أنا وهو ومراته الجزء الثانى جيهان النمرسى

[جينا]

وظل صوت منى يردد باسم سماء
مدام سماء انت مبترديش ليه
ارجوكى ردى
مدام سماء
لم تشعر سماء الا بأغلاق الخط
انها لاتريد أن تسمع المزيد
ماذا تسمع ولمن تسمع وماذا تقول او تسمعها منى أكثر مما سمعت
ماذا تفعل
اتتصل مرة اخرى وتسمع منى زوجة زوجها الاولى ماذا بجعبتها
ام تغلق الخط وتتصل برامى
ولكن ماذا ستقول له هل تقول له انه كاذب وكل من حوله يكذبون عليها
ماذا ستفعل انها لم تأخذه من زوجته نعم لم اكن انا من تفعل ذلك وتسرق رجل من زوجته وابنته
ولكن هو من سرق حبى وحنانى هو من سرق عمرى وايامى
لما فعل كل هذا بى اريد اجابة هل سيقول الحقيقة ام سيكذب مرة اخرى
هل استطيع تصديقه
لالالالالالالالالالالا
فقدت الثقة بكل الناس بكل العالم

من ينقذنى من حيرتى لااستطيع مكالمة احد سيسخر الجميع منى ومن طيبتى
طيبتى لا انها ليست طيبة بل عبط وهبل وساكون حديث كل الناس
ويكون الضحك والتنابز بالكلمات عند رؤيتى
تبكى سما وتنهار ياربى دبرنى انت تعلم وحدك كيف احببته وكيف حاولت ان اكون له ومعه بكل شىء
انقذنى من حيرتى ياربى انت تعلم انى لم استطع ان اؤذى اى انسان فلما يفعل بى القدر مثل هذا
استغفرك ياربى واتوب اليك

يرن جرس الهاتف مرة اخرى
سما تنظر للرقم انها زوجته ماذا تريد منى لقد القت بوجهى قنبلتها وجلست تنظر
وتتنظر منى رد الفعل
ولكنى لم اسالها لما الان واتتها الشجاعة لتخبرنى
هل هو من حرضها على اخبارى حتى اكون على علم بواقعه واختار انا البقاء ام الطلاق
ام هى من فعلت ذلك لانها خلاص لم تستطيع التحمل اكثر من هذا
يرن الجرس

