صورة تسنحق الاحترام

[وليد الاسلام]

السلام عليكم ورحمة الله وبركاتة


موضوع انهردة


على صووورة


بس مش اى صورة


الدنيا فيها كتيررررررررررررررر

و حاجات كتير بتتكرر

لكن زي الصورة دي ... ما أعتقدش

أكيد ... هيصعب عليكوا اللي في الصورة .. و هتقولوا صورة مأساوية !!! لازم منظمة اليونيسيف تعرف !!!


لكن

بصوا ع الصورة دى .... دققوا كويس....ها...شايفين ايه ؟؟؟
اقولكوا انا الحكايه ايه ...

الحكاية
ان اتحاد وكالات الأنباء العربية فانا منح جائزة أفضل صورة لعام 2007
لوكالة الأنباء السورية سانا عن صورة تظهر طفلة في السابعة من عمرها
منهمكة في إنجاز واجباتها المدرسية بموازاة بيعها الحلوى علي أحد أرصفة
دمشق .

ونجح المصور الشاب وسيم خير بيك 27 عاماً بالتقاط تلك
الصورة بعد عدة محاولات كانت الطفلة ترفض فيها أن تتصور وتغطي وجهها
بيديها الصغيرتين كلما أراد وسيم تصويرها، وقال : تمكنت بعد عدة مرات من
التقاط هذه الصورة لها باستخدام عدسة زوم عن بعد يزيد علي 30 متراً، وذلك
أثناء تواجدي صدفة قرب مكان جلوسها المعتاد .

المصور أراد أن يوصل لنا رسالة مهمة جدا ً من خلال صورته دي

أن الإنسان بالإرادة والعمل الجاد يستطيع أن يهزم الفقر والحرمان .

وأطلق الاتحاد علي الصورة اسم العلم والعمل . وكان وسيم قد سماها التحدي

أكيد فينا و جوانا تحدي كبير و عزيمة قوية



الموضوع
ده اهداء ... للناس اللي بنقدرهم و نعزهم اللي عندهم إصرار و تحدي .. و
قهروا ظروفهم .. و هزموا و بيحاولوا يهزموا أحزانهم ...و رغم اللي شافوه
في حياتهم ... لم و لن ييأسوا ...

تحية كبيرة ليهم اللي ياما اتعلمنا منهم و لسه بنتعلم


و مني لهم أكبر تقدير و أجمل حب و احترام

[بوتريكه]

بجد صوره هايله تستحق انها تبقى الافضل

العلم يرفع بيوتا لا عماد لها**** والجهل يهدم بيوت العز والكرم

بالتوفيق

[arabi hashem]

كان لازم علي المصور ان ينزل مصر حتي يحصل علي ارشيف من الصور مش بس صورة واحدة

[طيف عابر]

الارادة تصنع كل شيء
واليأس والاحباط والتقاعس يدمر كل شيء
تسلم الايادي وليد
روعه الصورة ومعناها اروع