الله الحب والاخوه
وكل عام وانت بخير

[محسن البدراوى]

قولها تانى عشان تكون سمعاها منك

قولها رغم انك بتنطق غصب عنك

استحاله الحب يقبل بالنهايه

واستحاله تكون قدرت تهد ويا الحب سنك


الشاعر الصاعد الواعد
محسن البدراوى
تألق فى كل مره
واعجاب بالصور والتعبيرات
لك منى كل تحية وتقدير

حبى قابل للنهايه من زمان
بس طيشى وحبل دايب ف المكان
وهم فيه كنت عايش مدى الامان
بس يلا خساره فيها الحنان
خساره كلمت حب وحده فى دا الزمان
راح نقولها لوحده جارحه ف الكيان


مشكوره اختى اميره على بديع ردك
وجليل وجودك
دومتى بكل الحب
وبالتوفيق