الوداع

[شاعر س]

الوداع


وهان عليكى تقطعى اوراق غرامى

وهان عليكى تجرحى قلبى وكيانى

الوداع

مكنتش اعرف انى انا مش غالى عندك
دانا كنت بعشق كلمتك واشتاق سلامك

كنت بعشق ضحكتك واشتاق غرامك

كنت بفرح لما يوم اسمع كلامك

انا كنت لما ابعد بسيب قلبى بمكانك

الوداع

طاب كنتى قولتيلى بلاش

اوحتى مش عايزاك خلاص

وانا كنت هبعد عن طريقك للابد

الوداع

ليه بتكسرى قلبى اللى كان عاشقك بجد

لا عمروا شاف زيك ولا يوم حب حد

انتى ابتديتى الهجر ليه

نفسى الاقى جوا قلبك ليا رد

الوداع

انا مش قليل ولا ضعيف

اكمنى كنت معاك لطيف
معلهش عندى المره ديا

ومن النهارده انا هبقى جد

الوداع

انا مش هسيب قلبى لناس متقدروش

انا هتقلب كل الوشوش

انا هدفن القلب اللى حبك جوا غابه من وحوش

الوداع

الوداع ياللى الغرام وياكى كان شىء مستحيل

الوداع ياللى الظروف خلتنى ابقالك زليل

الوداع ياللى الدموع على حبنا اكبر دليل

الوداع

الوداع ياللى الحياه من بعدك انتى مستحيله

الوداع ياللى معاكى شفت ايامى الجميله

الوداع ياللى الليالى بعدك انتى بالف ليله

الوداع ياللى كتبت فيكى اجمل ذكريات

الوداع ياللى قلبى بعد حبك عندى مات

الوداع

العيون اللى عشانها كنت هتحدى البشر

الرموش اللى ف هواها قلبى كان عاشق السهر

الخدود اللى النسيم فوقها حسيتوا انتشر

الملاك اللى النجوم غنتلها ويا القمر

الوداع

[حرف مشتعل]

كلام فيه من العتاب والاه

ما يجعل سراب السنين العجاف

تقف عند محطه وصول واحده

ليتكون غديرا يرتوى منه

كل من به وله

اثرت ان تخرج على هيئه حروق مهاجره

لا تعترف بشواطىء النو والراحه

سلم نبض القلم الذى حكى

[شاعر س]

شكرا على هذا الكلام الجميل
دمتى على خير حال
ولا حرمنا الله من جمال تعليقاتك

[اميره بلا وطن]

الوداع يلى الحياه كان لونها جوا عنيكى ماسى
الوداع ياذكرياتى ويا حياتى وكل ناسى
ابقى داايما فاكره قلبى وفاكره حبى
فاكره ان القلب كان على شط قلبك بس راسى

قصيده بها من الروعة ما أبهرنى
أبدعت وأحسنت
بارك الله فيك

[اڼتَ حَبًيبًى]

ابدعت فيما طرحته اليوم
حقا انت راااااائع
الوداع اصعب شى فى الدنياربنا يبعده عننا
دوومت بود

[نسيم الذكريات]