الكارثة

[عاصم مهدلي]

الأخوة والأبناء الأعزاء
التصدي للكتابة في الشأن السياسي له قواعد ليس من الواجب ان نحيد عنها ولهذا وان كان لك مطلق الحرية في نشر رأيك دون ادني قيد فانه من الواجب عليك ان تقرأ وتتعلم وتدرس قبل ان تخط بقلمك ورمضان مبارك عليكم جميعا

[Mr.Karsa]

كلام جميل يا ريس جدا

بس على كلامك بقى يبقى نقفل القسم ده

لان مش اعضاء الكافيه كلهم دارسين سياسه واقتصاد

اه الكلام في السياسه وان كان بدون قيود ليه اصول وقواعد

بس المنتدي بيتعمل للنقاش

مش اقول اللي مالوش ميلزموش

[عاصم مهدلي]

ياسيدي الفاضل بالطريقة والتي تعلق بها تحول المنتدي الي فضفضة والحقيقة غير ذلك فالمنتدي مجال طيب للحوار الجاد وعندما تطرح اطروحة ما فعليك اما ان تطلب النقاش او تعلن بانك في حاجة الي المساعدة في تبيان المجهل في صفحات علمك ولأنني لا ادعي العلم الا انني وحتي في مرحلتي العمرية هذه لا استحي في طلب العلم ولهذا فكان الغرض من طرحي هذا ان ابين الفرق بين ان تؤكد علي صحة بيانك وهنا الكارثة لا يا سيدي العزيز فعندما تدخل مطبخا فانت تفعل ما تعلمه اما ان تفعل ما تريد وبدون علم فقد وقعت في دائرة الخطأ هذا ماقصدته ولم اطلب منك ان تدخل كلية الاقتصاد والعلوم السياسية لتتعلم كل ما طلبته التريث والتأني قبل ان تخط بقلمك فالمنتدي مجال للنقاش الحر لمن يريد العلم ان كانت دائرة علمه تقع في ركن النقيصة اما وان علمه بالأمر يقع في دائرة المؤكد فمن الواجب عليه ان يحيط بعلمه غلمانا ارادوا علما هذه رسالة فعلمك الصحيح يفرض نفسه اما الفهلوة فالمتحضر من الأمم القوا بها في سلال واحرقوها فلم اكفر يا بني عندما طلبت منك ان تتعلم شكرا لمرورك الطيب وكل عام وانتم جميعا بخير

[Mr.Karsa]

مبدايا كده واضح ان حضرتك راجل كبير في السن

وده يخليني اغير اسلوبي شويه في الكلام

انا مقولتش انك حضرتك كفرت

بالعكس كلامك صحيح والكلام من غير علم ولا ليه اي اهميه

وانا شخصيا مبحبش اتكلم في اي موضوع من غير ما اكون على درايه كافيه بيه

بس كل ما في الموضوع ان مش كل اللي عاوز يكتب موضوع هيكتبه بناء على معلومات وفيره ودقيقه وعلى واقع علمي

في ناس _وخصوصا في القسم ده"السياسي"_ بتبقي عاوزه تقول اللي جواها تفضفض يعني بالعاميه كده

وكلام حضرتك ده كان فيه تقيد شويه لحريه الكلام لان مش كلنا عندنا علم كافي

واللي عنده علم كافي ممكن جدا يكون مش لبق في الكلام

مره تانيه انا مش بقول ان حضرتك غلط

بس بقول اننا مش هنبقى احنا والحكومه على الناس

اتشرفت بمعرفة خضرتك وكل سنه وانت طيب

[طيف عابر]

ما زلنا في بداية الطريق ونحتاج الكثير الكثير لنتعلم
ونحتاج التشجيع
وهناك امور لا تحتاج الكثير من الدراسة منها ما يجري الان على الساحة العربيه
اما تاريخنا الحافل فنحن لا نعرف عنه الكثير من الحقائق وهذا بسبب التغطية الاعلامية الزائفه
ومنكم وبعونكم ان شاء الله نتثقف اكثر في الامور السياسيه والتاريخ وحقائقه التي لا يعرفها الكثير
يبارك فيك استاذ عاصم