نكد علي خطيبتك بمزاجك من عشر اختيارات

**No TiMe** · 10 - 11 - 2008, 05:13 PM

اهلا بشباب جمهوريتنا كلها
جمهورية مصر العربية - ام الدنيا
يعنى ام اوروبا و ام آسيا و ام اميركا و اللى جابوا امريكا
الموضوع هيبقى باللكنة العامية المصرية 100 %

خدوووووووووووووووووووو عندكووووووووووووووو

- طبعا هى هتاخدك فى كل حتة علشان تتفشخر بيك قدام اصحابها البنات ما انت القرد بتاعها ههههه
هتكلمك تقولك يالله بينا ننزل تقولها روحى يا حبيبتى و انا هحصلك و ادخل نام لك ساعتين
ده انت غلبان و طالع عين ام اللى جابوا ابو عم احمد بتاع الفووول

2 - لو صحيت من النوم نقّى اقذر هدوم عندك و مفيش مانع لاستخدام المقص فى تشويه الهدوم و نعكش شعرك كدة
و بعدين انزل لخطيبتك و اصحابها بقى و بعدين كل شوية تحط صباعك فى مناخيرك و حاول تدخل صباعك كله فيها

3 - لو دخلتوا مطعم بقى خلى بالك معايا كُل بشراهه كأنك مشوفتش اكل قبل كدة و متنساش اطلب اكل كتير
و اطلب حاجة ساقعه و متنساش الاصوات المصاحبة للانتفاخ الناتج عن الصودا

4 - لو جالكم الحساب و انتوا قاعدين فى المطعم او الكافى بص فيه و قول ايه ده انتوا اسعارك نااااار عشان اصحاب
خطيبتك يعرفوا انك بخيل و قولهم حاسبوا بقى عشان انا معايا 3 جنيه و 75 قرش مش هيكفوا

5 - بعد الاكل قولهم انا رايح ارجّع فى الحمام و ادخل على اى حنفيه و حط على بنطلونك شوية ميه
و اطلع اللى تشوفه سلم عليه و بوسه

6 - لما تخرجوا تانى ان شاء الله قولهم المكان اللى كنا فيه ده مستحيل نروحه تانى
ده اسعارهم نار و كفاية اللى دفعته لكم المرة اللى فاتت ( ألبس لهم الوش ) .

7 - لما تحبوا تتفسحوا فى اى حته و يقولولك هات العربية قولهم العربية بايظة و ركبهم ترام
او اوتوبيس او سيرفيس او مشروع و لو فيه توك توك ماشى

8 - هات معاك بـ 50 قرش لب و بـ 50 قرش سودانى و ازازهم و تف من الشباك و مفيش مانع تبص ورا و انت بتّف القشر

9 - اوعى تتصل بيها على الموبايل فى اختراع اسمه كلمنى شكراً ببلاش

10 - فى عيد ميلادها او اى مناسبة خاصة كفاية نص كيلو موز او بجنيه بصل اخضر عشان الميزانية متخرّمش

و فى النهاية اتمنى لكم حياة سعيدة و مليانة دفئ و درجة الحرارة 100 و نهاركم سعيد

ويا رب تعجبكووووووووو