ميراندا بتحب بيبسى اطلعى منها انتى بقى يافانتا

[x×x 7o0odA x×x]

طبعا كلنا عارفين ان الرومانسية انتشرت جدا جدا اليومين دول بس الغريبة ان الرومانسية مبقتش بين الناس وبس لا دى بقت بين .......
النهارده جبتلكم حوار رومانسي بين البيبسي والميراندا

الموقع : ثلاجة في سوبر ماركت او فى صندوق


البيبسي : يا ميراندا صاحية ولا نايمة

الميراندا : صاحية وانت ايه اللي مصحيك لحد دلوقتي لسه ربع الساعة والراجل يقفل المحل ويقفل النور

البيبسي : ممكن أقعد جانبك

الميراندا : اتفضل

البيبسي : تحبي نتكلم في ايه

الميراندا : عادي أي حاجة..ولو هتطول قول علشان استأذن من بابا وأنام بره الصندوق

البيبسي ( فرحان ): احرجتيني وطلعتي زي ماقالت ماما

الميراندا : وهي قالت ايه

البيبسي : قالت الميراندا أحلى من الفانتا

الميراندا : فانتا آل فانتا آل

البيبسي : ليه مالها الفانتا دي تهبل

الميراندا : ماشي لو عاجباك روحلها في الصندوق بتاعها..سلام

البيبسي : ايه يا ميري زعلتي من كلامي دا انتي ستهم كلهم

وفي اللحظة دي صاحب المحل حط جنبهم زجاجة فانتا

البيبسي : نورتي الصندوق يافانتا...ايه يا أخواتي الحلاوة دي

الميراندا : وكمان بتغازلها أدامي,, وانا معاك من الصبح يا عبد يا اسود

الفانتا : دي مالها دي متعصبة...ياي غيرانة

البيبسي : سيبك منها بس قولي ايه الجمال اللي أنت فيه ده

الميراندا : قولي يا قصيرة يا قزمة

الفانتا : روحي كده وانتي بآلك اسبوع مرمية في الصندوق ومحدش معبرك

البيبسي : هدوء يا جماعة كل واحدة فيكم فيها مميزات انتو الاتنين حلوين

وفجأة جه زبون المحل وخد الثلاث زجاجات في كيس

وروح البيت وفتح الفنتا وشربها

البيبسي : الحمد لله كانت مضايقانا الفراولة)...... ......(منافق وبوشين))

الميراندا : وكمان جايلك عين تتكلم...روح وراها يا اسود

البيبسي (بينه وبين نفسه) : ضاعت عليا الفانتا وكمان الميراندا

وجلست الميراندا تبكي وتقول لنفسها يقطع الحب وسنينه

لحد اما سخنت

وجه واحد يشربها وجدها سخنة فألقى بها في سلة المهملات


وكانت دي نهاية مؤلمة لقصة حب

[m_hilal]

توبيك جامد جدا


و فينك من ززمان و حشتنا يا راجل و مش بترد عليا ليه زعلان منى ولا ايه

[x×x 7o0odA x×x]

تسلم يا مان نورت التوبيك
شكرا لمرورك

[m_hilal]

تسلم ليك


بس مرتدش عليا

انت مش بترد ليه انت زعلان منى ولا ايه

[x×x 7o0odA x×x]

تسلم ليك


بس مرتدش عليا

انت مش بترد ليه انت زعلان منى ولا ايه

يا مان مش زعلان ولا حاجه
انا عندى امتحانات مش فاضى