سماء الو
ايوة يامدام سماء هو حضرتك روحتى فين هو الخط قطع

ايوة الظاهر كدة
افندم
منى هو حضرتك بتعيطى انا اسفة بس حضرتك لازم تعرفى الحقيقة
انتى ست افضالها كتير علينا
انا منساش وقفة حضرتك مع رامى كتيير
هو نفسه على طول بيشكر بحضرتك
خلاص يعنى انتى بتتصلى عشان تشكرينى ولا ايه
خلاص انا عرفت واتاكدت انك مراته
اى خدمه
ايوة انا عاوزة حضرتك تيجى عندنا البيت وانا هامليكى رقم بطاقته العائلية اللى راميها بالدرج
ورقم قسيمة الجواز وادى لحضرتك صورة لكل واحدة منهم
وهاجى اخرج لك على اول مدخل المدينة انا عارفة انك متعرفيش تيجى لوحدك واعرفك البيت
ليه كل دة يامنى
استنى بس هو المفروض الايام دى قالك انه مسافر لأمه
لكن هو عنده كام مصلحة بيخلصهم وهايجى ياخدنى من عند امى
ويجبنى البيت وهو استحالة طالما هنا لا يمكن ابات لوحدى
هايجى بالليل ولما ينام هابعت لك رسالة اقابلك واعرفك البيت وارجع قبل مايصحى وتعالى وخبطى علينا
وانا اللى هافتح لك وطبعا انتى فاكرة البيت اللى عزموكى فيه وقالت حماتى انه شقتها
وانا هادخل اصحيه واقوله فى ناس عايزينك بره ويجى يلاقيكى
عاوزة اعرف هايقولك انا مين مش معقول يقولك قريبته
وانا عارفة ممكن يقولك بنت خالى غضبانه عندنا من جوزها هى وبنتها
وانتى هاتسكتى؟
ايوة بامدام سما لو قال كدة مقدرش افتح بقى دة يموتنى
طيب افرضى قال كدة
لا مانا عشان مدلوش فرصة هاكون لابسة قميص نوم عريان واحط لك صورة جوازنا فى وشك اول ماتدخلى
طيب وبعدين هاقوله ايه وهو عندك ونايم فى بيته انا هانهار
لا لازم يعرف ويتأكد انك عرفتى كل حاجة وخلاص مايبقاش فى كدب
المهم حضرتك بعد كدة هاتعملى ايه هاتستمرى معاه ولا هاتطلبى الطلاق
انا ؟؟؟
مش مهم المهم دلوقتى تيجى بكرة
خلاص يامنى سيبينى افكر
يامدام دى فرصتنا الوحيدة انك تكشفيه رامى جوزى وانا عارفاه
فرصتك انك تكسريه قصاد نفسه وتحتقريه ويطلع صغير فى عينك
وتترد لك كرامتك
كرامتى خلاص ضاعت بخداعه وكدبه بس يامنى عاوزة اقولك حاجة
الراجل لما بيتزنق وبيبقى فى وجه التصادم او المواجهة بيستأسد يعنى بيتوحش ويصرخ فى اللى قصاده يعنى هتلاقيه بكل بساطة يقولى ايوة متجوز وانا ماعملتش حاجة حرام ومحبتش اقولك واديكى عرفتى عاوزة ايه هاقوله اطلق هايقول مش مطلق
واعلى مافى خيلك اركبى اتفضلى روحى ومش عاوزك تيجى هنا تانى
وينتهى مشوارى بانى اتهزأت وانجرحت اكتر
لا يامنى انا مش هاجى انا مش هاواجهه عندك انا هاتصل بيه يجينى ضرورى
منى يجى فين
يامدام دة قافل تليفونه ومش هايفتحه اليومين دول وهايقولك اتسرق منه
وليه يامنى مايردش عليه
ماهو دة اللى خلانى اكلمك واعرفك بنفسى
دة ايه مش فاهمة
رامى اتجوز واحدة تالتة وهو معاها فى اسكندرية بيقضوا شهر العسل
اييييييييييييييييييييه
انتى كدابه انتى مجنونة مش ممكن
كذب كذب
استنى حضرتك
ولما اتصلت باخته واتصلنا بابن خاله اللى معاه على طول
قلت له قوله بنتك عيانة وبتموت افتكر انى بكذب عشان ارجعه اتصل باخته اكدت له الكلام فنازل النهاردة وهايجى يبات هنا بس الاول ياخد البنت للدكتور
اتجوز
مش ممكن
انتى مش بتتصلى بقالك فترة والتليفون مغلق
ايوة بس ساعات بيحصل كتير كدة وهو مسافر لان الشبكة عندكم ضعيفة جدا
لا يامدام هو اللى قفله عشان اتجوز واحدة اردنية اسمها صابرين
وقاعد معاها هى واخوها وبيقول بينهم شغل فلما كان هنا فتشت تليفونه ولقيت رسايل واتصالات بينهم فاتصلت برقمها وردت عليه وقلت لها انا مرات رامى
وطبعا اتصلت بيها لان رامى لما واجهته قالى شغل بس البت عينها منى وضحك وانا فاهمة ضحكته
فاتصلت وقلت لها ابعدى عن رامى انا مراته ضحكت وقالت متخافيش انا مش هاصاحبه انا هاجوزه وعرفه انه متجوز اتنين
ولما عرف بأتصالى ليها ضربنى وقالى مش هاقع فى نفس الغلطة اللى مع سما انا قلت لها انى متجوز اتنين وان كان عاجبها
وعامة يامنى عاجبك تمام مش عاجبك مع السلامة مش هاسمح لحد يقف قدام اى شغل او طموح ليه
قلت لها وطموحه مابيتحققش غير من عرق الستات
وجوازهم حسبى الله ونعم الوكيل
انا اسفة يامدام سما كان لازم اقولك
هاتعملى ايه اقفلى يامنى
هاكلمك بعدين

سما تجرب تليفون رامى
هذا الموبايل ربما يكون مغلقا او خارج نطاق الخدمة
كرهت سماع هذه الرسالة

عامة سارسل رسالة
رامى ارجوك اتصل بى ضرورى
لا الرسالة عادية
رسالة اخرى
رامى انا بمصيبة اتصل بى ضرورى
لا
رامى
عامة انا عرفت كل حاجة فى ناس اتصلوا وقالوا انك اتجوزت واحدة اسمها صابرين وانك معاها
كل الرسايل دى هاتوصلوا امتى يارب يفتح الموبايل
طيب انا مجبتش سيرة منى
لا جوازة منى خليها لما اشوفه
سنة ونص يارامى تخدعنى
وتتخيل سما وهو يبكى ودموعه تغرق يديها وهو يقبلهم بكل الحنان
طلبا منها الا تتركه مهما حدث
وان لاشىء بالكون ياخد رامى من سما الا الموت
نسيى يقول الموت ومنى وصابرين وستات العالم كله
كداب كداب
وانهارت سماء فى بكاء وحالة هستيرية تكسر فيها كل شىء حولها


والى اللقاء بالجزء الثالث
انا وهو ومراته
جيهان النمرسى

[نسيم الذكريات]