عيد ميلاد من كانت حبيبتى ....broken Heart

[Mr.Mo0ody]

النهارده في عيد ميلادك

كان نفسي أكون فى حياتك

كان نفسي أكون معاكى

كان نفسي أفرح وياكى

كان نفسي أمسك أيديكى

كان نفسي أبص فى عنيكي

وشوف فيها دموع الفرحه

الفرحه ان أحنا مع بعضنا

الفرحه وهما أصحبنا جمبنا

لكن يا خسارة عالأيام

كل اللى بقوله كله أحلام

انتى بتحتفلي بعيد ميلادك

وأنا فعيني دمعه فراقك


ببص عليكي من بعيد لبعيد

والكلام واحد بيقول ويعيد

وكل واحد جمب منك

وأنا خايف أقرب منك


بتحتفلي مع واحد تانى

وأنا عمر قلبي ماكان أنانى

كل ده أنا شايفه قدامى

ماخدتش من عيد ميلادك غير بكائي والامى

وأنتى بتحتفلي بعيد ميلادك

وأنا فعيني دمعه فراقك






إهداء إلى من كانت حبيبتى

N
Broken Heart




النهاردة عيد ميلادها

ومن خلال الموقع
أنا بقولها كل سنه وانتى بألف خير
وصحه وسلامه

ويارب أشوفك احسن الناس
وتكونى مبسوطه فحياتك
وتلاقى الأنسان اللى يحبك وتحبيه
مع أنى متأكد
أنك عمرك ما هتلاقى حد يحبك زي منا حبيتك


وبجد انتى كنتى من أحلى الحاجات اللى أنا قابلتها فى حياتى

وبجد الفراق صعب عليا قوى قوى

[Princess maya]

[jewel_lowis]

[x×x 7o0odA x×x]

كل سنه وهى طيبه
وانشاء الله ربنا يعوضك باحسن منها

[jewel_lowis]

انا كده عرفت هيا مين خلاص

[sheren19]

ربنا معاك و ينسيك وتلقى و حدة تستهلك الفراق صعب اوووووى انا عارفة لانى جربت من فترة بس الصبر حلو هتلقى احسن منها بكتير و هتتضحك على الايام دية بس بجد صح جامدة اخر حاجة كلامك دة

[mona roshdi]

تمنياتى الطيبة لها منى بعيد ميلاد سعيد ومودى غالى قوووووى علينا
كل سنة وانت طيبة

وربنا بأذن الله حيعطيك السعادة اللى انت تستحقها يامودى

[نهاد مجدى]

كل سنه وهى طيبه يا مودى ومعلش ان شاء الله ربنا هيعوضك بالاحسن

[ساندرا]

[طيف عابر]

عيد ميلاد سعيد
وكل عام وأنتي بخير
عقبال 100 عام كلها صحة وعافية
وان شاء الله تحققي كل ما تتمنيه