مبارك والفانوس السحري

[MagMan]

الرئيس مبارك لقي فانوس سحري قام دعكه فطلعله منه ابليس

قاله : شبيك لبيك تطلب ايه؟
قاله: بص بقي يا عم ابليس انا عملت فى الشعب بتاعي كل حاجه.. قوللي بقي علي حاجة جديده اعملها !
ابليس قاله: بس كده.. بسيطه.. هات ودنك.. وش وش وش وش وش
قام الرئيس قاله: ايه ياعم لعب العيال ده.. ده كلام برضه
قام ابليس قاله: بلاش دي.. هات ودنك... وش وش وش وش وش

قام الرئيس قاله: ايه يا عم ده ... انت شكلك ابليس نص كم ولا ايه
ابليس قاله : معقول الفكره دي مش عاجباك!!.. طب خد دي بقي.. وش وش وش وش
قام الرئيس قاله : ياعم انت شكلك كده لا ليك في العفرته ولا حاجه.. هات ودنك بقي اقولك انا بعمل ايه في الشعب بتاعي.... وش وش وش وش وش
قام ابليس وشه اصفر و قاله: يا راجل اتقي الله

[طيف عابر]

مالك بس يا ماجمان

انت مأمن على حياتك ولا ايه ههههههههههههه

شكرا كتير عالنكتة الحلوة

[Serag Magdy]

هات ودنك بقي اقولك انا بعمل ايه في الشعب بتاعي.... وش وش وش وش وش
قام ابليس وشه اصفر و قاله: يا راجل اتقي الله

ههههههههههههههههههههههههه هههههههههههههههه
لاء جامدة يا جيدو والله
وحلوة اوي بتاع يا راجل اتقي الله دي
لاء ووشه اصفر ابليس
اول مرة اشوف حاجة اضحك عليها بالطريقة دي
تسلم يا جميل

[eslam_salem]

ههههههههههه
والله انت هتودينا فى داهيه
بس بجد جامده جدا
تسلم ايدك

[Young DeviL]

ههههههههههههههههههههههههه ههههههههههههههههههههههههه ههههههههههههههههههههههههه هههههه

جامده اوي النكته دي تسلم ايدك وكويس ان ابليس بيقول اتقي الله
يمكن من الي مبارك بيعمله ابليس يتقي الله فعلا ولا حاجه

شكلك هتودينا في داهيه علي فكرا

[affaan]

[العوامى]

جامدة ياماج

[Essam Net]

حلوه اوى يا ماج

والظاهر ان الشيطان هياخد درس عند مبارك بعد كده

لان واضح ان هو فاشل

[MagMan]

يا جماعه الرب واحد والعمر واحد
محدش واخد منها حاجه
شكرا علي مروركم

[نجمة عسولة]

ههههههههههه
ده ابليس هيآمن على ايد مبارك
والله اخيرا هيعمل فينا حاجة حلوة
بس فى مشكلة صغيرة اوييييييييييي :
كلنا هنسجن