اقوي الدروس علشان تبقي غتت

[ROKA]

1-قول نكته طويلة أوى وتعالى عند أخرها وأعمل
نفسك نسيتها

2- هات بخاخة مطهر و أمشى ورا واحد و كل مايلمس حاجة تروح راششها بالمطهر على طول


3- لما حد يشكى لك من حاجه قوله أنا عندى مشاكل أكتر منك


4-فى مطعم بص للناس اللى على التربيزة اللى جنبك وهى بتاكل ودقق أوى


5- كل ما حد يقولك حاجه عيدها بس على هيئة سؤال مثلا هايقولك "مش أنا اتجوزت" قوله
"أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا


6- و انت بتتكلم مع واحد متبصش فى وشه خالص


7- واحد تانى بقى دقق فى ملامحه بص لودانه وشعره وكده


8- و أنت فى المول ماتمشيش عادى لأ أفضل نط لحد ماتوصل للمكان اللى رايحه


9- مش كده وبس أى حاجة تقابلك فى سكتك طبل عليها


10- فى المترو امضغ لبانة بصوت عالى و أنت واقف جنب حد بيقرا مجلة او جرنان و أنت بتقرا معاه طبعا


11- أعزم ناس تعرفها ملهاش علاقة بمناسبة عيد ميلاد حد تعرفه وياسلام لو معزوم على الفطار
لازم تاخدلك مش أقل من أتنين فى إيدك


12- لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية


13- أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان


14- لو واقف جنب حد بيعد فلوس و فى وسط ما هو بيعد قول اى رقم عشوائى زى 423

[بيبيتو]

أعزم ناس تعرفها ملهاش علاقة بمناسبة عيد ميلاد حد تعرفه وياسلام لو معزوم على الفطار
لازم تاخدلك مش أقل من أتنين فى إيدك
هههههههههههههههههههه
تصدقى و تؤمنى بالله واحدة عملتها معايا عزمتها عالغدا اتصلت بيا قبلها بيوم الساعة 12باليل وقالتلى انها جايبة معاها8بنى ادمين معرفهمش ويا ريتهم ناس عادية لا دول قعدو يتعوجو ويقولو الاكل مش عاجبهم كنت هاتشل

[هيام الشافعي]

ههههههههههههههههههههههه

واحد بقا تعب من كتر عد الفلوس وخلاص قرب يخلص اقوم هوب الخبطتو ايه يا بنتي دا كان ضربني بسكينه علطول وبصراحه هيكونلو حق