ايواه بغير ( بالصعيدى )

[المشتاق لرحيق الجنه]

ايـــــواه بغـــــــــير
******

ايواه بغير
واللى جالولك غيره الراجل
جلة حيا او سوق تفكير
خلق حمير
غيرة الراجل نار بمراجل
نار بتنر ما بتحرجش
واللى تخلى صعيدى يحبها
يبجى يا غلبها
طب لو عندك حتة ماس هتخليها
مداس للناس
ولا تحطى عليها جفل وميت ترباس
ولا تعينى ليها كمانى اتنين حراس
انا لو بايدى كنت اعملك
هاند بريج
واعمل شعرى كتبش كرابيج
والبس سلسلة خرزة وجلب
بس البس سلسلة ليه هو انى كلب
انى ما بجولش تخاصمى الناس
تعملى راهبة وتسكنى دير
بس يادوووب حبة تجدير
وانى بحبك وانى بريدك
وانى عجدت بنات الارض
عجود على جيدك وانى تعبت من التفكير
بصى يا شاطرة لما يجولم ان الراجل بطل غيره
جومى جوليلهم ليه هو الراجل شنباته دى عيرة
ايوااااااااااااه يغيييييييييييييير




دى اول مشاركة ليا ..

قصيدة باللهجة الصعيدى

اتمنى انها تعجبكم وتحت امركم

فى اى استفسار بالنسبة للكلمات

[طيف عابر]

كتير كتير حلوة ورغم صعوبة بعض الكلمات الا انها مفهومة وجميله جدا

وطبعا الصعيدي بيغار اكتر من اي رجل تاني مع انه كل الرجال بيغيروا كمان

تسلم الايادي ونتمنى عنجد نقرألك كمان هيك مشاركات لطيفه

طب لو عندك حتة ماس هتخليها
مداس للناس
ولا تحطى عليها جفل وميت ترباس
ولا تعينى ليها كمانى اتنين حراس

[المشتاق لرحيق الجنه]

شكرا للمرور يا طيف
بجد مرورك اسعدنى كتير

[ساندرا]

تسلم ايديك اخى
جزاك الله خيرا

[همسة ولاء]

تسلم الايادي
فعلا ليها تعابير خاصة لانها باللهجة الصعيدي على فكرة بتعجبني اللهجة دي جدا مع انو فيها شوية صعوبات

تقبل مروري المتواضع

[المشتاق لرحيق الجنه]

شكرا لمرورك يا بنت الاسلام
شكرا للرد يا همسة

[باهر العمدة]

لا بجد ولا تمس اللهجة الصعدية بحاجة لان اللهجة متنفعش تتكتب

[preac]

هههههههههههه بالله عليك يا شيخ تتقى الله القصيده دى مش بتاعتك دى بتاعت الشاعر هشام الجخ شاعر صعيدى كاتب قصيدة 24 شارع الحجاز وايزيس فحرام عليك تاخد مجهود حد تانى وتنسبو ليك

[لمياء بوشناق]

هشام انا ضورت عليك كتير الشعر بجد يجنن انا شفتك فى التليفزيون ومن ساعتها وانا هموت واسمع الشعر بتاعك تانى
مش عارفة انت هتروح امته الساقية علشان اجى بجد ماشاء الله عليك ربنا يوفئك ويكتبلك الخير يا رب انا عضوة جديدة فى المنتدى ارجوك قولى هتروح الساقية امتى  

[هشام الجخ]

يعني حرامي وكمان مش عارف تسرق؟؟؟؟
طيب حتى اسرقها كاملة
هههههههههههههههههههههه
انا يا جماعة هشام الجخ
والقصيدة دي بتاعتي
وده الجروب بتاعي ولينك حفلة من حفلاتي اللي قايل فيها ايوة بغير
وبصراحة انا مكسوف لك يا مدحت انت
ده تسجيل لايوة بغير في حفلة
http://www.*************/group.php?gi...d=147759865289
ودي صفحة الجروب بتاعي على الفيس
http://www.*************/group.php?gid=147759865289